味道樂居酒屋 (元州街) (已結業)

星期三放工想輕鬆一下，太太又想吃日本菜，於是順道來在長沙灣和荔枝角中間的這家味道樂居酒屋。餐廳裝飾有特色，十分有日本正宗居酒屋的風味，留意餐廳面積不大，記得要先訂座。餐牌選擇頗豐富，刺身、串燒、主食應有盡有，還有大量時令食材，配撘不同的煮法，亦有不同的酒精類飲品供應。檸檬燒酎梳打 $58來居酒屋必需小酎一杯，點了檸檬燒酎梳打，味道清澈微酸，口感清爽滑順，加上梳打的氣泡感，非常適合下班輕鬆一下。三文魚刺身 $48/油甘魚刺身 $88先點兩款刺身，每客各有三片厚切的刺身，油甘魚入口滑溜柔軟有魚鮮味，同時肉質特別油潤，魚味突出，三文魚油脂分佈勻稱，肥美可口，輕嚼油香慢慢滲出，鮮味濃郁。香炸日本池魚仔 $58整條日本池魚仔炸得香脆，池魚仔出奇地厚肉，炸得透可以連骨吃，富有魚鮮香味但卻沒有絲毫的魚腥味，下酒一流。黑蒜黑豚肉卷 $58黑豚肉肥瘦均勻，燒烤過後邊角位置十分香脆，而中間卻脂爽肉軟，肉汁豐盈，甘腴可口，配上特製黑蒜醬汁，甘甜香口。清酒煮大蜆 $88做法相當簡單的清酒煮蜆，加入清酒令湯汁增添風味，而蜆個頭大隻，蜆肉飽滿，味道清甜可喜，鮮味彷彿波濤洶湧席捲而來。石鍋鰻魚炒飯 $138原個石鍋

食過一次就念念不忘這裡的鰻魚飯，好大條又抵食。而懷舊傳統裝潢的居酒屋，充滿日本情懷，令人忘我置身其中，美食帶來的幸福，食完就會感受到，飽飽。明太子醬燒玉子串（兩串）$58明太子醬咸香惹味超鍾意食，配上厚厚的玉子，口感軟彈令人滿足。香炸日本池魚仔 $58池魚仔好多條炸粉唔多，口感香脆幾好食。大葱雞肉串（兩串）$58爽口大葱多汁美味，雞肉大件燒汁美味。燒日本播磨蠔(3隻) $100有三款口味，雙色芝士、煙肉櫻花蝦、辣蒜。蠔身飽滿當中配櫻花蝦香口鮮美，最好食。配芝士咸香基本上都係無得輸的。辣蒜係似避風塘口味。原條成田醬炭火燒鰻魚飯 $138次次叫望見都好開心，因為鰻魚真的好大條而且厚肉，魚肉肥美肉質軟腍，有少許細骨，鰻魚醬汁唔多，但味道甚濃，沾少許撈飯已經好夠味。梅子梳打 $38梅味鹹鹹酸酸，清新解膩，好啱飲。

臨放工前閨蜜約食晚飯聚下, 佢係長沙灣返工, 今日我都可以準時走, 一於係長沙灣搵地方食飯先, 最方便係Openrice 搵餐廳, 最後搵左 [味道樂居酒屋], 佢的位置近閨蜜公司, 亦有甚多的好評, 最好係經Openrice訂位, 仲有9折。味道樂居酒屋近青山道小巴總站, 對於住九龍東的我們, 真係好方便。餐廳裝修充滿日系風情, 擺設精緻, 臨近聖誕已有聖誕佈置, 好有置身在日本居酒屋當中。餐廳用QR Code落單, 方便快捷。餐廳食物種類好多, 真係要慢慢揀, 我地最後揀左 :*油甘魚腩壽司 (兩件) $58*香炸日本池魚仔 $58*脆炸軟殼蟹反卷 $98*黑蒜黑豚肉卷 $58*牛肉壽喜燒 $128*清酒煮大蜆 $88餐廳的綠茶味道得宜, 我和閨蜜不停傾計, 不停飲茶, 職員都十分主動樂意為我地添茶, 換碟收碟乾淨浰落。食物開始上枱, 我地開餐啦~油甘魚腩壽司 (兩件) $58油甘魚腩油脂好香, 手握壽司同機制真係大有分別, 難怪其他枱都多人點壽司香炸日本池魚仔 $58每次見到有炸日本池魚都不能不點, 一啖一口, 原條魚仔放入口, 炸得甘脆, 佐酒一流脆炸軟殼蟹反卷 $98軟殼蟹即

