新泰東南亞餐廳

營業中

休息中

呢間泰國菜成日行過，今晚終於去試吓啦，一入門口佢個裝修就好似去左泰國咁，有架Tuk Tuk。落咗條樓梯先知原來餐廳都幾大，仲有啲房，如果一班人食飯私隱度都幾好。睇睇Menu有好多唔同種類的泰菜選擇。冬蔭功（小）唔好睇少呢個小的份量，都好足料，有兩隻大蝦，好多菇，佢個酸辣度剛好，好平衡，唔會互相搶味。燒豬頸肉燒得好香，肥瘦適中，點埋個有少少辣的醬汁真係好開胃。燒牛柳沙律呢度的牛柳俾得一啲都唔吝嗇，好多塊，少少半生熟兼好juicy，配料又西芹，洋蔥，蒽，青瓜，個汁真係有啲辣，但辣得黎好惹味，如果唔係好食得辣的，建議叫少辣。泰式蝦炒金邊粉用蛋包住金邊粉，整得好靚，入面有三隻蝦，金邊粉炒得好有鑊氣，而且份量都唔少。番石榴沙冰飲得到番石榴果肉粒，好真材實料，好refresh。椰青沙冰用一整個椰青裝住沙冰，都係飲到啲椰子肉，又唔係死甜，飲得到佢個真材實料，夏天飲真係好透心涼。呢度的野食飲品性價比真係好高呀，以尖沙咀地段黎講一啲都唔貴。

平日行尖沙咀成日都會經過，但未有機會試，今日終於食到 ! 星期六日最好book位，因為真係好多人食餐廳係地庫，由地面行落去的樓梯已經好靚，真係帶你入去東南亞甘!!地方好大，都有好多店員，位置坐得好舒服🥢香芒軟殼蟹米紙卷口感清新，非常適合夏天食，軟殼蟹外酥內嫩，芒果添了甜味和清新的果香，與軟殼蟹的鹹香相得益彰，加入沙律菜，增加了口感的層次和清脆感🥢馬拉肉骨茶湯底呈現深褐色，味道濃厚，帶有中藥的香氣，加入當歸、玉竹、甘草、黨參和川芎等，有一種獨特香味層次感，肉骨鮮甜，肉質軟嫩🥢咖喱芝士焗青口青口被厚厚的芝士覆蓋，表面微微金黃，散發著濃郁的奶香，青口鮮嫩，口感滑順，咖喱的香氣濃烈，帶有微微的甜辣感，口感層次分明🥢巴東牛展慢火燉煮，肉質變得非常軟嫩，醬汁濃稠，由椰奶和多種香料製成，味道微辣，伴隨香甜的椰奶味，配印度酥餅一流🥢印度酥餅外皮金黃酥脆，咬下去時發出清脆，內部加入酥油、糖粉和香料製作，口感柔軟，奶香濃郁，口感微甜🍹泰式凍奶茶茶香濃郁，沒有苦澀味，甜而不膩，結合紅茶中和甜度，奶香醇厚，加入淡奶令整體口感更加醇厚🍹龍眼冰龍眼果肉鮮嫩多汁，帶有自然的甜味，飲落清爽可口，甜度不會過租，沒有加入

