新泰東南亞餐廳

營業中

休息中

約朋友尖沙咀食晚飯，食泰國菜最出名都數一數二係呢間～環境大，4個人有卡位坐得舒服！先黎椰青冬陰功湯：唔算好辣，岩番香港人口味，都岩哂我！帶椰香～酸辣平衡，仲有各種海鮮、菇類，一路保持溫度熱辣辣～香芒軟殼蟹米紙卷： 芒果夠甜，配合埋酥脆軟殼蟹、粉絲、香葉、青瓜配料⋯好味好有層次！勁開胃！必食推介！炸蠔餅：剛炸好，脆卜卜唔油膩！好多蠔仔串燒沙嗲：有雞、豬、牛串燒：燒得好香，醃料都已經幾入味，但我好欣賞個汁，帶酸酸地、好惹味，中和番糯米飯同串燒既油膩/滯口！生菜包： 偏辣，但肉碎同配料炒得好香整體來講：泰國菜食物水準都幾高！ 環境都算舒服，位置又方便！難怪咁旺場！

聽同事講呢間泰式餐廳好味又唔貴，於是就拉埋係附近返工既朋友仔黎食下野，傾下計。香芒軟殼蟹米紙卷軟殼蟹唔會炸到油淋淋，仲保持到香口既口感，香芒少少甜唔酸。一口一舊，啖啖肉，食落好滿足。鹽焗鱸魚肉身夠滑，又有不少配料做調味，一d都唔腥，不蘸醬都好夠味。再者，d肉同骨好易分開，連我吾鐘意食魚吐骨既fd都大讚。原條上，百幾蚊，咁好食，值得一試。見午巿套餐75蚊，幾抵，所以都叫左個泰式蝦炒金邊粉+綠豆沙冰。泰式蝦炒金邊粉份量不少，配料幾豐富，有蝦仁、芽菜、魚片、花生碎、蔥等……大男人都應該夠食。綠豆沙冰大大杯，充滿綠豆味，甜度唔記得叫少甜，都無話過甜，清熱解辣必叫。雖然餐廳不算超大，但到處都係泰國既感覺。

呢間泰菜係尖沙咀好似好出名，去左試果然唔錯泰式蝦炒金邊粉去泰國餐廳緊係要試pad thai，呢間係用左網絲蛋去包住金邊粉，煎到有蛋香，而金邊粉就炒到好有鑊氣，每條都沾到酸酸甜甜嘅醬幾開胃，而且配料有蝦、豆干等好足料～椰青冬蔭功出面好少見加左椰青嘅冬蔭功，好似多左份椰香清甜味，balance番辣味配料勁多，有切開左嘅蝦方便去食、大量唔同種類嘅菇、椰青肉etc 呢份L size份量真係好多，應該夠3-4人用香芒軟殼蟹米紙卷層米紙有少少煙韌嘅口感，但整體又唔會太厚，包住菜、炸軟殼蟹同埋芒果，芒果食得出係新鮮keep到juicy，再配埋外脆內軟嘅軟殼蟹，感覺好fresh～番石榴沙冰呢杯沙冰勁大杯😂冰打到綿綿冰咁幾smooth，番石榴味重唔似人工味，天氣咁熱飲完透心涼

openrice 人氣爆燈嘅泰菜一直都想試公司去完k11 做野，就請助手食番餐好嘅平時都咁多人，好彩有book直入泰國風味十足十分整潔，舒服檯同檯唔會太close香芒軟殼蟹米紙卷$88先上個輕食芒果味唔算太出，冇酸味，有小小甜師傅功夫十足馬拉肉骨茶  (s)$78好味，d 藥材味好夠勁多肉，我覺得d 湯可以多d不過d 湯先係精華鸭肉生菜包$78佢地推介正常生菜包鴨肉唔算太出，有芫茜所以我麻麻綠豆沙冰$38全晚之最綠豆愛好者必叫好好飲夏天飲左勁消暑泰式炒椰菜仔$98健康之選好大碟，食左好耐都食唔哂串燒羊肉(4串）$88羊肉好大粒好有咬口，重口味鹽焗烏頭$128同事點名叫我對泰魚麻麻試左小小，唔太好同事話好正，成條清左個汁都清埋

