農場鮮奶有限公司

營業中

休息中

喺附近行完山肚仔開始餓，即刻行過去醫飽個肚先坐番車走。一場嚟到，梗係要試番盒農場鮮奶，另外加多個薑汁撞奶啦。牛奶其實都係鮮奶味，我反而覺得其他熱食吸引d!可能我行山嗰日係涼涼地，所以想食熱野多d！個撞奶佢係即整，要等幾分鐘之後先可以食，即整熱辣辣又好滑，見佢由液體變做半固體個感覺都覺得幾神奇。幾分鐘之後佢開始成形，可以食喇！不過個奶岩岩整好真係好熱，要慢慢食先食到。行完山咁肚餓當然唔可以只係食一個薑汁撞奶啦，另外再叫左個餐蛋麵。餐肉切得薄身煎得好脆，隻蛋就個蛋黃係半熟嘅。雖然我係好多人幫襯，我覺得佢都唔係趕住整野食而交行貨。行完山有d肚餓又有少少凍，好快就食晒成個麵喇！就係咁，今日行山消耗嘅卡路里已經俾我食番晒落肚

平時工作咁大壓力 當然要親親大自然啦 所以星期日放假日 約埋一班朋友一齊去親親大自然美食團 其實仲有羊仔可以喂佢地 不過羊味太勁啦 我地只係遠眺下d羊仔咋 入到之前會有個牌仔話你知已經到達 好啦 介紹返野食先1公升牛奶（$29） 感覺好新鮮 牛奶味可能會重左少少 不過出面飲唔到嫁 自己都再買多左2枝返屋企姜汁撞奶（$18）姜汁味唔太重 適合唔鐘意食辣既朋友燉奶（$18）好滑好正 好想食多碗tim 燒賣（$12）仲熱辣辣嫁 好味餐蛋麵（$26）好平 平時出去食一碗都唔只呢個價錢 加上呢到咁遠水路 隻蛋仲要係流心嫁!!!其實樣樣都好好味 其實仲想食埋芒果布甸 只可惜賣晒啦 要食要早少少去呀留意返 農場鮮奶有限公司只係星期六及日及公眾假期先開嫁,閒日唔好去呀

趁著假期及好天氣 當然跟男朋友出外遊玩決定到嘉道理農場遊玩 但玩樂前 決定再度探訪一家在附近而我只會在週末及公眾假期營業的店..中午時分來到 要先點一點咸點醫肚先叫了農場鮮奶 ($15 500ml)豆丁每天都會在喝牛奶 但因為怕胖平常都只是跟脫脂奶但農場鮮奶以前有來過也有喝過所以就算是全脂都一定要點來喝當然很重奶味很新鮮!.茶葉蛋 ($10/2粒)及魚肉燒賣 ($12/8粒)茶葉蛋很入味 每次來我都會順道要兩隻魚肉燒賣 其實是普通的魚肉燒賣 但那個時候竟是想吃啊 哈哈.餐蛋麵 ($26)雖然小店以奶類甜點聞名 但其實餐蛋麵也做得不錯午餐肉煎的外面很脆 而荷包蛋煎得有流心的狀態 很好吃!.最後是重點! 薑汁撞奶($18) 及 燉奶 ($18)因為太熱的關係 點了凍燉奶 跟熱一樣很重奶味 很滑薑汁撞奶 就覺得應該要熱撞才好吃是即叫即撞 來到時還要等2-3分鐘讓它凝固不過這次薑汁味太多 蓋過了奶味 不過都很好吃.雖然夏天在戶外用餐真的有點辛苦但各位可以坐在有風扇的位子 或是帶一把小風扇~我再去嘉道里農場的話宦會再去~

