軍記海鮮菜館 (已結業)

偶爾經過，入去了，環境有點濟逼，但食物非常好，尤其是雞蛋焗魚腸，必吃！少有地完全沒有腥味，又有魚油香味，超水準！蒜蓉粉絲蒸元貝、風沙雞、蠔餅都好好食！下次和朋友會再去試其他野！

軍記 大大間舖位 用容易搵見到佢有2人套餐 有三個餸 $198好似幾抵食 就入咗去試下佢個風沙雞好好食 都有半隻份量有酒樓質素 層皮脆卜卜 肉好滑身 好好食蒜蓉粉絲蒸元貝 元貝肉比較細粒 但肉質新鮮 都唔錯 有粉絲係底 不過男人食 唔夠飽個餐無包香飯 要另外叫 正常價 無特別 但最後碟菜係食唔晒 因為都幾多野食

唔計去到廟街，要在佐敦揾間露天的大牌檔便只有這間在白加士街的軍記。原打算來吃海鮮可惜因太夜咩鬼都賣哂，於是兩口子就點了個套餐試吓！這兒的招牌菜風沙雞做得很不錯，炸得皮脆肉嫩，上檯仲係熱辣辣的，半隻也足份量。套餐盛惠$198﹐蒜蓉粉絲扇貝都算幾大隻，厚肉鮮甜，街市行情都知成$15一隻。再加埋碟菜兩個人岩岩好捧腹而回，下次再來試這兒的名物辣酒煮花螺先！

<佐敦唯一露天大牌檔 - 軍記>唔計去到老廟，要在佐敦揾間露天的大牌檔便只有這間在白加士街的軍記。原打算來吃海鮮可惜因太夜咩鬼都賣哂於是兩口子就點了個套餐試吓！套餐盛惠$198﹐蒜蓉粉絲扇貝都算幾大隻，厚肉鮮甜，街市行情都知成$15一隻；這兒的招牌菜風沙雞做得很不錯，炸得皮脆肉嫩，上檯仲係熱辣辣的，半隻也足份量。再加埋碟菜兩個人岩岩好捧腹而回，下次再來試這兒的名物辣酒煮花螺先！

今日老友生日, 因為小弟去左外國所以都有好幾年無親身同佢慶祝, 今年終於返黎, 梗係要食返餐好既賀一賀佢!!!軍記我都好耐無食過, 所以約左班friend 黎再戰依間地道小菜館!!! 我仲記得好近地鐵站, 以前響九龍公園打完波就落黎食,依度真係咁多年都無乜變過, 次次黎親都咁有水準 等左十分鐘就入得, 一坐低梗係即刻叫左風沙雞先啦聽老闆娘講, 佢地既風沙雞仲係用舊式燒雞爐黎燒, 再拎去炸, 咁先可以整到咁脆咁香, 真係十個讚!! 之後仲叫左避風塘炒蟹, 非常惹味! 加入左大量既炸蒜,豆豉既避風塘料, 真係無馬虎清蒸黃立鎗, 金銀旦莧菜, 牛肉炒菜心依D 都唔錯其實我覺得一間街坊菜館除左食正野, 仲係食佢既老街坊溫情我一早叫老闆娘收埋左個蛋糕,老闆娘趁我地食得七七八八, 拎個蛋糕出黎果陣已經點曬candle, 仲即席唱左幾句生日歌 hahahahaha街坊小店唔單止係我地香港人既共同回憶, 仲係我地一齊成長既地方。要食, 梗係去依D啦, 唔通又去益大財團咩依家開始返工無乜時間, 但係幾忙我都一定會約返D朋友食下飯聚下舊, 最後講多次, 生日快樂 XD

第一次食軍記因為爸爸生日而佢又好中意食海鮮同小菜知道軍記海鮮係新鮮即整又唔貴所以帶左佢去軍記食！睇食評話風沙雞一定唔可以走雞所以即刻叫左黎試真係名不虛傳咼不但脆皮 啖啖肉都有汁老豆對呢個超滿意話呢個真係正 之後係避風塘蟹本人好中意食避風塘蟹 貪香口！但有好多食店都會炸到蟹無哂汁但係呢個香得黎有汁辣度適中 唔錯！叫左個召絲腐付通菜通菜新鮮唔老可惜本人對腐付麻麻不過老豆中意就ok老豆中意食新鮮蒸魚所以叫左條豉汁蒸倉魚老闆娘仲撈左條大條生猛既！睇落賣相真係吸引味道都好好本人中意佢魚蒸得岩岩好倉魚正老左唔好食嘛但佢正得岩岩好 唔知用咩秘訣呢而且豉汁蒸都無cum到佢魚鮮味十分推介！！！！！！下一味係雞蛋焗魚腸伙記話呢個都係招牌菜黎一岀黎丫妹好大聲話好似蛋糕個伙記話食落都似架咁答佢好好笑我妹好欣賞呢個佢話魚腸都可以整到咁好正味道不錯最後一味黑椒牛柳我中意佢隻汁好好味唔會話係果d一patpat果d黑椒汁又夠大碟又多牛柳不錯不錯諗住話又蟹又魚咁應該至小要1千以上啦點知埋單都係540!!真係平唔係講笑三個surprise 老豆對呢餐生日飯好滿意哈哈 又做翻次孝子啦

原本我哋一行4人係諗著去三聖食海鮮嘅，因為某啲原因去唔到，所以係雜誌 & 同事介紹下去咗軍記。我哋都係第1次嚟食咋！1) 風沙雞啲味道都唔錯，但始終啲雞都係冇咬感，肉質較淋......2) 豉椒炒聖子一般喇！冇特別！3) 雞蛋焗魚腸個面焗得好香脆，正！加埋胡椒粉一齊食，好嘢味！4) 花雕蛋白蒸蟹冇花雕味，蛋白蒸得老咗，隻蟹都幾細隻......5) 南乳脆吊鱔食法都幾得意，啲鱔變得好有質感，正！個名叫軍記海鮮菜館，但門口唔見有太多海鮮，有啲失望！小菜不過不失喇！但真係幾多人嚟食嘅！所以好嘈......