BLT Steak (已結業)

約好友相聚，碼頭咖啡之後，我哋行去海港地搵食，我想食牛，另一朋友想食西餐，無預訂揀咗呢間食晚餐，店內燈光好暗好暗（所有相片都要推亮先得）英式皮具加梳化，地方靜靜的，向海一面窗可以睇到維港夜境，我哋坐中間，餐牌選擇多，牛肉有美國🇺🇸同澳洲🦘，大家各自選一些食品分享餐包🍞（免費）好大一個包，不規則的形狀，仲暖嘅，外面嘅皮有點介乎法包同丹麥酥皮包之間，煙韌又有咬口，有牛油香，麵包入面水份足，鬆軟！我無塗跟上的牛油！香檸龍蝦沙律🦞$248:份量都幾大，龍蝦肉飽滿，份量算比得多，而且夠厚實，好味，蔬菜🥬同蘆筍爽脆，配檸檬汁🍋酸酸地開胃，好味忌廉洋蔥汁薯仔批🥔（$78）鐵焗盤上，10片薯仔，沾滿奶油，好滑幾香濃奶味，連不喜歡牛奶嘅我都覺得幾好是日餐湯🥣忌廉椰菜花湯（$88）我無飲，因椰菜花同忌廉都不是我喜歡的食材炭烤葡萄牙八爪魚🐙（$158）八爪魚腳幾彈牙又唔會韌，唔會比啲汁搶過，幾好紐約牛扒🥩（16安士/$398）法式香草牛油醬汁，牛味比澳洲牛濃，做到5成熟要求（有木籤插住熟成要求）自己喜歡不加醬食，牛肉本身調味剛好！滿嘴牛味！簡單就好澳洲肉眼扒🥩（12安士/$358）配墨西哥辣椒香草汁，本身牛

就快到老婆生日，所以，就趁國慶日帶佢食餐早午餐，渡過一個悠閒假期。選址中，因為佢偏素，又想搵間喺環境好啲，地方好坐啲，諗過好幾家，最後選上尖沙咀嘅「BLT Steak」，賣牛扒喎，啱佢咩？正正呢度有提供半自助午餐，上年就喺同佢去過海景嘉福酒店嘅「海風餐廳」大嘆半自助午餐，好享受嗰種環境及悠閒。其實揀嚟「BLT Steak」，仲睇中佢另一點，就喺有對住維港嘅露天位，訂枱時都專登揀坐出面，因為露天位唔多。不過，用餐當日天氣都仲喺頗熱，故最終都坐回入室內。之但喺，有偌大嘅落地玻璃窗，採光十足，就算晌室內，對住外面嘅藍天及燦爛陽光，感覺一樣正。而餐廳環境，本身嘅裝修都頗雅致時尚，木地板、木枱、木櫈、仿磚牆，帶少少美式農村風。最緊要喺感覺舒服，讓我哋可以悠閒用餐，此外，嚟用餐嘅人都較斯文，唔會有搶嘢食嘅情況出現。上文都講咗，嚟呢度主要都喺試其「周末早午餐」（Weekend Brunch）基本價喺$338（成人），包括自助前菜、沙律、烤肉、甜品，另外一客主菜，8揀1，並包一杯餐飲。亦可以好似我哋咁，棄主菜，只食自助項目，賣$218一位，但就唔包餐飲。對呢個「周末早午餐」無興趣，無問題，可以散嗌，順