適逢今年農曆年為羊年，加上親愛的女友想去喝牛奶，於是便一起到元朗喝喝牛奶，探棎住在元朗農場的羊咩咩，兼且親親大自然。去年在下獨自曾到過農場鮮奶，如今有著親愛的女友在一起，實屬開心的。到達的時候，依然人多要排隊，環境也與之前的一樣，沒有異樣。鮮牛奶味道貫徹如一，香濃味道也濃郁，質感也是之前喝過般濃稠，有一種 creamy 和幼滑的感覺。兩盒五百毫升的牛奶，在下與女友各自飲用一盒，非常滿足。餐蛋麵依然是必點主食，也是為今天的午餐。午餐肉共有兩塊，圓圓的午餐肉，依舊煎得香脆，內裡軟糯，煎蛋雖為全熟，但也是煎得香口呢！薑汁撞奶。親愛的女友對於這個十分喜愛，原因就是因為凝固了香濃牛奶，加上薑汁，使味道有著薑汁和牛奶的雙重的口感，有著牛奶和薑的香味，滋味萬分。魚肉燒賣。在市區都可以吃到燒賣，在這裡也可以品嚐得到。一碗共有八粒，讓咱們可以共同分享。燒賣的軟腍，加上醬油就特別鹹香，落得太多的話就變得太鹹了，幸幸未至鹹呢！咱們臨走之前，還探望一下兩隻山羊，牠們很乖巧靈俐，也在等待人們餵牠們吃東西呢！

朋友推界大帽山甲龍村雷公田上有一間農場...出產牛奶好正的...今日去睇下....屯門揸車去都好快去到......先叫牛奶飲落真的香滑有奶味...直得推界......再來一碗餐蛋麵始時如地食一碗餐蛋麵的確與別不同的....老實話..他的午餐肉的確大塊和煎得脆脆香香....正...一丁麵也煮得彈牙...直得一推.....別外環有薑汁撞奶..设有影相.也相當香滑.....大家有時間不防來走一走吸一口新鮮空氣丫...............

辛辛苦苦行完甲龍林徑之後, 最最最最開心的莫過於在終點完成之後, 在你正前方出現的就是農場鮮奶有限公司。只有幾步之遙, 是不是令人興奮莫名呢! 講多無謂, 馬上入去坐下舒展一下小腿, 也要買點好吃的來填填肚子!人家的名字叫做 農場鮮奶有限公司, 不可能不買盒牛奶飲的。雖然小妹本來都有點擔心全脂牛奶不知道會不會很騷臭, 結果証明我是多慮了。入口香滑不濃不杰, 香滑順喉, 倒也容易接受。味道也沒有一般超市品牌來得甜, 更覺得天然呢。全脂牛奶有500ml 紙盒裝和1000ml 紙盒裝。若還是嫌多, 堂食還是可以揀杯裝的。但少了這個紅白紙盒, 感覺就是風味大減對不對? 包裝果然是很重要呀! 如果想要低脂甚至是脫脂牛奶的話, 就只有買1000ml 裝囉。飢腸轆轆, 當然不是一盒牛奶就可以解決。來一碗人人讚口不絕的餐蛋麵吧! 本來以為餐蛋麵是普通不過的食物, 不會有太大的驚喜, 事實証明這裡的餐蛋麵真的是不hea貨! 單單看那兩片餐肉吧, 煎得極是香脆可口, 不花點心思可是煎不出的。雖然不算厚切, 但也做得到外脆內軟的。底下的蛋煎得比較熟, 不過不要緊, 因為它很有蛋味! 難道是真正的農場雞蛋嗎?

平日避開人多的時候來最好, 天朗氣清更是令人舒暢!沒想像中那麼香, 其實飲下沒什麼特別, 未能突出, 不難忘餐肉香脆, 很認真呢! 蛋很大隻, 都脆身的, 麵的軟硬剛好, 簡單的能做得美味是不易的事

