Bistro La Bon (已結業)

話說之前早 12 日訂好嘅餐廳喺我用餐當日下午 3 時打嚟話佢哋 full booking 所以招呼唔到我哋，於是臨時臨急要揾過間餐廳，好好彩比我揾正呢間，坐得舒服又無限時又好味 👍👍👍等齊人都坐咗半個鐘，侍應無催促我哋點餐。人齊叫好食物，先上大蜆，好香好好味，大家都讚口不絕，跟住上沙律，菜新鮮帶子又唔會煎到好老。然後上燴飯同闊條麵，兩個味道各自出色，鵝肝夠香口，黑松露菌飯中和返啲油膩感 😋 parma ham 不太咸，配濶條麵剛剛好。最後 2 個主菜要等耐啲，但傾吓講吓好快就到，德國豬手好正，仲配埋蜜糖點，皮又脆口，無得輸，豬仔骨乾身咗啲，唯一比較遜色的。整體嚟講，食物美味，招呼有禮貌，坐得舒服，有機會可以再幫襯 🌼🌼

今晚來到觀塘工業區覓食，網上見到 Happy Monday / Wednesday 18:00 後 Main Course 買一送一，見咁抵食就當然要試下啦😌場地都幾大，仲可以選擇室外露天位置，都幾有feel~ 時令生蠔 ($38 up)今次佢提供左愛爾蘭和法國生蠔，店員很貼心地建議我地先食前者～ 生蠔好新鮮，只是簡單地配上檸檬汁已經很鮮甜可口，超正！😍香煎帶子沙律配蜜糖黑醋汁 ($148)沙律上有兩大粒帶子，煎得半熟嘅帶子肉質嫩滑，香味十足～ 沙律菜份量充足，清爽有口感～蘑菇湯 ($68)呢個蘑菇湯有很多蘑菇微粒，很有口感，味道亦很濃郁，十分惹味！香煎雪魚 （$238）雪魚口感柔軟嫩滑，味道清清地但夠味，只有少量魚骨亦唔難起骨～ 底下有薯蓉和醬煮紅蘿蔔🥕 薯蓉味濃，又夠creamy，唔錯～ 😛香煎法國鵝肝伴黑松露菌燴飯 （$188）鵝肝口感柔軟，油香十足但不會覺得油膩～ 燴飯口感煙韌，每粒飯都沾滿黑松露菌醬汁，加上有大量菇類配襯，整體味道和口感都幾豐富～拿破崙蛋糕拿破崙嘅酥皮烤得鬆化香脆，層次分明，配上香甜軟滑嘅忌廉和浸過糖水嘅水果粒，好好味呀🥰整體食物質素唔錯，地方都幾就腳，原來仲

觀塘工廠大廈不嬲都係搵食好地方，apm後面新開左間有室內有室外既高質西餐廳叫Bistro La Bon. 中午食飯黎過一次雖然比較趕但已經好有好感，$78蚊有set lunch，咁舒服既環境，仲有新張期野飲買一送一喎😘今次放咗工再黎，可以慢慢地享受一次喇。Bistro La Bon都成6千呎咁大，有兩間主題房，有室內有室外。仲有少女主題、文青主題的房間。夜晚調暗左個燈光後更有格調，適合情侶約會，室外及兩間大房亦好適合一大班朋友黎chill黎relax。室外位置即將開放，但現時亦可進內參觀，目測室外有10-15張枱。我同朋友選擇左綠油油嘅大房食野望到綠油油一片，頓時覺得工作嘅壓力暫時釋放晒。食物方面，餐廳話會用比午市更用心機用功夫的菜式，例如頂級巨型斧頭扒，USDA prime認証的安格斯肉眼扒，會用炭燒的方法去呈現俾食客。前菜我點左香煎帶子沙律。我食沙律係比較著重個醬料，好多餐廳會自己調配醬汁，我相信Bistro La Bon都有，佢地醬料似Honey Mustards 果隻味道但無咁甜，微甜+微酸的，幾開胃。個帶子比一般餐廳用的帶子更為大粒，而且係兩大粒 帶子表面微微煎香左，夠香前菜