三一餃子 (利源西街)

營業中

休息中

平時喺youtube成日見到人介紹呢間餃子舖 而且間舖中午時間都要得20分鐘左右先入到 所以今次就避開人潮 夜晚先去食 睇下係咪真係咁物美價廉 ✨️薑蔥豬肉餃 (套餐餃子+主食) $58餃子嘅薑味就唔算重 蔥同肉嘅份量一比一左右 餃子餡唔算話好飽滿 肉汁都唔算多 蔥味幫餃子提升味道嘅層次 而煎餃個底有層脆皮 令到餃子嘅口感豐富好多🥟 ✨️豆漿蝦皮湯米線 跟餐豆漿蝦皮湯底偏清淡 有少少豆味同食到啲浸諗晒啲蝦皮幫手提鮮 米線清清淡啖中和煎餃嘅油膩 係唔錯嘅選擇 不過就無啲評論講到咁驚豔🫣 同埋米線份量加餃子對於男士嚟講真係未必夠 大概要追加小食/出去買bubble tea先夠 🤪✨️蒜芯豬肉餃 (套餐餃子+主食+小食) $68雖然呢款餃子一樣有餡料同肉汁唔夠飽滿嘅問題 不過蒜芯加落餃子嘅配搭幾特別 蒜芯好清甜爽脆 令餃子多咗嘅蒜芯嘅清香 係會令人想食多幾舊 😋✨️餃子雞翼 跟餐另加$24店家將雞中翼辣份去骨 再塞豬肉餡入去 餃子雞翼漲卜卜🐣 雞翼似係即煮嘅 雞翼外皮微脆 內裏嫩而有肉汁 有啖啖肉嘅滿足感 個人認為整得比餃子優秀😋 ✨️樽裝豆漿 跟餐 +$7 總結：喺中環開一間平價餃子小店係好值得ap

之前Millmilk介紹咗呢間中環良心餃子店，一夜間人氣爆紅，聽就成日聽人講呢間小店，但同樣身為中環打工仔嘅我竟然從未試過🫣 前日決定同男友放咗工去試試佢！見menu新出咗呢個勁吸引嘅餃子🥟 松露煎餃再搭配上溶溶哋嘅一大pat芝士，雖然邪惡，但松露同芝士真係好match，松露味好香😜 仲要望住塊芝士磚慢慢溶，再倒落餃子上面，趁熱食仲做到拉絲效果🤩另外，仲嗌咗呢個set，有一份餃子、主食同小食😗 。墨醉雞湯餃男友平時勁鍾意食醉雞，估唔到呢度嘅餃子竟然有醉雞味🧐 佢即刻嗌咗嚟試，醉雞化成膠狀，mix埋墨丸，質地幾爽口，醉雞味都幾濃，甚至乎遮咗墨丸嘅味道，但整體嚟講都唔錯！。豆漿蝦皮湯烏冬本身因為太遲嚟嘅關係，心心念念嘅豆乳湯已經賣晒，但店員好好人咁願意叫廚房再煮多碗🥹 豆乳湯飲落似鹹豆漿，夾雜住香濃嘅蝦米味😋 而烏冬食落勁煙韌，係我鍾意嘅口感，成碗烏冬簡單得嚟但又好高質😍。餃子雞翼雞翼總共有三大舊，雞翼炸得好香脆，咬開入面嘅餃子餡好多好滿，趁熱食真係好好食，冇後悔加錢嗌咗🤭食完雖然幾飽，但係仲想試多個味，所以就帶咗呢度嘅人氣口味——蒜芯豬肉餃，佢個餃子皮好薄，煎得好香脆，入面啲餡充滿肉汁，

