三一餃子 (利源西街)

營業中

休息中

今日下晝同個同事過咗海去中環交文件，搞掂之後周圍行下，扮外國遊客行逛利源東街同利源西街，店舖排檔都好有特色，多數售賣一些中國服飾及精品。無意間發現呢間專吃餃子嘅食店，店內是簡約裝修，桌椅擺放得整齊，播放著輕音樂，感覺舒適。大阪餃子燒，呢個日式食法都係第一次，餃子面鋪滿大量紫菜同木魚，仲有燒汁同沙律醬，用嘅係菜肉餃，既吃到大阪燒獨有嘅風味，也吃到餃子嘅滿足感。蒜心豬肉餃(冰花煎)，呢個煎法一點也不覺油膩，薄片酥脆可口，樣子精緻，令人更加有食慾，蒜心嘅香味讓人回味無窮。蝦皮韭菜豬肉餃(湯)，盛載嘅碗子好特品，令賣相更可愛，餃子形態好漂亮，皮薄饀靚，韭菜好香。另外，好欣賞個湯底，用心烹製，濃而不咸。餃子雞翼，上菜時已經聞到香噴噴，大家千祈唔好心急，因為雞翼剛剛炸起，非常燙口，小心！呢個講手工，雞中翼部份去曬骨，包住豬肉成為"餃子"，啖啖肉，口感好正，非常香口，喜歡吃炸雞翼嘅朋友一定要試。餐牌同點菜紙都有中文及英文版本，方便外籍遊客，很貼心。