韓讚 (已結業)

同大胃王細佬食飯最好食放題，呢間韓式放題好乾淨坐得又舒服，一掃星期日晚落雨既抑鬱感🥳想食咩就寫低，俾職員落單，即叫即整！野飲自己去雪櫃拎，全部都係韓國樂天罐裝飲品比如忌廉溝鮮奶、檸檬茶（個人最中意，甜酸度咁多種牌子最適中）仲有芒果汁同啤酒🍻烤肉係勁好味😋三層肉烤到金黃色邊勁正，配一開始上既泡菜食，再加上熱辣辣既泡菜豆腐湯，有幾重既口感～烤黑豚肉，肉本身有醃好先烤，上面再鋪芝麻～韓潮炸雞🍗雞脾肉好嫩，出面皮就炸得好脆，再點韓式甜辣醬，配埋啤酒一流～韓式炒粉絲 呢個我俾極力推薦，上菜時仲熱騰騰，粉絲同配菜炒得岩岩好，有鑊氣，中意食辣既可以自己加泡菜食，或者將炒年糕既汁撈埋一齊食，事關個辣醬炒年糕惹味得黎，會愈食愈辣，好過癮！紫菜胡麻豆腐見到係咪都好吸引呢，簡單但好食既菜，食咁多烤肉辣野，岩曬食呢個凍滑研腐下火。同細佬研究左好耐究竟咩係雜錦BB飯,最後決定食左先講，原來係韓式撈飯，有煎得好靚既太陽蛋，仲有菠菜（撈飯點少得佢）撈埋韓式辣醬，細佬自己一個ko曬一碗👌🏻最後食埋個甜品🍨士多啤梨雪糕有果肉，匙仲要係櫻花🌸圖案，清足曬我既少女心😂❣️

同舊同事們嘅韓式dinner😚其實我覺得食物單點價有啲啲貴，但喺預先網上book位單點食物有折，折完之後價錢就OK啲啦😂🙈.全餐最有驚喜同最特別就係羽衣甘藍鮮芒果沙冰🍧雖然飲完都講唔出羽衣甘藍係咩味😂但見到杯沙冰咁翠綠，就覺得應該係好足料同好健康🤣話哂羽衣甘藍都係超級食物呀嘛！😂🤣其實呢杯沙冰飲落就係好香甜嘅芒果味，味道唔假同唔會過甜，幾好飲。.炸雞、芝士飯、石頭飯同煎蔥餅都係常見嘅韓式食物，唔會話特別有咩驚喜，但全部都係即叫即製，熱辣辣上菜，所以整體都唔錯😚

崇韓夫婦約食生日飯，朋友好喜歡食炸雞，而小弟就比較傳統愛吃人參雞。得知銅鑼灣最近有棟新商廈進註了間韓國餐廳可以滿足到兩個要求，那生日飯別無他選了。地址不難找，就在十字路口附近，商廈門前已放有宣傳stand。一出𨋢便已是餐廳，非常充分利用空間。四周牆身都是鮮色，沒半點韓國風氣。唯看到牆上的食物圖片才確認沒來錯地方。坐下來後，實在太餓了，極速點菜！上菜速度亦很迅速👍🏼先飲杯果汁，我點了杯蘋果/青瓜/水耕菜混合物，店員以揸汁機形式遞上再在客人面前倒入杯內，一個杯還載不完呢南大門鹵豬蹄肉 (半份) 用生菜包著有厚度的豬蹄肉，肉味出聚，肉質清涼，充滿骨膠原的豬皮煙靭嫩滑。加入青椒、麵豉醬、蒜等伴食，令其更美味接著暖乎乎的高麗人參雞湯來囉，有整整一隻雞在鍋內，煮得非常入味，而雞肉亦保持嫩滑。雞肉原來包有糯米、紅棗、蒜等，當中的糯米非常腍，盡吸精華，很賣座呢💯湯也充滿人參香味，很清甜，十分足料然後又是雞，沾滿甜辣汁的韓潮炸雞，越食越辣，但啖啖都是嫩肉啊

銅鑼灣渣甸街街尾靜靜地落成了一幢商廈, 入口高尚新潮, 已開業的樓層尚未到達一半, 樓下的管理員非常有禮2樓Lift 門打開就是韓國餐廳, 裝潢屬新潮休閒風格, 較為色彩, 光猛開揚前菜有兩款, 要留意前菜收費$20一份韓潮炸雞, 一客十件, 新鮮炸起的雞件沾上醬汁後並沒有因此已令雞皮變淋, 韓式醬汁均勻分布在雞件上, 辣辣地既醬汁較為杰身, 惹味十足什錦海鮮鍋, 上檯時食材還未熟透, 有原隻八爪魚/ 青口/ 虎蝦/ 蜆肉, 及各式各樣的蔬菜, 店員會先幫忙慢慢加入湯底, 湯滾後, 員工幫忙將原隻八爪魚剪開, 用慢火滾著本以為鮮紅色的湯底會好辣, 喝一口, 鮮味令我沖昏頭腦, 鮮味無窮, 完全想像到冬天吃著這個鍋絕對是令人暖笠笠除了海鮮鍋, 還有牛肉鍋或泡菜餃子豚肉鍋可以選擇每鍋會跟上一份韓國麵, 賣相似烏冬, 屬扁身, 放在鮮味無窮的海鮮鍋內, 吸盡鍋中鮮味, 煙靭口感, 令人欲拒還迎

又一新韓國菜館進駐銅鑼灣，友人C君食極不厭，邀請我一齊去試下。坐落於新大廈內，裝潢明亮光潔，不同色彩的椅子增添幾分潮派。飲品方面幾特別，多數以新鮮蔬果製作。我DIY了一杯採用芒果，青瓜和牛油果乳酪。將所有材料放入搞拌機，混合一起就可以飲喇。質感濃稠有點似奶昔。味道方面最突出的係青瓜味，清新好味。C君是個不折不扣的芝士控，芝士鍋怎少得。材料上枱後將所有交由店員代勞，輕輕鬆鬆地等食吧！材料非常豐富，有牛肉，年糕，各様蔬菜，混入了韓醬好入味。建議每一啖都蘸上熔化的芝士，棒極！最後加入烏冬煲煮，所有精華滲入，每條都充滿滋味。新派韓菜少不了炸雞，點了一客韓潮炸雞。雞肉好嫰滑，用了韓國辣醬調味過，辣辣地，惹味！越食越停不了。