假期嘅三點鍾依然要排隊嘅呢間餃子店選擇頗多，揀咗兩款煎餃試試佢！平時我好鍾意食大阪燒，但係大阪燒餃子對我嚟講就相當新穎！揀咗粟米口味餡料，啖啖粟米有咬口，餃子表面就好似平時食大阪燒咁鋪滿木魚、紫菜、蛋黃醬同大阪燒醬，個人認為燒醬太搶味，可惜咗啲餃子！ 而另款蒜芯豬肉餃就非常有驚喜啦！第一次食蒜芯餃，味道比起蒜頭溫和但又不失蒜味，令到豬肉餡更加香口同有口感，餃子皮薄之餘冰花仲煎得好脆，果然係店主推薦！三一除咗餃子出色，估唔到湯麵都唔錯！鰹魚昆布湯比想像中重味，好快就麵連湯都清哂！而豆漿蝦皮湯飲落就無咁重豆漿味啵，反而係蝦味好出，好似食緊蝦米咁！關冬煮嘅湯又唔同啲啦，更加濃味同甜以便入面嘅魚腐、魚蛋、菇、竹輪同蘿蔔入味，仲有隻流心蛋添！最後佢哋嘅餃子雞翼炸到熱辣辣上枱，去骨雞翼釀入豬肉餡，雞肉同豬肉混合不清個種味道都幾特別！

蒜芯豬肉餃 ($38): 今次試左水餃, 餃子皮薄, 入面係普通豬肉餡但勝在蒜味夠突出, 幾特別可以一試鰹魚昆布湯烏冬 ($25): 湯頭幾香濃, 不過偏咸少少, 烏冬軟硬適中, 同朋友叫嘅米線對比, 認為烏冬煮得更入味, 不過烏冬要另加$5餃子雞翼 ($34): 總共有三隻餃子雞翼, 雞翼入面釀左豬肉, 皮薄而且肉質嫩滑多汁, 唔錯

有冇見過玫瑰花形既餃子👀？不時會起網上見到有咁既餃子原來餃子就係黎自中環呢間三一餃子🥟我地分別叫左大阪燒餃子同埋雞翼餃子講下大阪燒餃子 佢既外形用料味道都同大阪燒一樣 而且將大阪燒與煎餃子呢款小食crossover 亦都有種感覺 因為佢有木魚同埋醬汁令到我聯想到佢都似係章魚小丸子version既餃子 配搭幾好 味道惹味開胃 另外既雞翼餃子亦見得係心思之作 要將餡料釀入雞翼裡面 令到雞翼外形漲卜卜 睇起上黎好吸引 食落又好滋味 好有肉汁juicy

接朋友放工後嚟到位於利源西街嘅三一餃子。最吸引我嘅地方係呢到嘅特色裝修、貼心嘅英文menu同多款配搭。首先裝修，其實冇咩特別，但店面細細，用咗白色做主調，增加空間感。另外啲燈好得意，係有圖案嘅。牆上仲有啲圖畫，上面寫晒絕望quote😂至於menu，中環區上班一族有唔少都係外國人。雖然呢到係賣中國菜，但menu都有英文version，方便英文人士明白，非常貼心👍！另外呢到仲有啤酒/紅酒嗌🤣，幾得意 。最後就係配搭，呢到俾你自由配搭菜式，可以要餃子(A)餐，又可以要餃子(A)+主食(B)餐或者餃子(A)+主食(B)+小碟(C)餐，又可以追加食物，最緊要係價錢唔貴！呢到最出名嘅係玫瑰花餃子，奈可我哋去嗰日已經賣晒，老闆話係因為好難包，每個月最多只可以包到幾十隻，唯有下次再嚟試啦！我哋叫咗兩個A+B+C餐（$68），加配餐飲。- A 餃子 -蒜芯豬肉餃（煎）黑白松露豬肉餃（煎）（另加$4）雙拼（+$4）餃子每碟有6粒，加$4揀咗雙拼，所以每隻味有3隻😋餃子煎熟後，煎pan加入麵粉水同煎，令到餃子嘅底部有層薄薄嘅脆皮。蒜芯豬肉餃蒜味都幾出；黑白松露豬肉餃個松露味味道就超級香🤩大阪餃子燒（粟米）（