新泰東南亞餐廳，每次行過K11都會當眼見到嘅泰國餐廳，鮮明嘅泰國風情讓人一眼就能辨認出嚟，門口擺放著精緻嘅泰式花卉裝飾，既現代又不失泰國嘅傳統特色，今次一於走入去探訪吓。每位職員都對餐廳運作好熟悉，又親切友善！食物更有驚喜！👍冬陰功（細） $98依碗湯酸酸辣辣🌶️，辣味適中，湯底濃郁，蝦肉新鮮彈牙，仲有菇菌雜菜吸晒辣味，絕對是開胃嘅首選！👍👍👍👍👍香芒軟殼蟹米子卷 $98🥭🦀軟殼蟹炸得金黃香脆，搭配新鮮芒果同爽脆蔬菜，口感層次豐富，令人一口接一口！馬拉盞炒通菜 $88炒得非常入味，通菜爽脆，馬拉盞香氣撲鼻而來，愈食愈滋味👍👍👍👍👍馬莎拉咖喱（雞） 🐔 $108 白飯 $28雞/牛/豬可選，咖喱汁濃郁滑順，雞肉嫩滑入味，仲有軟腍腍嘅薯仔，配埋白飯一起食真係冇得頂印度薄餅🫓 $42印度薄餅外脆內軟，搭配咖喱汁食，非常美味原個椰青大菜糕 🥥 $75甜品方面，點咗原個椰青大菜糕，成個都係椰肉大菜糕，賣相夠晒吸引，大菜糕滑溜爽口，食落感到清新！泰式奶茶 $48泰式奶茶點可以唔試吓！茶味香濃，甜度適中，冰塊適量，唔會令奶茶過淡！用餐整體感覺良好！價格合理，份量大碟，服務態度都好好！下次帶屋企人嚟試吓

串燒沙爹：豬、牛、雞各有2串，大大嚿啖啖肉，肉質唔錯有咬口，唔會燒得太乾。沙爹醬有質感，見到有啲花生顆粒，幾好味，加咗勁多沙爹醬。馬拉盞通菜：份量唔少，馬拉盞咸香味十足，感覺有啲似係蝦醬同XO醬嘅混合，唔錯。同朋友一開始諗緊要馬拉盞通菜定飛天通菜，但唔知有乜分別，只知飛天通菜會抛起炒😅之後問店員，佢話飛天通菜係用蒜頭辣椒豆醬炒，味道辣啲，但又可以叫小辣😂日本南瓜焗海鮮飯：一上檯就哇咗聲，南瓜都幾大個，面頭係滿滿嘅芝士同海鮮，有大蝦、鮮魷、靑口。南瓜焗得軟淋，可以用匙羹刮出嚟，食落香甜綿滑，撈埋啲飯同芝士一齊食好正。餐廳門口幾有泰國feel ，座位舒適闊落，食物味道唔錯份量足料，女仔嘅話可能夠3個人食，係尖沙咀性價比高嘅餐廳。

在尖沙咀加拿分道的「新泰東南亞餐廳」，我最近享用了一頓令人難忘的泰國菜。餐廳的環境舒適，帶有濃厚的東南亞風情，非常適合與朋友聚餐。首先，我們點了越式蝦米紙卷，這道小食清新可口，蝦米的香味與新鮮的生菜完美結合，讓人一口接一口。接著，泰式青咖哩的味道濃郁，咖哩的香氣撲鼻而來，搭配白飯更是絕配，讓人感受到泰國的熱情。另外，泰式炒什菜也讓我印象深刻，各種時令蔬菜炒得爽脆，保留了食材的鮮甜。而印度酥餅則是另一種驚喜，外脆內軟，配上咖哩或醬汁，風味更佳。餐後，我們點了椰汁冰來解暑，椰汁的香甜與冰涼的口感，讓人瞬間感到清新。而青檸梳打的酸甜平衡，十分解膩，是夏日必試的飲品。最後，鹽焗鱸魚外脆內嫩，鹽焗的手法讓魚肉鮮美無比。而原個椰青大菜糕則是完美的結尾，椰香四溢，口感滑順。總括來說，「新泰東南亞餐廳」的菜品新鮮，味道正宗，環境佳，非常值得一試！如果你喜歡泰國菜，這裡絕對不容錯過！

