陳儀興飯店 (崇齡街)

營業中

休息中

潮洲打冷係我最愛嘅菜系之一，今日同男朋友係新蒲崗搵食途中見到呢間餐廳，心癮起就入左去食哈哈😚.雖然得兩個人，但係太多菜式都想食，所以最後我地叫左四樣食物🤣整體食物質素都好好，份量大碟，抵食！.潮洲蠔仔餅有兩大塊蠔餅，好大份，蠔都算大隻👍🏻韮菜豬紅我係第一次係打冷舖食豬紅🤣本來以為會係好淡味個種，原來係好惹味！豬紅同韮菜都有好香嘅五香味道，送飯一流！避風塘炒蜆呢個有少少辣，唔食得辣嘅朋友要自己衡量一下，哈哈！不過，食落真係好香口，好惹味😋澄海滷水鵝滷水鵝係我食親打冷必叫嘅菜式之一，呢到嘅滷水鵝夠濃味，連下面嘅豆腐都好入味🤓去開附近，值得一試呀！🤩

打冷黎講呢...唔係話呢間最好食, 但講好食同抵食夾埋黎講, 呢間一定無得輸呀,佢地炒小菜都好夠鑊氣, 但有時係會咸左少少...重口味既人好岩食!↓呢個大眼雞貴就係貴左D $250, 但係店食同自己整2回事...店舖係一次過大堆頭去整, 點都會鮮味過你自家制既...我地平時會食馬友魚, 唔係間間打冷都有我食, 馬友魚就會有油香D, 大約$190一條,凍魚一定要點佢地既黃豆醬, 即時提鮮.↓滷水鵝件加鵝肝 $138  o係香港唔係度度都有得食"粉肝" 粉肝既意思係個肝食落口係即溶既, 唔會好似食豬潤甘乾乾地啃到野甘...在香港食到呢個質素算係甘了, 我俾4粒星唔係話唔好食, 只係在汕頭食到比呢個更好食.↓豬紅$50 個豬紅唔會太痴牙, 本身既夠味,  必得比較大件左.

新的一年 祝我心想事成。。。怎麼沒中六合彩呢 實際 d， 吃到美味的食物已是恩賜！去新浦崗搵食，為了避開元旦夜的熱鬧繁囂區域；其實在這舊區，林立了不少臥虎藏龍，能夠生存幾十年，一定有它的絶世秘笈， 今晚就用我的舌頭和它過兩招。。。鹵水鵝粉肝 ~ 拿過奬的，果然名不虛傳 入口即溶，粉粉的質感，香濃的獨門鹵水汁。。。一碟不夠喉，要再 encore, 可以在 order 鹵水鵝片時， 多加 $30, 有3片，真係要搶才有得再吃呢!鹵水鹅片 ~ 這個也不可小觑， 鎮店之寶，除了要歸功獨門鹵水汁，控制燜煮的火喉；還有鵝的自家元素，可見一斑糯米釀大腸 ~ 踏實，中規中矩 友人話有童年回憶，但我小時無吃過喎 韮菜豬紅 豬紅大大舊，但竟然做得很入味，相信是在凝固前添加調味了幸好早到，坐到 7:30已全滿座! 老闆說要人潮管制，限定吃2小時，無問题啦，希望老闆新的一年更豐收啦

潮州打冷款式多，鹵水鵝、生腸墨魚，鹹菜小食送粥一流，飲番杯啤酒，人生一大樂事。喺新蒲崗食打冷，冇乜邊個唔識《陳儀興》，老字號潮州舖，傳統菜式樣樣齊，今日三個人六個餸，一於扮下《嫁哋冷》😋元朗烏頭是本土名產，脂肪豐滿肥美，口感特別香滑。清蒸凍食，點一下普寧豆酱，簡單味美打冷點可以唔叫滷水鵝，鹵水汁香料豐富，入味非常，鵝隻肥瘦適中，肉質嫰滑，係鵝之上品豬紅大大粒好完整，咬開卜一聲是軟滑內涵，超索汁夠曬入味，爽爽韮菜，情有獨鍾佢嘅草腥味，唊一口潮州粥，食兩口韮菜豬紅，真係夠曬潮呢個惹味小炒，牛柳粒係胆，紅紅綠綠嘅係指天椒、豆角粒、最正係D腰果仁，成碟小炒味道互通，小小辣《席笨席妹》都一流😆😆😆蒜香骨甘脆鬆化，小小椒鹽脆炸，小鮮肉堆滿黃金蒜，夠哂香口，即刻要叫枝啤酒飲番杯🍻炸蠔餅又係打冷必點項目，脆漿唔會粉糯糯，蠔仔分佈適中，猛火熱油成份炸到卜卜脆，例牌都大大碟，認真抵食食飽飽講拜拜，見到門口有個凍櫃放滿潮州凍蟹，真空包裝好企理，順勢買隻返屋企比阿仔做宵夜，開心到佢猛問邊度買，我咪同佢講新蒲崗《陳儀興》

我雖然不是潮州人，但就十分喜歡吃潮州菜。潮州菜可以說是豐儉由人，由名貴的潮州涷蟹至平實的韮菜豬紅，任君選擇。今次到這間位於新蒲崗的打冷老店，食品選擇種類多之餘，價錢又實惠。店內的裝潢也十分地道，牆身貼上食物價錢和照片，不需要花巧裝飾，因為味道才是重點。滷水鵝件（$90）👍👍👍👍滷水汁是越久越醇，所以這間有數十年歴史的老店，當然有番咁上下水準。滷水的味道很香醇，可以吃到滷水香料的味道。滷水鵝件的特色是連骨一起上，所以喜歡有骨落地的朋友可以選擇鵝件，但喜歡啖啖肉的則可以選擇鵝片。魚湯浸大蜆（$78）👍👍👍👍👍這鍋熱騰騰的魚湯浸大蜆，我被煲得奶白色的魚湯吸引，先喝一口，充滿胡椒味的魚湯鮮甜又香濃，配合飽滿新鮮的大蜆，湯味更帶點蜆肉的味道。蜆肉鮮甜，加入粉絲和芹菜，就是一鍋簡單得來又美味的湯菜。最後這鍋魚湯浸大蜆只吃剩一大碗殻，所有都全吃過清光。馬友（$188）👍👍👍👍👍潮洲的魚飯是很地道的菜式，所以不要錯過。涷食的馬友幼滑細緻，魚油豐富，可以配合普寜豆醬同吃，但個人就喜歡不點醬汁，這樣就可以吃出魚的原汁原味。韮菜豬紅（$50）👍👍👍👍韮菜豬紅是潮州菜經濟的小吃，嫩滑的豬紅跟韮菜，簡單又惹味。