浜燒太郎 (已結業)

將軍澳一個位於九龍東較偏遠既地方，偏偏今日我地黎到呢到食到一種越洋過海既海產味！一開始先講一講兩個甲羅燒，姐係燒蟹蓋，入面除左蟹膏同肉之外，分別加入左鵪鶉蛋同另一款係三文魚子同海膽。網燒完之後蟹膏味都幾重，三文魚子的確增加左口感，但本人都係鍾意鵪鶉蛋個份濕潤既感覺。鵝肝同帆立貝都好足料好大件，鵝肝燒至香脆，帆立貝都好creamy，係今日我覺得最好食既一道菜。海鮮丼有好多款式既刺身，雖然唔係款款都好好味，但款式同分量都好十足，入面啲赤醋飯都幾好食。又食左海膽啦，今次海膽好細粒但粒粒都鮮味十足，重點係冇苦澀或腥臭味，108蚊都好抵食！叫得浜燒我地又點會淨係食蟹蓋，呢到有大大隻帆立貝，燒烤方面有牛油，食用油同蒜蓉汁比大家自行燒烤，其中蒜蓉汁都同海鮮十分配搭，一隻帆立貝可以分到兩件，份量十足。係燒海鮮之中個人其實更喜歡呢個大蜆一黎夠大隻二黎鮮味充足，重點係58蚊就有6隻，唔落任何醬汁都夠晒鮮甜！燒牛舌相對一般，材料質素唔錯但我更喜愛佢燒得耐啲脆口啲。今日最貴既就係呢味鱈場蟹，外面只要你一咬就會感受到佢既醬油味，剪開蟹肉大大條食落都好過癮！仲要介紹既有明太子蛋卷，雞蛋甜度適中，明太子好多，一上枱

Majimeya係日本有超過100間分店, 繼尖沙咀同荔枝角之後, 香港第3間分店開左係將軍澳南海濱長廊旁邊, 名為浜燒太郎。作為將軍澳人嘅我地, 當然要第一時間去刷返餐, 睇下將軍澳分店會唔會同其他分店一樣咁有水準啦。😁浜燒太郎位於剛入伙嘅海翩滙底座商場, 由於商場剛裝修好, 其他商場入面嘅店舖都未開業, 只有係海旁嘅浜燒太郎率先試業。餐廳門面同內部裝修都係以木色為主調, 富有日式居酒屋風格, 除左一般座位, 餐廳仲設有日式迷你包廂, 私隱度高而且更有風味, 不過我地到餐廳時包廂已滿座, 下次黎一定預先訂位試下。😙餐廳新張期間推出左一d特別優惠, 包括$98限時30秒或$168限時1分鐘係魚缸入面任夾海鮮, 魚缸有北海道帆立貝、日本廣島蠔、大蜆、鮑魚、象拔蚌、翡翠螺、聖子等等, 隔離枱嘅姨姨好厲害, 只用30秒時間就夾左兩大碟海鮮, 非常超值。不過我地兩個人自問揸筷子技術太爛, 所以都冇試。我地點左3款浜燒, 一客燒鱈場蟹同老婆最愛嘅雞蛋卷, 兩個人share應該夠食。😄海膽魚籽蟹肉蟹膏燒 $128之前係尖沙咀店食過蟹肉蟹膏燒已經非常難忘, 今次食呢款升級版嘅海膽魚籽蟹肉蟹膏燒, 鮮