熊拉麵 (蘇杭街)

營業中

休息中

兩個同事都不約而同話呢間拉麵好食，所以星期六收工特登黎試下。星期六下午時間人不多都有好多位本身安排左坐吧枱，但因為吧枱好迫 兩個人根本坐唔到落去，所以選擇左大長枱。點知冷氣凍到震，又廢事麻煩就無再轉。我食黑熊拉麵，湯底正蒜味夠濃，麵夠彈牙又唔會煮得太軟，仲有夠多蔥，剛剛好友人既熊拉麵，有多一隻蛋，不過就唔夠味。但湯底一樣好味餃子普通本身我地食野慢，冷氣真係凍到震，好快就吹凍哂。侍應態度麻麻又會以命令口吻黎叫你寫枱號落張落單紙到，真係有d失望。

朝早11點幾係澳門過黎唔知食乜好，係上環地鐵站出口開OpenRice搵下附近有乜好食，見到依間鋪開咗，而且本身都幾鐘意食拉麵所以就黎試下點咗赤熊拉麵，肥叉、粗麵加溏心蛋。辣味啱啱好，唔會話啲辣粉浸住成碗麵，原隻溏心蛋好靚兼好食，加麵底會好飽，個職員都會問你加底要粗定幼，我就粗麵加幼麵，食落去有唔同嘅口感，雙重滋味。餃子就一般般，餃子皮有啲淋。鋪面整潔，冷氣都好夠，咁啱個日曬到不得了整體上係不錯嘅用餐體驗，下次有機會再嚟試下其他拉麵

過完大海，最岩去附近食拉麵。今日剛去完澳門，又係正上環。最岩去食$83 熊拉麵拉麵是一般幼拉麵，豬骨湯低，飲出厚厚的。而且又唔會過咸及油。$83 限定推介 醬油拉麵拉麵是味千那款拉麵。是我最愛，可惜熊拉麵不是這款拉麵。呢碗係老公叫的。由原先話交換叫，到後來食最成碗。可想而知。佢真係好鐘意食$38 餃子肉質一般，似超市購買的。但好多肉汁。可以用噴黎形容😂總括。一定會再食

呢個麵，相當夠水準，可以返吃。話說上星期全家去完北海道10日返黎，鍾意食拉麵的我試左一幻、sumire、時計台、紫陽花等，10日差唔多試咗10間，先知道原來好多黎得香港開舖頭的過江龍，原來好多時比當地的拉麵店好得多。而呢間熊拉麵正正係其中一間同日本好食果班拉麵拍得住腳的舖頭。今日由於約左姐妹食飯，而小妹今日放5點，所以開舖前已經晌門口等。等到夠鐘開門，我就成為咗佢地(晚市)第一個客人。由於好姐妹6點先放工，所以慢慢坐低等佢黎。環顧四周，發現裝修雖然簡單，但其實都好乾淨，一貫日本仔作風。餐牌圖文兼備，圖多字少，啱曬我呢啲人。拉麵款式唔多，得幾款，同埋有啲小食飲品。坐坐下發現牆上貼咗兩張大海報，一張係櫻花蝦拉麵，一張係蕃茄拉麵，不過只有蕃茄拉麵有得食，店員話另一個拉麵只有晌佐敦分店提供。咁巴閉？一於就試下！晌呢間時候好姐妹已經黎到，於是馬上點野食。呢度點野食同其他拉麵一樣，自己揀口味同埋麵軟硬度。一人一個口味，唔駛爭。我點咗蕃茄麵，好姐妹試原味拉麵，另外叫左個餃子share。原本想健康啲飲茶，點知衰婆話梗係飲啤酒，於是cancel咗佢轉飲啤酒！啤酒先上，有凍杯，有誠意。都夠凍，好味。等左一

同朋友仔在上環覓食，發現新開拉麵店，原來是佐敦熊拉麵的分店，還在試業中，襯住新店不用排隊，唔駛諗即決定啦超級拉麵，除左义燒，仲有舊豬腩肉。佐敦店説一天得10件左右，估唔到响呢樹俾我食到腩肉非常入味，不過對肥肉又d抗拒。豬骨湯，义燒和糖心蛋仍有水準。拉麵店食义燒飯？又ok喎义燒我諗係頭尾的部分啦，味道和口感還好，日本米飯加上义燒汁，不錯的。自家制餃子好juicy