太耐冇去日本了冇得出國旅行唯有去日本居酒屋懷緬一下日本的味道今日去咗長沙灣味道樂居酒屋食日本菜😊首先嚟個漬物小食·三點漬物$78健康脆口醬油牛蒡漬 + 爽口美味木魚花蒜頭漬 + 可囗彈牙芥末八爪魚·香炸日本池魚仔 $58細細條嘅池魚仔，炸到又香脆又金黃，配上沙律醬，一啖一條非常好味😋跟住嗌番啲日本料理－·醬燒虎蝦 $68/隻手掌咁大嘅虎蝦 + 蟹膏一齊燒烤，既有原汁原味嘅海鮮味又有香口嘅燒烤味，仲有虎蝦同蟹膏非常夾，雙重口感味道更加突出·脆炸軟殼蟹反卷 $88啖啖肉嘅軟殼蟹反卷，軟殼蟹非常香脆可口，再配上超級新鮮嘅蟹子，香脆得來又有爆珠嘅感覺，口感一流👍之後嗌返個主食·三色魚生飯 $128超級厚切三文魚🍣 + 油脂飽滿色澤鮮亮嘅油甘魚🐟 + 肉質鮮甜嘅甜蝦 一齊拌飯，鮮甜美味又滿足·牛肉壽喜燒 $108小小火爐但係分量十足，淨係牛肉已經有好多塊，而且牛肉非常新鮮，再配上娃娃菜、大蔥、豆腐、雞蛋一齊煮，成個湯都變得又香又甜最好嗌返杯梅子燒酎梳打 $58少少酒味酸酸甜甜嘅梅子酒好易入口😊超級有日本味道嘅居酒屋，值得推薦俾大家依家點讚佢哋嘅網頁＆OpenRice 即送黑松露日式糖心蛋一客

2018.01.08 😊【工業區裡的高質居酒屋】食在長沙灣長沙灣區 小妹印象中都是圍撓著工廈、工廠還有很多速遞公司忙著送貨原來在這個繁忙的地區😮亦有一間裝潢極具日本居酒屋特式的高質食店在工業區裡營業 就有如漆黑中一顆明燈🔦男朋友更揚言：我要食夠一千蚊才捨得走香炸日本池魚仔 $48來到居酒屋 難免都會想來杯啤酒配上前菜香口小食可以一試這道炸池魚仔🐟味道帶點咸香 口感有點像炸多春魚會吃上癮 一條接一條蟹膏蟹肉炸豆腐 $58今期流行不可不提日韓帶起潮流的蟹膏醬雖然外表顏色不揚 就像深海泥味道卻令人回味 濃郁的蟹香帶點回甘🦀配上炸豆腐 令清淡的豆腐味道變得昇華汁燒大白鱔 $68串燒是必須的對吧🐟白鱔在外表抹上燒汁 使味道都能帶入其中肉質嫰滑中帶點彈牙 值得一讚黑蒜黑豚肉卷 $48這道串燒令人不禁想到金菇肥牛卷🍢不過今次的主角就是換來更高層次的黑豚肉肉塊經燒過後油香逼出 上面塗上黑蒜醬汁味道微甜 既像蒜頭豆豉醬 有趣非常原條炭火燒鰻魚飯 $128雖然聖誕已經過去🎄但以聖誕主題的料理依然仲可以食到原條鰻魚足足有7、8吋長 加上份量十足的飯單單是外形份量已經贏曬 2人分享剛好鰻魚肉質較一般常見的肥美

