Cafe Paradise (砵蘭街) (已結業)

今日係我同男朋友嘅求婚紀念日，book咗一間太子嘅西餐廳慶祝。夜晚八點幾入到去全屋滿座，好熱鬧。疫情期間餐廳嘅設施都做得好好，間隔板好足夠，每一個枱都感覺好安全。餐廳有提供一set set嘅晚餐，包沙律、餐湯、主菜、甜品同飲品，啱晒我哋呢啲唔鍾意自己選擇太多嘅人。我哋叫咗一人一個餐～沙律好新鮮冰冰凍凍，而且份量都好多，甘筍南瓜湯都要讚一讚，雖然係跟餐嘅餐湯，但係感覺好足料，南瓜味好濃，口感濃厚。我同男朋友都好鍾意食黑松露嘅味道，見到有呢個黑松露寬條麵即刻嗌嚟試吓啦。呢一款煮法比較乾身，但係亦可以做到濃濃嘅黑松露味，而且材料都好夠，野菌嘅份量都好多。脆皮豬手做到個皮真係可以好脆，點埋佢提供嘅醬汁好好食。而且切開嚟食每人都有五六件，好夠食，好飽肚。伴碟方面，佢有薯蓉、烤菠蘿，同埋烤翠玉瓜，亦都唔錯，幾有誠意。最後跟餐甜品今日係豆腐雪糕。喺大雨之中，在這裡享用咗我哋今日嘅幸福晚餐。餐廳位置都好容易搵，係街頭第二間就係啦。

之前同朋友慶祝生日黎過cafe paradise,覺得食物幾正，好味得黎價錢又合理，今次再黎食返餐高質dinner!睇返個set dinner menu,有8款主菜，款款都幾吸引，最後order左香脆豬手同芝士焗龍蝦拼牛肩胛扒~~落完單就好期待～～Dinner set有健康沙律做前菜，同南瓜餐湯warm up下個胃先～香脆豬手大大份，外皮超脆，肉質實淨得黎唔難咬，配埋燒汁，好好味，大力推介！雖然有啲肥膏，但食少少夾埋啲肉食仲正！芝士焗龍蝦都焗得鮮美可口，龍蝦肉質爽口彈牙！牛肩胛扒7成熟，切開入面啲肉仲係粉嫩，肉質較實，有嚼勁～我揀既呢杯荔枝乳酸，酸甜好飲！甜品仲有曲奇雪糕，perfect ending!!

有朋友生日，想搵間餐廳慶祝，上網見到呢間cafe環境唔錯，而且位於太子近地鐵站，於是就決定試一試。餐廳顧客比較多，好好彩有訂位，所以可以即時入座。餐廳食物嘅款式都幾多，不過貪方便叫咗套餐。套餐包沙律、湯、主菜、甜品、嘢飲，超級豐富。1) 煙三文魚天使麵 (⭐⭐⭐⭐⭐)天使麵份量都幾多，好香口，賣相都幾吸引，尤其是上面嗰大塊煙三文魚。三文魚比較新鮮、薄身，食落有口感。2) 香脆豬手 (⭐⭐⭐⭐⭐)香脆豬手由燒汁煮成，香脆豬手切成一舊舊，可以同朋友share。同燒汁味道配搭一流，幾鍾意個豬手，唔算太鹹亦都唔算太肥膩。3) 心太軟雪糕 (⭐⭐⭐⭐⭐)跟餐嘅甜品有四款，揀咗心太軟雪糕。因為朋友生日，所以預先叫咗餐廳係甜品上面寫生日快樂俾我個朋友。餐廳好細心，建議我哋寫埋朋友個名上去。心太軟嘅質感軟熟，同碟有雪糕，冰火雙重嘅口感超正。4) 雲呢拿雪糕飲品 (⭐⭐⭐⭐⭐)雪糕配汽水幾特別。汽水入面嘅冰，有助保持雪糕嘅溫度，令雪糕唔會咁容易溶掉。而且雪糕有個名堂叫做「白馬」，幾搞笑。整體嚟講，對呢餐都幾滿意。