今日雖然是星期五，但小路裡面，有一間餐廳仍然是燈火通明，門口還有大量人排隊。我自己平時覺得，一個人覺得好食，是可以參考。但是當人人都排隊食，就是非食不可了。 餐牌有不同的餃子，傳統口味，特式口味都一樣有，炸玫瑰花餃子，真是十分新穎。而且有不同烹調方式，煎、炸、蒸都有，任君選擇。有不同組合配搭，分為是A餃子、B主食、C小碟。我就叫了A+B+C。如果你只想食餃子，可以叫A+A。 今日叫的2款，分別是栗米豬肉餃 及 韭菜豬肉餃。每一款餃皮都好薄，而裡面的陷料完全不會少，煎餃每一隻都好香口，而且唔會覺得太油，或者皮多過餡。每隻比例均勻，相當不錯。栗米豬肉餃，有濃濃的牛油味，好少見煎餃會出現牛油味，但相當好食，原來牛油加上煎餃，不會搶走本來的味，反而更加好食。 B 主食鰹魚湯昆布湯米線豆漿蝦皮湯烏冬清清地，配搭餃子一流，可選擇辣度。餐牌好有趣，辣度(垃圾，人，神) 。食得辣之人，不防叫到最盡。 C 小碟叫了餃子雞翼，吉列炸蠔及關東煮。1)關東煮湯好好飲，蘿蔔完全吸了湯的味道，丸類的亦十分彈牙，上面有一隻煎蛋，一咬開裡面的蛋黃汁，好好食。2) 吉列炸蠔是新鮮炸起，外脆內軟，完全唔會炸到乾，反而是蠔

喺中環行街行到攰，又唔想食太飽，所以黎左哩度食嘢。關東煮有冬菇，有蘿蔔，有芋絲，仲有好新鮮嘅甘煮野菜。黑白松露炸餃子炸得好香脆，肉味真係好香松露味蒜芯餃子真係好重蒜味，湯煮亦都唔會太淋。烏冬估唔到佢咁大碗，又唔會太淋，好彈牙，個湯亦唔會太濃，清清地，很不錯！餃子雞翼係懶人最雞，一啲骨都無，就咁食，好厚肉，亦好香雞軟骨都燒得好香，唔太肥，味道好厚。哩個好似阪燒咁嘅味道，煎餃好香口，個皮好脆，配埋紫菜好搭調。定價好合理，叫多幾樣都唔會話太貴！

喺中環揾餐晏仔食都好難，唔係因為選擇少，而係度度都好多人，真係好難揾位呢日走咗入利源西街睇下有乜食，發現咗呢間小店，見價錢都okay就決定去馬餃子款式都幾多，而且可以選擇煮法另可以選擇加$4要雙併，彈性都幾大留意左上角可以因應自己需要合併A、B或C類食物我同朋友點咗一份ABC同一份AB，已經食到好飽先講講餃子，因為我地想食健康啲，所以全部揀晒湯餃餃皮好薄，餡料唔多唔少，啱啱好做到一口嘅效果呢度嘅肉餃子都係以豬肉為主，無論係粟米、韭菜、薑蔥定蒜芯都好，全部都好好食好似食肉餅咁一舊死實就會大扣分，但豬肉要打得鬆其實都幾考功夫，三一餃子就做得幾好，豬肉鮮味得嚟有肉汁，加少少辣醬或醋真係好好味豆漿蝦皮湯米線真係幾香荳味，成個麵好清但唔寡，飲咗好多啖湯都唔覺口渴，應該係無味精鰹魚昆布湯烏冬都係清清地嘅，烏冬彈牙，早知佢啲嘢食咁健康就嗌一份煎餃放肆下😩結果都係嗌咗個香口嘢，炸餃子雞翼佢表皮炸得好靚，油膩程度比想像中低咬落熱辣辣但肉仍然好嫩，留出嚟嘅油汁有少少芝士味咁 入面包咗少少肉，都係嗰啲鬆化豬肉餡，好正好味到連雞翼尖都飲食到乾乾淨淨