今日放工後，相約朋友行街食飯。之前已上Openrice搜一搜，看見這間小店的鰻魚飯挺吸引的，而我和朋友都喜歡吃日本菜，於是決定到這小店食晚餐。一碟香炸日本池魚仔有十多條，條條炸得香脆乾身。成條魚連骨都可以食，一點腥味也沒有。點沙律醬，味道酸甜，但不點沙律醬也好味。這一碟煙肉櫻花蝦煎廣島蠔很有春天氣息：淡粉色的煙肉，橙紅色櫻花蝦，青綠葱花和啡色的蠔。蠔肉鮮甜軟滑，加上其他配料，口感十分豐富。期待的原條成田醬炭火燒鰻魚飯送上來，有半隻手臂那麼長，份量很足。鰻魚厚身，吸收了豐富醬汁，入口鹹甜鹹甜的，及後帶有鰻魚的油香，令人齒頰留香。黑豚肉薄身，肉香味濃，加上爽口微辣的泡菜，是很好的配搭。芝麻雞翼炸得熱烘烘。咬起來外皮香脆，內裡則肉質嫩滑，不乾身。只有三隻根本不夠喉。這一餐食到期待的鰻魚飯，亦第一次食到池魚仔和泡菜豚肉卷，感覺挺新鮮的。

是日晚上約上三五知己到此一遊，遊啊遊，便遊到位於一角的小店，在此發現了貓兄弟同魚小姐，他們原來是餐廳的主角，趣致又可愛。進入餐廳後，燈飾獨特又新穎，牆身一角貼滿各款明信片，另一角上方有數款酒瓶，整體環境充滿格調及温馨。細望餐牌後，就與友人點了數款小食及主食。由於友人當中有不吃魚的，就另選了非魚的小食。等待約5-7分鐘後，店員便連連送上小食。七味魚翅($68): 份量約有10多小塊，表層炸得金黃，咸味適中，配以沙律醬，個人較喜歡不沾醬食。香炸日本池魚仔($48): 份量約10小條，味道咸口又香脆，可以整條食，但咬碎時要份外小心。泡菜黑豚肉卷($48): 2串，豚肉易咬口，泡菜夾於肉卷內，酸中帶點肉的煙燻味，好夾，唔錯。黑蒜黑豚肉卷($48): 2串，黑蒜塗於肉卷外層，起初以為黑色一團是好濃味，誰知味道咸中帶點清新。原條成田醬炭火燒鰻魚飯($128): 一條約25cm長的鰻魚躺於白飯中，鰻魚表層充滿甜醬油及帶點煙燻味，熱食是最好不過，因為鰻魚待涼後，就好腥。建議飯的份量可增加多點。食到飽飽，當然要喝上杯熱茶，熱茶非常好喝，問了店員後，原來是綠茶加玄米茶，行於消濟。飯後大家都意猶未盡，就到附

今日我行過長沙灣，發現一間日式居酒屋，心血來潮所以入去看一看，嘩！竟然俾我發現手臂咁大條鰻魚圖中是我女朋友的手臂，鰻魚不單只大條，入口亦都很juicy。淋上了鰻魚汁燒汁，味道帶甜。返雖然不是日本珍珠米，但它的味道也很好。除了味道之外他的視覺震撼也很利害。不單止是主食我們也試一試串燒。叫了一個牛脷和一個黑豚肉。牛脷很爽，又很厚。加上一點點鹽帶出牛肉的鮮味。黑椒汁加上蒜蓉的味道很特別就好似鐵板燒一樣。豚肉入口不肥膩但有肉汁芝士餃子用鐵板上，上菜的時候還是熱辣辣的，芝士溶化在膠紙的上面，食的時候可以大大感受到芝士的香味魚仔炸得很香脆，味道亦很鮮甜一點也沒有魚腥，用來送酒一流總括，環境很不錯充滿日式屋台的風味，食物的味道也很不錯，鰻魚飯就最有驚喜，手臂咁大條鰻魚