之前行過太子，見到間叫cafe paradise嘅食店成日都好多人排隊。所以一直都好想搵機會食下男朋友好細心，一早打去book定枱門口裝飾好靚，好彩有book位，如果唔係有排等迴旋木馬係旋㗎，幾得意呢間餐廳裝修方面真係幾有心思！手寫menu 最吸引到我！因為好有心！最值得讚係所有menu上嘅意粉同飯都可以轉套餐，即係唔會逼你淨係可以揀set dinner門口的menu 入到去坐位，waiter已經超快手遞上menu同水，呢本drink menu打開有驚喜呀，好靚我地叫左一個套餐，有沙律，湯，餐飲同甜品沙律個醬係我鍾意嘅醋1人份量岩岩好，因為男朋友唔食沙律的餐湯，本身覺得無乜特別，咪又係普通白湯。。點知原來有三文魚粒係入面。。即刻爭住飲豬手上啦食脆皮豬手最驚係個皮淋同食到成口油。但呢個豬手皮好脆！肉又好淋，好快就俾我地食曬男朋友比較大食，一個餐邊夠，所以我地叫多左個卡邦尼意粉。其實本身諗住意粉比較飽肚先叫，嘩！估唔到咁多配粉，好多菇同火腿。。。個粉食落幾creamy但唔會太膩芝麻雞翼。我地2個都好鍾意食雞翼，所以呢個係必叫！雞翼入口鬆化，雞肉滑身，最重要係炸得岩岩好，無燶味芝士焗雞軟骨棒

Happy Friday 朋友帶我去太子食好西! 嚟到嘅時候, 門外已有好幾個客係度等緊! 餐廳門面都幾靚, 仲擺放咗啲小擺設! 佢哋嘅客人係一檯接一檯, 坐無虛席! 晚餐有沙律, 湯, 主菜, 飲品同甜品, 5樣嘢百幾蚊都幾抵食!香脆豬手(晚餐$168) ~ 侍應將碟豬手放在我面前時好有驚喜嘅感覺, 好似一幅畫放在我眼前一樣, 個擺盤好靚, 睇得出廚師嘅心機！講番味道先, 豬手都幾大隻, 外脆內嫰!切落去已經感受佢嘅骨膠原, 肉質好腍, 味道適中唔會過鹹, 一啲都唔膩! 配菜都相當豐富, 薯蓉裡面加咗啲藜麥, 個味都唔錯! 再用兩片絲瓜片蟹子紅菜頭汁砌咗朵花! 又有菜沙律來中和一下! 整個菜式, 色香味俱全, 相當不錯! 小亮推介煙三文魚蜆肉天使麵 (晚餐$123) ~ 天使麵份量都幾多, 忌簾白汁份量都啱啱好, 味道幾香唔漏 , 幾好食, 如果三文魚同蜆肉可以再多啲就更加吸引!我哋每人加$15 叫咗兩杯飲品Chocolate@Paradise ~ 朱古力奶味道適中唔會過甜, 個雪糕仲要係我鍾意食嘅movenpick！淨係呢樣已即時加分!橙汁雜飲 ~ 就不過不失最後甜品係芒果雪糕 ~

閨蜜day，朋友說要去間舒服又好食的餐廳傾下計，在openrice 睇到這間旋轉木馬餐廳幾得意，就黎試下啦門面好靚，白色的設計，簡單歐陸風，好舒服仲有好可愛的旋轉木馬和摩天輪擺設，供客人在排隊時候影下相。餐廳燈光柔和，兩邊靠牆坐位，店內不大，但舒服☺️Set dinner 價錢唔貴，有齊湯，前菜，主菜，甜品，餐飲。好特別啊，餐牌好似打開聖誕卡，好有心思的餐廳👍都幾有噱頭，店員主動介紹餐牌內容，服務態度好。湯夠熱，這個很重要👍雜菜沙拉配意大利醋汁，開胃先上菜是-卡邦尼意大利粉我很久都沒有食過好食的卡邦尼意粉了，這碟是我喜愛的味道濃厚的蛋黃芝士醬汁和意粉配合在一起，簡單而美味，不會太膩，好味道朋友都讚小食-車打芝士焗肉醬薯角，估唔到份量這麼多，好抵食熱辣辣的薯角，加埋拉絲芝士肉醬，正主菜-香脆豬手主菜等大約15分鐘，豬手即炸，上菜時好驚喜，大大份，皮非常香脆，外皮做到又脆又煙韌，內層肉質又嫩又滑，其實都好考大廚功夫鹹香野味不得不讚這個薯蓉混合了墨魚汁和黑松露，口感立即變得豐富，味道更勝一籌，薯蓉又做到口感細滑，不知不覺會吃光連配菜都好有心思店員還介紹，這薯蓉會定時轉口味，或轉一轉配菜，真係好