軍記海鮮菜館 (已結業)

<佐敦唯一露天大牌檔 - 軍記>唔計去到老廟，要在佐敦揾間露天的大牌檔便只有這間在白加士街的軍記。原打算來吃海鮮可惜因太夜咩鬼都賣哂於是兩口子就點了個套餐試吓！套餐盛惠$198﹐蒜蓉粉絲扇貝都算幾大隻，厚肉鮮甜，街市行情都知成$15一隻；這兒的招牌菜風沙雞做得很不錯，炸得皮脆肉嫩，上檯仲係熱辣辣的，半隻也足份量。再加埋碟菜兩個人岩岩好捧腹而回，下次再來試這兒的名物辣酒煮花螺先！