影片
更多
2018-10-11
4432 瀏覽
就快到老婆生日，所以，就趁國慶日帶佢食餐早午餐，渡過一個悠閒假期。選址中，因為佢偏素，又想搵間喺環境好啲，地方好坐啲，諗過好幾家，最後選上尖沙咀嘅「BLT Steak」，賣牛扒喎，啱佢咩？正正呢度有提供半自助午餐，上年就喺同佢去過海景嘉福酒店嘅「海風餐廳」大嘆半自助午餐，好享受嗰種環境及悠閒。其實揀嚟「BLT Steak」，仲睇中佢另一點，就喺有對住維港嘅露天位，訂枱時都專登揀坐出面，因為露天位唔多。不過，用餐當日天氣都仲喺頗熱，故最終都坐回入室內。之但喺，有偌大嘅落地玻璃窗，採光十足，就算晌室內，對住外面嘅藍天及燦爛陽光，感覺一樣正。而餐廳環境，本身嘅裝修都頗雅致時尚，木地板、木枱、木櫈、仿磚牆，帶少少美式農村風。最緊要喺感覺舒服，讓我哋可以悠閒用餐，此外，嚟用餐嘅人都較斯文，唔會有搶嘢食嘅情況出現。上文都講咗，嚟呢度主要都喺試其「周末早午餐」（Weekend Brunch）基本價喺$338（成人），包括自助前菜、沙律、烤肉、甜品，另外一客主菜，8揀1，並包一杯餐飲。亦可以好似我哋咁，棄主菜，只食自助項目，賣$218一位，但就唔包餐飲。對呢個「周末早午餐」無興趣，無問題，可以散嗌，順
其實揀嚟「BLT Steak」，仲睇中佢另一點，就喺有對住維港嘅露天位，訂枱時都專登揀坐出面，因為露天位唔多。不過，用餐當日天氣都仲喺頗熱，故最終都坐回入室內。
之但喺，有偌大嘅落地玻璃窗，採光十足，就算晌室內，對住外面嘅藍天及燦爛陽光，感覺一樣正。而餐廳環境，本身嘅裝修都頗雅致時尚，木地板、木枱、木櫈、仿磚牆，帶少少美式農村風。最緊要喺感覺舒服，讓我哋可以悠閒用餐，此外，嚟用餐嘅人都較斯文，唔會有搶嘢食嘅情況出現。
上文都講咗，嚟呢度主要都喺試其「周末早午餐」（Weekend Brunch）基本價喺$338（成人），包括自助前菜、沙律、烤肉、甜品，另外一客主菜，8揀1，並包一杯餐飲。亦可以好似我哋咁，棄主菜，只食自助項目，賣$218一位，但就唔包餐飲。
對呢個「周末早午餐」無興趣，無問題，可以散嗌，順便影埋個「日間餐牌」俾大家參考，有前菜、沙律、三文治、主菜、配菜、烤牛扒……等種類供選擇。
「甜筒」餐包甫坐低無耐，就會送上兩個餐包，雖然唔知個包有咩名堂，但外觀有少少似成個甜筒。好為好墜手，拎起先知好輕身，因為內裡喺中空，焗得香脆，塗上自家製牛油，簡單得嚟好食。
栗米忌廉湯當然唔喺講緊罐頭嗰隻啦，啲粟米打得好蓉，口感幼滑細緻，而且，啲粟米味清甜而突出。雖然做得有水準，但都喺略嫌粟米湯欠缺啲特色。
講到食物，整體種類唔算好多，全部集中晒晌餐廳嘅中央區域，先講正中間嘅大食物枱，主要喺前菜及沙律類，而前者就有凍有熱，就一次過介紹晒有啲咩：火箭菜、芥末醬、羅馬生菜、煙肉碎、麵包粒、海凱沙律醬、雜沙律菜、俄勒崗忌廉汁；放晌上層就有4款預製成嘅沙律：粟米椰菜沙律、西蘭花沙律、薯仔沙律及螺絲粉煙火腿沙律。前菜類食物就包括煙三文魚伴青瓜、蕃茄伴水牛芝士、凍甜蝦、吞拿魚慕絲配加拿餅及松露蛋沙律，而熱嘅則有烤雜菌、烤椰菜仔及意大利青瓜伴蕃茄醬，側旁仲放有少少意大利乾蕃茄、青橄欖同醃泡菜。
