OX Steak Lounge

營業中

休息中

窩夫與蝦子餅以前間中會去大埔舊墟直街覓食，吃過火鍋和燒肉等，最近發現開了一間扒房，便趁蝦子餅生日去試試。OX Steak Lounge的藍色令人感覺高貴優雅。走進餐廳，牆上的金色牛頭裝飾太吸睛了。餐牌同樣是藍色的。兩款Tasting Menu分別是688元和588元，窩夫與蝦子餅決定各點一份。可以加錢加配飲品，窩夫與蝦子餅加了一杯紅酒($28)和一杯白酒($28)，另可選咖啡($38)、果汁($38)或生啤($48)。588元套餐的前菜為是日精選生蠔，來自法國的生蠔口感爽脆，新鮮味美。另一款前菜是低溫慢煮煙燻牛舌沙律，牛舌經低溫慢煮後口感軟腍，帶點鹹香，配生菜正好中和鹹味。是日餐湯是南瓜忌廉湯，香甜無比。688元套餐的餐湯是頂級牛肝茵忌廉湯，菌味香濃。跟湯有香脆的法包和香軟的餐包，最特別是那放在牛骨內的香滑牛油。輪到主菜，窩夫點了黑松露鵝肝醬威靈頓牛柳，擺盤明顯花過心思。酥皮焗至金黃色，切下去的聲音，一聽便知非常酥脆。裡面是七成熟的牛柳，以及黑松露和鵝肝，味道豐富有層次。配菜有番薯條配蜜糖芥末醬，份量十足，一點也不油膩。蝦子餅點了烤珍稀黑安格斯牛肋骨，烤豬肋骨吃得多，烤牛肋骨還是第一次

大埔舊壚直間附近最近開咗兩間新餐廳，今次去咗呢間Ox Steak Lounge，現時餐廳仲處於試業階段，今次嚟試咗個Set Dinner $488/位餐廳牆身色調以深藍色為主題，燈光柔和，坐起嚟都有舒服嘅感覺。麵包有法式香脆麵包和香軟法式甜包，再配出面嘅餐廳比較少有嘅牛骨髓蒜蓉牛油，係用真牛骨髓嚟盛載㗎。蒜蓉牛油味道好香，搽落脆卜卜嘅法包絕對係一個完美配搭。✨頂級牛肝菌忌廉湯忌廉湯都玩埋拉花，已經充滿視覺嘅享受，牛肝菌湯味道濃郁Creamy。Appetizer✨低溫慢煮煙燻牛舌沙律第一次食煙燻牛舌，牛舌粉嫩軟腍好正。底下用凱撒沙律，生菜爽口、脆口嘅煙肉碎、酥脆嘅麵包粒芝士味好香濃。Main Course✨黑松露鵝肝醬威靈頓牛柳呢度食到嘅威靈頓牛柳同平時出面食到嘅有少少唔同，外層酥脆嘅酥皮，入面有牛肝菌醬和鵝肝醬係牛柳上面，牛柳仲好粉嫩軟腍，肉汁濃郁。牛柳入面仲有鵝肝係入面，食到每一層都充滿驚喜。✨英式傳統經典布袋牛柳布袋牛柳係香港嘅餐廳好少食到，香濃嘅牛味，口感非常軟嫩Juicy，呢度嘅煮法外層先用酥皮包住煙肉，然後煙肉再包住牛柳，然後牛柳中間再包住蠔肉，一層一層咁包住等佢無咁容易散開

同朋友去大埔踩單車，就係大埔附近睇下有乜食，就係咁見到呢間專門食牛的餐廳。係openrice, google 都見唔到食評，應該係新開的。朋友鐘意食牛，就膽粗粗入咗去食，叫咗個$488的Tasting menu 。估唔到無論員工，環境同食物質素都唔錯。餐前包配牛骨髓蒜蓉牛油 - 出面無見過牛骨髓牛油，所以對個牛骨髓牛油好有期望，唔知係咪咁就有少少失望。失望原因並唔係唔好食，蒜蓉牛油基本上係無得輪，但係食唔到牛骨髓味。頂級牛肝菌忌廉湯 - 好濃的菇味，整個湯充滿粒粒牛肝菌，足料。低溫慢煮煙燻牛舌沙律 - 通常食牛舌都係燒同係熱食，第一次係冷盤見到牛舌。英式傳統經典布袋牛柳 - 第一次食布袋牛，用煙肉包住牛肉，牛肉再包住個蠔，一層包一層，但切開時唔好散晒。個蠔非常大隻，有鮮味。而個牛一樣粉嫩粉嫩，口感軟熟，唔知係咪無用醬料，呢個牛味比較特出。黑松露鵝肝醬威靈頓牛柳 - 叫咗5成熟，個威靈頓牛都做得粉嫩粉嫩，口感軟熟。切開時個酥皮唔會甩皮甩骨。黑松露鵝肝醬份量多，加上酥皮，非常香。配黑松露薯條 - 本身鐘意食薯仔，覺得呢個薯條超級好味，好有薯味，炸得好脆，唔油。兩個主菜味道豐富，有唔同的層次