端午節無糉食 食吓餃子都唔錯😋 煎餃皮薄脆口唔油膩 入面仲有少少汁☺️很喜歡韭菜同蒜芯餡的香氣✨⠀🥟蝦皮韭菜豬肉餃濃濃的韭菜味🤤🥟蒜芯豬肉餃第一次食蒜芯 好香 喜歡一粒粒的質感⠀🥟餃子雞翼雞翼去骨中間釀咗豬肉餡 但我覺得豬肉餡可以再mix啲其他配料口感會更豐富⠀▫️炸蠔炸蠔熱辣辣 咬開juicy ⠀▫️黑松露番薯條🍟熱辣辣粗身番薯條 配黑松露醬是無敵的⠀▫️鰹魚昆布湯烏冬唔知係咪加咗微辣 只係食到辣油味 唔係幾食到鰹魚昆布味⠀

今日同朋友去咗大館玩影完相之後朋友話但係我去試下呢間餃子餐廳裝修幾簡潔 應該開咗冇耐但係三點去到都幾多人應該都幾受歡迎店內keep住播周杰倫嘅歌睇嚟店主係周杰倫嘅fansMenu仲有中文同埋英文版可以自己組合唔同嘅套餐嗌是日精選餃子外賣仲有九折蝦皮韭菜豬肉餃 (湯餃)湯餃嘅玩好可愛係貓貓造型餃子包得唔錯皮薄餡靚 個湯底都幾好飲清清地唔會太鹹粟米豬肉餃 (煎餃)粟米豬肉餃賣相都好吸引個面有少少燶燶哋好香口咬落去好Juicy粟米好清甜大阪餃子燒-粟米 (煎餃)大阪餃子燒見到個名已經覺得好特別餃子麵鋪咗好多木魚同埋紫菜 仲有沙律醬同燒汁估唔到同餃子又幾夾幾特別入面包咗粟米同埋豬肉食到濃濃嘅大阪燒風味餃子雞翼餃子雞翼上枱嘅時候熱辣辣 同埋已經去咗骨嘅 中間包住咗啲豬肉餡好特別炸得幾好外脆內軟朋友仲叫咗關東煮食豆漿除咗豆漿呢度仲有熱飲同埋啤酒提供

今日下晝同個同事過咗海去中環交文件，搞掂之後周圍行下，扮外國遊客行逛利源東街同利源西街，店舖排檔都好有特色，多數售賣一些中國服飾及精品。無意間發現呢間專吃餃子嘅食店，店內是簡約裝修，桌椅擺放得整齊，播放著輕音樂，感覺舒適。大阪餃子燒，呢個日式食法都係第一次，餃子面鋪滿大量紫菜同木魚，仲有燒汁同沙律醬，用嘅係菜肉餃，既吃到大阪燒獨有嘅風味，也吃到餃子嘅滿足感。蒜心豬肉餃(冰花煎)，呢個煎法一點也不覺油膩，薄片酥脆可口，樣子精緻，令人更加有食慾，蒜心嘅香味讓人回味無窮。蝦皮韭菜豬肉餃(湯)，盛載嘅碗子好特品，令賣相更可愛，餃子形態好漂亮，皮薄饀靚，韭菜好香。另外，好欣賞個湯底，用心烹製，濃而不咸。餃子雞翼，上菜時已經聞到香噴噴，大家千祈唔好心急，因為雞翼剛剛炸起，非常燙口，小心！呢個講手工，雞中翼部份去曬骨，包住豬肉成為"餃子"，啖啖肉，口感好正，非常香口，喜歡吃炸雞翼嘅朋友一定要試。餐牌同點菜紙都有中文及英文版本，方便外籍遊客，很貼心。