品越越式料理 (雅蘭中心) (已結業)

真係極鍾意食越南菜，今日黎到位於雅蘭中心二期嘅品越試下😍 我地book左位，咁啱分配到窗口位，望到彌敦道嘅景，而且座位非常舒服，好適合同朋友食個飯傾下計。 香茅燒豬頸肉串撈檬 豬頸肉微辣，充滿住炭燒味，非常惹味同juicy。檬粉配上魚露，酸酸甜甜，仲有生菜絲、青瓜絲、蘿蔔絲，十分開胃，食到停唔到口。 燒大虎蝦米紙卷米紙卷一碟六件，本身expect米紙卷嘅size會大舊d，同埋蝦肉份量會多d，不過整體配上青瓜、米粉等材料都算幾豐富，而且非常米紙卷非常結實，唔會一咬開就散哂。 香芒軟殼蟹炒飯 軟殼蟹炸得啱啱好卜卜脆，唔會話太厚太多粉漿，而且香芒令充滿鹹香嘅炒飯添上少少甜味，仲可以balance番炸軟殼蟹嘅油炸感，成個炒飯好有驚喜! 越式炒金邊粉侍應送呢碟炒金邊粉上黎果時真係標緊勁多煙，完全feel到係充滿鍋氣! 食落又唔會覺得好油，出面好多餐廳嘅炒金邊粉都會落太多油，令人覺得太肥膩，但呢碟反而剛剛好。 法式焦糖燉蛋 燉蛋非常滑，甜而不膩，唔錯呀! 即製窩夫配雪糕窩夫有兩件，其中有一件好似圈狀嘅雞蛋仔咁，幾得意。窩夫食落外脆內軟，充滿蛋香。雪糕方面我地揀左乳酪味，感覺好似食緊froyo咁

在旺角食飯，雅蘭中心實在是方便之選，集不同類型食群於一身，要選擇實在太多，但要選好食，品越絕對是入圍之選。今天與柑太品越一嚐地道越南美食，發覺價錢公道之餘，味道實在風味十足。今天大熱天時，立即點一杯香橙西柚沙冰，清甜消暑，立即將大汗淋漓的我降溫解渴，甜和香味十足，絕對適合夏天的飲品。串燒大蝦先來一個串燒作前菜，大蝦烤得剛好，入口感到蝦肉蝦糕分量豐富，蝦頭內有不少蝦糕，厚厚的蝦糕烤得分外惹味，令人欲罷不能。而蝦肉實而香口，多汁美味。咖哩軟殼蟹咖哩汁香而不辣，濃而不膩，軟殼蟹炸得剛剛好香脆，而入口肉質味美，食落感受到源源不絕的蟹肉，而咖哩汁混有蛋漿，口感更滑而有前辣後甜的味道。紫羅牛肉米紙卷入口第一感覺是酸酸甜甜，而蔬菜新鮮清新的配合下，牛肉的濃味衝閘而出，很有心思的一道菜，而點上辣醬的話，風味更佳。火焰燒春雞飯配秘製香橙酒登登登登！今晚的戲肉有專人為你上火...應該是點火，以火一烤的雞皮仍帶著酒香的餘溫，之後一切之下...內有乾坤...當然唔係乾坤燒鵝啦，人地係春雞黎架，但一定更美味，飯底是咖哩黃薑飯，已經將肉汁，醬汁全部吸收，每口飯都帶著煙韌軟熟感覺和肉味黃薑味的獨特，實在筆墨再難形容

聽日終於星期五啦，放工近近地去旺角食啦食返以前係旺角返工既lunch飯堂品越晚餐多好多選擇，仲有d係夏日限定就食個牛油果大蝦沙律先啦，酸酸地幾開胃。個蝦都好彈牙又夠大隻再黎一個濱海同蔗蝦，濱海無咩特別，蔗蝦合格呢個番茄蟹肉湯有驚喜呀，除左有1隻特大開邊大頭蝦，仲有4粒蝦丸呀 估佢唔到。唔中意飲湯既大少都飲左2碗呀飲完我都飽飽地 但係大少仲想食 唯有叫多個菜同扇貝啦。扇貝幾嫩滑但係個菜就太濕要扣分最後飲埋沙兵就去行街lu整體黎講都keep到水準中上既，員工好熱情，上菜速度唔算快 不過feel到佢係即煮因爲d野食好熱 同埋佢成日走黎update要等幾耐好有交帶唯一要講既係價錢唔算平 但係拍拖一流 因為坐得舒適 環境開揚