Jason Pastries

營業中

休息中

一直都好想試吓呢間小店嘅拿破崙，但由於附近無嘢睇又唔近屋企，所以一直無緣！直到今日終於有機會喇！😄由於係lunch time，所以店內無客，我一次order了五件外賣，由於係即叫即整，所以我坐響店內等。。。。等吓等吓。聞到一陣香味喇，我抬頭望，五件整好了，怪不得咁香。試過今次，就算下次幾唔方便都要專登搭車嚟買喇！

記得某日喺openrice搵屯門甜品店，見過呢間評語都唔錯，位置喺啟豐商場入面，好易搵。小店一間，座位唔多，近店門有個放左唔同款式嘅件裝蛋糕。甜品款式：拿破崙、梳乎厘、窩夫、蛋糕坐低之後，基本上我已經鎖定拿破崙~ 香芒拿破崙 $38單單拿破崙有5款味道：紫薯、香芒、焦糖合桃、桑梅、草莓我揀左最基本嘅芒果味，不過見老闆娘喺凍櫃拎件拿破崙出黎，唔多唔少有啲失望。始終係小型餅店加甜品店嘅格局，有唔少客人買現成嘅蛋糕，所以都能夠理解，好難每件都即做。賣相都唔錯，幾吸引！面頭有三片芒果，三層酥皮夾雜吉士~不過芒果應該唔當造，唔夠甜，吉士細滑、味道香。酥皮硬身，唔夠脆，影響口感。相信如果預著出爐時間食，會正好多。鮮奶咖啡 $12 (原價:$24/跟餐半價)另外點鮮奶咖啡，純粹想飲杯咖啡，但又唔想飲太濃味~呢杯飲落唔會有強烈咖啡豆香，泡唔算滑溜，味道較淡… 但反而合符當日所需。而且原本廿四蚊嘅咖啡，到埋單時候得知跟餐有半價，唔錯喎，性價比高！整體來講，50蚊有件餅又有杯咖啡，都係超值價，希望下次會食到脆脆嘅拿破崙！

因為今朝食左個飽早餐，所以晏晝唔太肚餓，過黎就試下呢間新開甜品店。價錢黎講拍得住D高級餅店。食一件cake既價錢，可以在隔離舖食到一個飯。不過都想試下。店內除了蛋糕曲奇外，唯一可以叫既兩款包：漢堡包同熱狗，如果叫飲品可半價。我哋叫左個漢堡包配洛神花茶，再叫多件香芒拿破崙 (由於凍櫃冇晒，老闆即叫即製一件俾我哋, 誠意十足)洛神花茶壺上, 大概可沖到3-4杯到, 水滾茶靚, 花荼沒有加糖, 飲落酸咪咪, 幾開胃.漢堡包 ($38) , 落單後等左一陣先上枱. 廚師即叫即做, 所以好新鮮. 包面脆口, 橫切面可見到材料幾豐富, 食落漢堡肉汁好多. 生菜爽口, 的確幾好食.芒果拿破崙 (約$38)酥皮可能係即造, 真係好鬆脆, 中間既吉士忌廉亦很滑, 加埋芒果片一齊放入口食, 酸甜適中!!!