之前係元朗士多買過"農場鮮奶有限公司"既盒裝牛奶,今次專登去睇下佢啲奶製品有幾好食西鐵係錦田站出,轉去坐雷田公既小巴,再沿住上面得一段路, 沿途經過幾個燒烤場同埋廁所,行15-20分鐘左右早餐都未食就黎農場開餐啦我見有唔少行山團住低食碗糖水;駕駛人開車過黎幫襯,我下次都要同一家大細親親大自然嗌左碗餐蛋麵,無諗過平時屋企,隨時自己都整到的即食麵 ,可以整到咁好食 ,切片圓形煎脆的午餐肉 ,太陽蛋煎得有水準,麵軟硬岩岩好 !!唔知係咪肚餓得濟,可能對住啲風景又特別好食~燉奶好幾滑!!雖然係凍,但有好香濃既奶味~好食過澳門出名嗰啲;芒果布甸啲芒果肉好甜,出面都未必食到~~薑汁撞奶: 薑汁唔太辣,岩啲鐘意奶味既朋友仔,店員都有提示要等幾分鐘先可以食,咪攪,不過愈食到中間,我覺得口感好怪好稀...

難得有假期又好天氣..就去d大自然既地方la...由天水圍搭西鐵出發往錦上路站去..去到再搭72小巴. 大約2個字車程入到去. 不過去到就行得幾遠....好彩好天氣都幾好行..大約行左3個字就見到la~去到...好多架車泊左係到....地方唔算話好大得7-8張枱...好彩都仲有2張枱冇人坐...初時話冇芒果布甸ga...個時大約1:30pm ...好彩之後又話有...可能雪唔切la.. 餐蛋麵($22). 我同相公一人一碗..食得出係出前一丁麵...有2塊午餐肉..重點係佢d午餐肉係煎過ga...外脆內軟真係有心思呀~~另一個重點係隻蛋係漏黃ga~~~~~~~~~~~~~ 芒果布甸($15) 入面有好多芒果...好滑呀唔同出面d布甸ga..可惜係芒果帶點點酸..因為唔係時候呀~茶葉蛋($8) 比較失望la~~藥味重左d服務幾好...問我地d野食齊未...環境真係好舒服呀..可能加上天氣又好la..空氣真係新鮮d ga..如果假期去有可能會預到冇lee樣冇個樣..例如今日咁就冇哂一盒盒既奶賣la...芒果布甸都冇..不過之後有番...食完仲可以買草比羊咩咩食ga~~哈

恨左好耐, 終於可以來試下呢度既牛奶啦........由於好鍾意飲奶既關係, 所以第一件事就係叫左盒奶飲, 好新鮮, 好好味呀~~~再叫左個餐蛋麵, 都算不錯, 但價錢貴左dd, 但好左環境都不錯下次再去飲奶呀!!!

上星期六專程到這裡一遊~ 地點對無車一族來說是有點偏遠，還好我曾住在元朗，要找小巴站也沒難度~小巴站就在榮華大酒樓附近，找找投注站在哪兒便成了，皆因72號小巴站剛好在投注站對出~ 等了大約10-15mins吧，便有車~ 車費$5.5~ 原來此輛小巴會繞很多路，由元朗出發，經錦上路西鐵站後再往石崗方向行駛，我差點便睡著了~ 於總站下車時有點呆了，真的有點摸不著頭腦該往哪裡走... 想起這裡有人提及沿著引水道行，雖看見引水道只有車路，且相當窄，但也膽粗粗地試著往下走~沿途的景色很美，經過3個燒烤場地後，便差不多到了~ 向前多走兩步便會到「生態園」的路牌，那表示5mins內便可到達喔！剛到門口時，感覺好像很華麗般，差點被騙了~ 進去後才發現原來地方很原始，有地方泊車，但必需要惠顧才能泊~ 入門口右手邊是羊群的居所及泊車地方，右邊則是小食亭~來這裡的主要目的是與羊群拍照，故第一時間便去看看~ 羊的數目比我想像中少，而且很多也不在圍欄這附近~ 想不到只要拿著食物，牠們便會老遠的跑過來！ 第一次餵羊吃羊，原來牠們很大力喔！終於坐下來吃人氣的餐蛋麵，麵的質地很彈牙，不會過林或硬，餐肉圓圓厚厚的很香

