Amitie Kitchen (已搬遷) 新店位置

有一段時間冇乜點食西餐，尤其是呢排凍，打邊爐多；今日就同另一半撐枱腳，揀左尖沙咀呢間餐廳，基本上喺網上搵尖沙咀西餐，就好容易見到Amitie Kitchen嘅資料，所以當晚都有唔少walk in客人。餐廳位於亞士厘道，方便易搵，全店位置算多，但平日晚上生意都好好，真係十分建議訂位。一般西餐廳格局，枱櫈間有少許緊密餐牌選擇多，沙律、前菜、湯、小食、甜點等有齊，主食有扒類、羊架、海鮮、意大利麵、意大利飯，一般西餐價格。晚市套餐會比較划算，包括前菜二選一、餐湯、主菜、飲料，定價$188-338。二人餐豐富，會包括一啲單點價格較高嘅主菜同甜品。我地單點左一份套餐，再加兩份小食，就已經非常足夠。點餐後店員先送上餐包，一共三款，包身軟熟，仲有牛油、果醬。餐湯濃稠。前菜：吞拿魚他他伴日式芝麻醬吞拿魚軟腍無筋，連同芝麻醬，簡單美味法式香草牛油焗田螺 $98田螺即時焗起，店員都細心提醒碟邊溫度高。田螺大粒，另一半幫我挑出，螺肉軟腍入味下面嘅薯蓉帶香濃牛油、香草味，入口滑溜。炒煙肉椰菜仔 $48我地都好鐘意食椰菜仔，配上火腿，幾香口，略油，而且略嫌椰菜仔太腍身。烤燒8安士美國頂級無骨牛小排配香草燒馬鈴薯、

生日飯，想鋸扒，上網睇到介紹呢間牛扒唔錯，就黎試試。點左個2人餐，有餐包同餐湯，個湯有d似豆湯，麵包有3款，微暖，都好味。前菜點左一個配魚沙律，一個凱撒沙律。塊魚熱熱地，配沙律菜，好味。凱撒沙律就普普通通，無特別。主菜點左 羊T骨同西冷扒。 羊T骨入口鬆化，唔錯。西冷扒，近邊部分稍硬，中間部分就鬆軟很多，配菜既沙律酸酸地，我仲意食。個餐包2杯飲品。整體黎講，算不過不失，試一次都可以既。

如果你都有search過，就知道係尖沙咀有好多樓上的餐廳(地舖租金太貴啦)⋯⋯可能係租金平左的關係，多數食材都比較正或者都係D有心機的菜式。今次就去到好多樓上餐廳的亞士厘道其中一間餐食飯。一出電梯就已經係餐廳，環境唔算好大，不過都坐得幾舒服。7點幾去到個時，基本大部分都坐滿人，睇黎餐廳的人氣都幾高。餐廳除左散叫外，仲設有晚市套餐及二兩的套餐。晚餐$196-388有3個Course，當中有燒豬仔骨、沙律、意大利飯、牛排都有，一定有款成為心水。如果想食D再特別D的季節菜式，大家仲可以參考牆上的餐牌。今期有日本松葉蟹羔系列、西班牙海鮮飯、蒲燒特長鰻魚流心意大利飯。我們最後就咁叫左兩個晚餐，呢個係南瓜忌廉湯，飲落口感都幾creamy，飲落南瓜味都幾香。伴住餐湯的面包也太豪華了吧！除左有香鬆的牛角包、香軟的餐包內，更有脆口的餅。所有餐包都暖暖地，不錯不錯。沙律方面，我揀左份燒紅菜頭菲達芝士合桃沙律伴黑醋汁。叫呢份沙律係想食比較少有的紅菜頭，燒香的紅菜頭味道微酸，係開胃之選，加上香滑又Creamy的菲達芝士及脆口的合桃，無論味道定口感都高於預期。朋友就叫左份香煎西班牙墨魚仔伴辣肉腸⋯墨魚仔唔會太乾

由繁華嘅海防道穿過商場嚟到亞士厘道,只係轉咗個彎,但就有種幽靜嘅感覺,呢晚就去咗Amitie Kitchen食晚餐.餐廳入面掛咗好多黑板,上面寫咗當日嘅推介菜式.餐牌嘅選擇都幾多,我哋叫咗份晚餐再加一個散叫嘅主菜試試,我呢次揀嘅都比較輕盈同埋係蔬菜為主.之後侍應就拎咗一板麵包嚟,分別有竹炭麵包,無花果麵包,法式麵包同餅乾條,仲跟埋灑咗黑椒碎嘅牛油同士多啤梨果醬, 無花果麵包入面有唔少無花果乾,食落有咬口,我幾鍾意.然後就係晚餐入面嘅前菜等等,先係大蝦沙律伴甜橙油醋汁,蝦肉燒得香口,雜菜入面就有彩色車厘茄,配上甜橙油醋汁都唔錯.餐湯嘅質感就比較濃,入面仲有少少風乾火腿絲晌度.鮮果藜麥沙律伴蜜糖青檸汁,切粒鮮蜜瓜,菠蘿,士多啤梨,藍莓,青蘋果,紅蘋果同雜菜份量非常多,撈晌入面嘅啡紅色藜麥脆而有嚼勁,加上酸酸哋嘅蜜糖青檸汁,作為主菜的確既高纖又健康.原個菠蘿豬鞍扒伴鮮果酸甜汁就係散叫嘅,烹調方式有啲中菜影子,賣相都幾吸引.豬鞍扒分成兩三啖大小,烤得外脆內軟嫩,酸甜汁又夠多,同鮮菠蘿,士多啤梨,藍莓,青蘋果,紅蘋果同梨撈埋一齊,都真係幾解膩.晚餐包一杯飲品,我就揀咗熱檸檬.最後就試試呢度嘅甜品