由於工作關係，經常行開長沙灣一帶，都沒有留意這間味道樂居酒屋，今日機缘巧合路經，就决定放工後約埋老婆試一試。未到7:30pm,門口已有多人等着，相信食物味道好才有這麼多人願意等。好彩我一早訂了位，只等了片刻便可入座，正！這餐廳裝潢日式味十足，無論門外店內，都十足大板之居酒屋，好日本feel,難怪吸引咁多食客幫襯。翻開餐牌， 無論小食、燒物、刺身 、壽司和烏冬，應有盡有，款款吸引，一時間真是難以選擇。經過一輪思考後，决定order多款不同小食和燒物,以滿足味蕾和肚子一番，期待中……。轉眼間，店員很好將各樣的小食和燒物一碟一碟的傳上，快捷的速度，絕對要Like。而各款美食的賣相，吸引到極，加上香濃的燒物味，未食已興奮。鐵板芝士焗餃子，薄薄的芝士鋪在餃子面上，而餃子焗得脆邊，剛好一啖把整隻餃子放入口，味道不得了。芝士的香味而溶化在餃子皮上，餃子肉汁濃郁，口感味美！汁燒大白鱔，白鱔燒得好香脆， 鱔皮邊位咬落勁脆口，而白鱔肉肥美，好鮮味。 香炸日本池魚仔， 池魚仔炸得好乾身， 加上酒了味鹽，鹹鹹的又脆口，佐酒簡直一絕。芝麻雞翼，燒得非常金黄，非常香脆。加上熱辣辣的， 雞翼燒得啱啱好，味道滿分。而

居酒屋，意指小酒館，甚具日本特色，會提供酒類和飯菜的料理店。與只提供酒類為中心點的普通酒館不同，居酒屋提供比較有質量的飯菜，但卻不同於小吃店。這間打正旗號居酒屋，由外部所見，的確充滿日式特色。以木制與玻璃為主調，以趟門為設計。推門進去後發現內部裝潢同樣以木製為主題，一邊垟上有兩層木製酒架，放滿各類酒類，另一邊垟放滿木制裝飾品，枱椅同樣以木為主。池魚仔金黃酥脆，甚是香口，此時配上一杯小酒，相信特別醒神，店內有生啤機，可即時提供新鮮啤酒。芝麻雞亦脆香的皮，裡面包住肉汁豐富的雞肉，雞翼炸到金香，仔細地咀嚼，因每一處都是香口惹味的滋味。鹽燒厚切上特牛脷，牛脷很是入味，沒有油貳感，很香口，屬於爽口的口感。因為味道新鮮，其實可以不用加檸檬汁。汁燒大白鱔，外皮燒至金黃，肉汁尚算鮮嫩，白鱔沒有魚骨，因此食起來啖啖肉，過足口癮。原條鰻魚飯。剛上枱時感覺它的震撼，平時食鰻魚飯很少會原條的，愛好燒鰻魚的口味一定會完全得到滿足，食鰻魚最怕腥味，食過後發現還好不算腥，與白飯一齊食或者光食鰻魚都覺得好味。黑松露蒸蛋，蒸蛋很滑，平時在家根本做不到這麼滑的效果，蛋上加了黑松露，即時身價提升，黑松露配合蒸蛋味道得宜。野

鰻魚鰻魚.....我最愛既鰻魚😋見到介紹，成塊厚厚既鰻魚，好似棉被咁蓋係啲飯度，超吸引👍🏻已過2點，雖然不用等位，但也有半滿！我坐低已鎖定目標.....原條成田醬炭火燒鰻魚飯.....鰻魚夠厚身肥美，啖啖肉，但就沒有炭香，帶不出鰻魚的油脂香，所以有點美中不足！當然最敗筆係啲飯啦，應該是珍珠米同普通米兩溝.....但煮到又乾又硬，沒飯香，像隔夜飯般......不是味兒！用筷子切開1/4，輕易可夾起，完全唔散，啲飯實到一個點......另外，朋友原本叫了炒烏冬，上枱卻是湯烏冬.......我又唔知情下夾了，所以......唯有食咗去啦！野菜牛肉湯烏冬，烏冬質感不錯，滑身彈牙！牛肉就一般了！也叫了一客三文魚壽司.....上枱時已有點不對路，沒有光澤，也沒生氣，好像放了很耐，飯是室溫暖的，溫度不錯，可惜握得有點實.....最後，也來客小食......香炸日本池魚仔...樣子好吸引，唔油又酥脆.....味道不錯，推介😋👍🏻