頭盤1由於有3盤沙律菜搭3款醬汁，所以，就分3次食，每次再拼唔同嘅食物。先試試嘅雜沙律菜配俄勒崗忌廉汁，但呢碟中，印象最深喺啲粟米椰菜沙律及凍甜蝦，前者酸爽開胃，仲竟然有陣陣印度嘅香料味，而後者新鮮清甜，口感爽彈。
頭盤2稍事抖抖，第2碟就以火箭菜配芥末醬，再加啲蕃茄伴水牛芝士、西蘭花沙律及吞俸魚慕絲配加拿餅，原來啲火箭菜內仲加啲少少藍芝士。啲吞拿魚慕絲做得好幼滑，簡單配伴餅乾都可以好好少，之後更加啲乾蕃茄一齊食，會產生出好唔一樣嘅效果。
頭盤3最後一轉頭盤，凱撒沙律、薯仔沙律及螺絲粉煙火腿沙律襯上幾款熱前菜。啲熱菜又幾好食喎，尤其啲烤雜菌同烤椰菜仔，前者甚具菌香，後者則頗爽口；其實，意大利青瓜都好味，喺黃青瓜就比較苦。
松露蛋沙律嚟之前都有睇唔少食評讚呢個蛋沙律杯，所以，小弟又點會錯過呢。啲蛋沙律做得濕潤，而且，松露香突出，配上脆口嘅乾麵包片，喺好合襯嘅組合。
冷盤、芝士另一邊枱面，就擺咗芝士拼盤，共3款芝士，分別喺艾登、布利及藍芝士，並伴有杏脯乾、提子乾、焦糖合核及烘麵包片；後方少少喺兔肉肉醬、雞肉肉醬及巴馬火腿搵哈蜜瓜。
一碟過就正好試晒以上冷盤及芝士各款食物，兩款肉醬就咁食會有少少「漏」嘅感覺，搵啲乾麵包片配搭吓就最好；搵杏脯乾或焦糖合核嚟夾芝士，同樣好有化學作用，鹹香中由點點甜味嚟中和；
巴馬火腿有兩款，一款較多脂肪，另一款就無咁多，但一樣咁油潤鹹香，配蜜甜嘅哈蜜瓜，就如芝士配乾果，同樣好食。
烤肉依度以賣扒為主打，半自助午餐又點會少得佢哋，而是日就供應美國USDA熟成肉眼及烤羊肩，燒得靚仔帶焦香感。
而最搶眼反而喺旁邊嘅醬汁，一共6款：藍芝士醬、牛扒醬、薄荷啫喱、英國芥末、燒烤醬、法國第戎芥末，幾有陣勢。如果你有留意到上文所貼上嘅散點餐牌，食扒用嘅醬汁仲有香蔥田園醬、紅酒乾蔥汁、墨西哥辣椒香草汁、干邑七胡椒汁。
果然喺主打賣扒，件肉眼正就正在肉味濃，只喺個人覺得燒得熟咗少少，肉質腍就腍，未喺好軟；而羊肩睇樣好似好乾，但食落又唔喺喎，都幾鬆化。就算一大碟肉，都搵啲意大利青瓜伴蕃茄醬及生果嚟襯一襯，感覺健康啲、平衡啲嘛！
甜品晌末端，有張小方枱放滿好幾款甜點：蜜桃芭菲、檸檬撻、甘筍蛋糕、黑森林蛋糕、曲奇餅，陣容就肯定唔算大，而且，期間亦無見過佢哋轉款，但就志在一餐飯有啲甜點作結。另外，仲有一大盤生果碟作為飯後果。
雖然老婆無食肉，只喺食沙律、前菜及冷盤，但佢話已經好夠飽，所以，甜品就一於黐我呢碟樣樣試少少。咁多款甜點中，小弟最欣賞喺檸檬撻同黑森林蛋糕，前者面層嘅蛋白脆餅好香脆，中間嘅檸檬軟糕又軟滑，又清新，加上脆口嘅撻殼，都無乜挑剔餅；後者嘅黑森林，堅喺正宗做法，蛋糕內喺有粒粒酒浸車厘子肉，朱古力味又夠濃，如果唧少啲忌廉就仲好。
鮮奶咖啡 $42由於只食自助食物，無嗌主菜，就唔包餐飲，個人就覺得呢個做法有點小家嘅感覺，因為通常呢啲餐飲嘢成本低，但相對就利錢高。為咗好好嘆吓，小弟都寧願額外點杯鮮奶咖啡嚟襯甜點。至於質素，杯咖啡確然幾醇香，用嘅豆喺啲靚貨，但打奶泡及沖調手勢就唔多合枱喇，表面嘅拉花起晒泡，入口又少份均勻感。
始終餐廳都唔喺主要做自助餐，只喺午市加設半自助形式，所以，規模唔好跟酒店嘅自助餐比，但勝在用料具質素，做到貴精不貴多。此外，用餐時間特長，12:00pm-4:00pm，可以慢慢嘆，啱晒啲喜歡悠閒，食吓傾吓，又或睇吓書嘅人，亦極適合一大班屋企人，進行家庭聚餐嘅客人。
張貼