在 openrice 發現了這店後，一直想邀約朋友前往；不過也未能成事，最近終於因緣合和成行；我們三個大男孩、一個女孩子，由沙田駕車到此地也不過 2~30分鐘。由於該日是閒日，因此人流零落，我們一坐便幾小時，有傾有講。先談食物，我跟朋友分別點了餐蛋麵、牛奶、芒果布甸。餐蛋麵：這裡其他師兄說得沒有錯，只是嗅到阿姐煎煮時的香味，已令人唾涎三呎，本人當時不太肚餓，因此還是先拍照，後來不想阻礙朋友嘗美食，自己也叫了一碗再拍一番朋友都嚷著：快吃吧，快乾水了。拍好之後，便馬上起筷；公仔麵是一丁底，所以浸久也不會太腍，餐肉也是，還有少許鬆脆，相信剛煮好時，味道會更好！雞蛋也煎得恰到好處，應該用了兩只雞蛋，看看照片中其佔了碗多少面積就知道，$20 的價錢，我相信很多茶餐廳也沒有這個水準，說它是香港數一數二好吃的餐蛋麵，一點也沒有誇張。牛奶：朋友買了一盒來分享，我也試了一杯，味道跟一般盒裝鮮奶不一樣，較淡味，很特別；問我好喝與否，我覺得跟一般的是各有千秋，都很好喝。芒果布甸：也是必吃甜品之一，很多芒果肉，我建議加上該店的牛奶代替花奶來吃的話，會覺得別有一番風味。 $14/碗下次定把其他馳名食物都嚐試一番

聽聞呢個農場D牛奶係新鮮,於是山長水遠都要黎試試!雖然今天天氣頗熱..當作做運動..^^ 間中有D風吹來挺舒服! 點了餐蛋麵,牛奶,芒果布甸~~ 3樣都好好味..XD芒果布甸: 好好食,重牛奶味.也是出面食唔到甘正.餐蛋麵:午餐肉好好味..牛奶: 好香奶味..同出面超市買既好唔通﹗雖然呢度遠就係遠咗D, 但有時脫離都市忙碌生活都唔錯..

3.15男友的朋友成日同佢講元朗附近有一間好好味的餐廳, 牛奶好好飲。所以呢日趁得閒就驅身黎試一試。當然黎之前上openrice 睇一睇啦, 多謝之前的食家指點, 描述地點,我地先知原來好近, 好快就搵到去。去到既時候都好多人下, 幾張枱都坐滿曬。要了2個餐蛋麵, 5蚊雞翼, 一枝細的牛奶。雞翼及牛奶不用等, 可以食先。 雞翼是凍的, 很住家的感覺, 普通。牛奶, 其實同出面飲到的沒有太大的分別。跟住餐蛋麵好快亦送上了。餐肉是厚身的, 但是總覺得同我平時吃的不同, 男友表示無分別。也是普普通通。不甘心, 所以再要了茶葉蛋及芝麻雪糕。茶葉蛋沒有什麼茶葉味, 不過鹵得很入面。芝麻雪糕吃身一口的時候, 很大的雪味, 故要攤放一會兒才可以吃。有芝麻味, 主打是自家製, 其實有什麼分別呢?食物真的是普普通通, 沒有太大的驚喜。但是環境一流, 坐在椅子上, 呼吸一下大自然的新鮮空氣。清風吹來....悠悠閒閒地吃著餐蛋麵, 慢慢地品嚐鮮奶....或許這就是食物變得更好吃的原因吧?

跟著地圖駕車去找，找了三次先找到! 原來就在石崗軍營附近的小巴站，有個路口寫著 "私家路" 又 "禁止其他車輛進入"，唔好理，要照入先找到這裡!這裡的空氣很清新，坐下來人都精神 D! 吃了:餐蛋麵: 都好正，餐肉煎得香，麵是出前一定麵，有心機!薑汁撞奶: 我本身怕薑的辣味，但這裡的薑汁撞奶很滑，薑味不重，是我吃得最多的一次!芒果布甸: 芒果肉反而不多，主角是香滑的奶，不太甜，令人很滿足!吃飽再四處逛逛，過了過幸福又充實的周末