今日喺朋友嘅介紹下嚟到呢間味道樂居酒屋，本來無諗過寫野，不過食到好野梗係要開心SHARE啦！一去到門口，已經俾佢嘅裝修吸引；裝修主要用木，牆身用咗清酒酒樽同日本名信片裝飾，餐具都睇得出有花心思雖然地方唔大，最多坐到30人，但係有真．居酒屋嘅感覺。去得居酒屋，梗係要飲酒啦；清酒選擇算多，不過今日要咗杯麒麟生啤。叫咗3個小食，兩款燒物 同埋 1款一品料理先講小食︰煙肉櫻花蝦煎廣島蠔 – 蠔味好鮮，煙肉夠咸香，櫻花蝦吸咗煙肉嘅香，好味！兩個人每人食兩隻啱啱好芝麻雞翼 – 未放落檯已經聞到香味，望落脹卜卜，火喉啱啱好。外脆內JUICY，油香四溢，強烈推介香炸日本池魚仔 – 初初以為會好細份，原來都有9至10條。魚頭魚骨都俾我食哂落肚，送酒一流輪到燒物：鹽燒厚切特上牛脷 – 唔會燒到乾哂，有咬口，唔會過咸汁燒大白鱔 – 平時都少叫白鱔，因為太多骨，不過呢個好正，燒汁入哂味，GOOD主角一品料理：靜岡一夜干燒的鯛 – 鯛魚食得多，不過呢個煮法第一次食。比起平時嘅燒魚更咸鮮，魚肉唔會「散收收」，魚皮都送酒好正今次無叫壽司刺身，同佢最出名嘅鰻魚飯，下次嚟一定會試！

一直都想約男朋友去食日本菜，終於的起心肝去搵間居酒屋食飯。依間居酒屋係openrice到搵到，見到啲菜式好特別，好少甚至無係其他鋪頭見過，於是就去搵食。居酒屋既裝潢以木為主好warm tone 好舒服，牆上有啲日式廣告？唔望返出大街真係以為自己去左日本既居酒屋😌啲餐具都好日系，有海豚圖案。發現餐廳都有幾多貓貓既擺設😻利申：我係貓奴😼我地先點左幾個小食先有依個香炸日本池魚仔，魚仔炸得好香脆，整條食都唔覺內面有骨，無需蔬菜伴碟吸油都完全唔油膩，少少咸味，絕對係佐酒良菜🍻可惜我要去聽音樂會，如果唔係一定叫返杯生啤！香脆薄魚片，做法好似好複雜咁，首先將啲魚切成一圈圈好似銅錢咁嘅形狀，風乾之後再炸香。感覺就好似食緊咁脆既魷魚絲，好香口！蟹膏蟹肉炸豆腐豆腐炸至黃金，外脆內滑，豆腐沒加太多調味料，加上蟹膏濃濃甘香已經足夠，蟹膏係生，好滑溜，做到炸豆腐汁醬既效果😋👍🏻滿分甜蝦蓉三文魚子迷你丼，蝦蓉已經打到好爛好軟滑，三文魚子粒粒都好似珍珠咁大粒，晶瑩剔透，充滿光澤。一咬落去喺口入面爆發，啲汁出嚟嘅感覺好有爆發力，而且好鮮甜！迷你丼嘅份量啱啱，好食少少都唔會飽，可以試多幾樣菜巨峰乳酸梳打，味道唔會太甜，