老實說要搵比較正宗的泰國菜個個都會話去九龍城食咁岩有位路痴朋友🐒要搵返鐵路沿線的 最方便就油尖旺區搵下搵下 見到有間位處K11 隔離 而網上睇大家的評價都不錯( ˶ ̇ᵕ​ ̇˶)價錢亦相當合理🤩三個女子叫左啲乜¨̮ ¨̮ ¨̮ 眼闊肚窄朋友揮手區🙋🏻 我地點左個四至五人份量 ⸜̗  ̻́ ̻ ̻̀⚑⚐゛︎︎︎雞牛豬串燒肉質較實 唔知係咪食物烘太耐舊肉比較難脫離竹簽(*´﹃｀)醬汁則較甜⚑⚐゛︎︎︎香芒軟殼蟹米紙卷米紙卷身較厚 不過有芒果🥭好fresh 仲有脆脆既軟殼蟹 整體好味既⚑⚐゛︎︎︎肉碎生菜包(雞肉)雖然全部菜都點左少辣 不過肉碎仍然都幾辣 但味道都係不錯的⚑⚐゛︎︎︎南瓜焗咖喱海鮮賣相100 分✩°̥࿐**咖哩係屬偏甜既 海鮮料都好足原個南瓜🎃上 連肉都可以刮埋食只可惜我地太飽喇( •᷄ὤ•᷅)我盡能力食左啲 連南瓜都好甜⚑⚐゛印度薄餅 用以點咖哩用 正常發揮⚑⚐゛冬陰公海鮮金邊粉 貪心的我們 又想飲冬陰公 但又想食Pad Thai呢款就岩哂到今日都仲回味緊果個酸味味不過點左少辣都仲係幾辣而個粉既份量好大✰ 雖然餐廳位於地庫 但由於空間很闊落 都坐得好舒服(´▽｀)‧✧̣̥̇‧✰ 以呢個地理位置黎講 價錢好合理

“馬來亞春色綠野景緻艷雅”呢句歌詞間唔中都有聽過下, 今日就比我親眼欣賞到呢句歌詞中嘅意境☺️作為一個狂熱蝦粉, 呢道嘅生蝦無得輸!! 新鮮就不在話下, 店家仲用咗一層薄膠膜隔開生蝦同冰, 就算食到最尾, 生蝦都唔會過凍, 非常貼心👍🏻不過就細隻咗啲, 一啖食晒6隻都綽綽有餘, 令人到喉唔到肺🤤扇貝一上枱嘅時候就聞到好香牛油味! 大大隻之外, 仲有海量嘅蒜蓉, 我朋友係蒜頭愛好者, 就覺得有咁多蒜蓉好正! 沙嗲醬食落唔辣, 仲好香花生味! 食完濃味嘅主菜, 整番個清甜椰青清清喉嚨, 為呢餐美味嘅晚飯增添一個完美嘅句號整體嚟講, 新泰裝修別緻, 環境舒適, 食物亦好高質, 不過價錢略就貴, 所以同朋友share係一個唔錯嘅選擇👍🏻👍🏻

生日飯無訂枱 臨時決定食泰菜找到這間泰菜可以walk-in 餐廳很大 有圓枱 又有卡位 方便大伙吃飯麵包焗咖喱軟殻蟹: 周邊的麵包脆脆, 點咖哩汁一流, 咖哩不會太辣, 軟殻蟹都有好幾件, 豎身插住可減慢變為淋身香芒軟殼蟹米紙卷: 家人不想吃太多煎炸食物所以點了米紙, 沒有特別, 靠點醬汁補充味道蒜蓉炒貴妃苗: 我第一次食貴妃苗, 好嫩口, 不會老身, 蒜蓉炒好清甜, 中和泰菜的煎炸及辣味泰式柚子大蝦沙律: 沙律夠辣, 柚子甜而不苦, 好多花生果仁, 作為頭盤挺開胃椰青沙冰: 一定要飲, 清甜透心涼, 像椰奶雪糕般份量十足, 可以由三人分享兩個肉碎生菜包豬: 生菜生鮮, 但已經太飽, 打包回家吃, 兩日後炒熱, 肉碎好香香葉味南瓜布甸: 推薦, 因為第一次食用南瓜做的布甸, 味道好好, 有南瓜味, 又似芒果布甸軟淋淋, 我平時不吃南瓜, 都覺得好吃, 賣相好特別

比卡媽媽話要去K11攞嘢，唔揸車坐火車一陣就到，出咗商場行過對面，比卡豬見到門口有架“篤篤”咁得意，係咁叫要坐，咁咪入去坐吓影吓相，知客姐姐仲好好相與，原來呢間係食東南亞菜式，橫掂都要食晚飯，於是行落去試試，原來下面別有洞天，地方算大，員工又好熱情，睇餐牌款式都好多!泰國青芒果沙律，兩個字形容“清新”，又唔會太辣，建議大家第一味就食，食完開胃；香芒軟殼蟹米紙卷，係我喺香港食過米紙卷最好食嘅，最怕食軟殼蟹食到“油億”味，所以呢度絕對唔係用萬年油；馬拉肉骨茶，兩公婆點個細嘅，原來都唔細，兩公婆剛剛好，飲落有淡淡藥材味飄出嚟，唔鍾意太重藥材味嘅朋友啱哂，而且排骨夠淋，不俗!泰式炒椰菜仔，唔多地方有得食椰菜仔，我老婆好鍾意食，連比卡豬都食，可能覺得似一個個波波咁；菠蘿炒飯，又係小朋友至愛，但下次我會試泰式燒春雞釀香茅黃飯，好吸引我眼球，仲有個麵包焗咖哩軟殼蟹，我見有幾枱都有叫，應該係熟客，包穩陣；菠蘿沙冰有驚喜，唔會得個甜字，好新鮮!埋單同經理傾咗兩句，原來呢度有幾間房，價錢唔貴，好適合大班朋友私人飯局；經理仲話下午茶照餐牌仲有8折，咁抵下次嚟開尖沙咀真係要過嚟食!