放工後同朋友喺尖沙咀搵食，黎咗呢間泰國菜餐廳，環境舒適、菜式選擇多，我已幫襯好多次😋🍴 果晚叫左幾道招牌菜：•🦀 軟殼蟹咖喱麵包：必試推介！咖喱係蛋白黃咖喱，香濃唔辣，麵包沾埋黎食一流，軟殼蟹炸得香脆，好入味•🧈 牛油雞翼：酥香帶牛油香氣，啖啖肉•🧄 蒜蓉焗帶子：帶子鮮嫩，蒜蓉味香而不搶•🥬 椰菜仔：炒得清爽，健康之選•🥥 椰汁沙冰：份量超大，細滑又清新，椰香好濃，夏天飲最岩💬 餐廳侍應好有禮貌，勤力斟水，服務態度一流，感覺非常好👍🏼

慶祝生日，到了此泰國餐廳，餐廳給了四人位，座位舒適👍👍👍 因為都幾多人到此餐廳光顧，建議預早book定位點了幾款食物個人認為最好味的是「咖喱軟殼蟹麵包」。。。麵包鬆脆，醮了咖喱汁後，非常美味👍👍👍。。。四個人吃，不叫其他飯麵及麵包，都足以飽肚原本想叫咖喱蟹，不過一隻按時價要五百幾，結果冇叫到。。。但慶幸自己叫了咖喱軟殼蟹麵包😘😘😘飲品叫了凍檸茶及凍泰式奶茶，個人認為凍泰式奶茶略甜整體非常滿意👍👍

📍泰式老鴨湯河粉｜甜香湯底 中規中矩今次試咗間泰式餐廳嘅**泰式滷鴨湯河粉**，湯底偏向甜香路線，帶淡淡香料味，飲落幾順喉。鴨肉算嫩滑，不過整體味道未算好突出，同預期中嘅濃郁泰式風味有啲距離。 同場加映嘅**芝士焗香芋海鮮飯**都係平平無奇，芝士同香芋味道未夠融合，海鮮份量普通。雖然餐廳環境闊落，假期人流少坐得舒服，但食物質素真係未夠留住回頭客。 **小貼士**：如果鍾意甜味湯底可以一試，但追求地道泰式風味就可能要再搵過。 **整體評分**：6/10 （適合想靜靜哋食個簡餐，但唔好期望太高～）

最近天氣真係好熱，最岩吃泰菜，味道夠曬開胃。今日黎到朋友推介尖沙咀既新泰，地方好大坐得好舒服。 前菜叫左個燒豬頸肉沙律，豬頸肉份量超多，調味我都好中意，咸香得黎勁開胃，配埋生菜食好清新，配搭好好。 泰式青咖哩雞加印度酥餅 - 泰國菜最中意佢既青咖哩，椰香得黎好惹味。雞件都有8大件，肉質嫩滑，好味！酥餅加青咖哩真係好夾。 泰式菠蘿炒飯-成個菠蘿甘上，視覺已經好正。炒飯粒粒分明，乾身既，加埋肉鬆腰果真係好好味。吃到甘上下仲發現入面有兩隻大蝦，彈牙的肉質，值得推介。 小菜叫左國民美食-馬拉盞通菜，依度炒得好香。隻醬加左大粒蝦米，吃的出個種鮮香味。 整體黎講新泰岩曬我胃口，佢既調味真係無得輸，令到無咩胃口既我都係甘狂食，一定再黎。

好耐之前已經來過一次食, 今次因為方便係K11行完街就再同朋友來試下食上面仲有d打卡位可以影下相，下面空間好大，基本上係full晒坐位。因為我地都唔係好餓都只係叫左小小野食1.燒虎蝦🦐好新鮮好有口感! 加埋泰式生蝦汁, 超惹味，本來就諗住叫泰式生蝦食，但見到嘅枱食好似好正咁，就揀咗呢個真係冇決定錯！2. 燒西冷牛扒🐂份量比想像中既多, 叫左5成熟會比較血紅, 怕太紅既建議都係叫返7成比較好。 3. 越式蟹肉炒粉絲🦀超大份, 好足料, 炒得好香, 味道亦都好夠, 仲要有我鐘意既扎肉添呀值得一提, 店內既職員都好好笑容好有禮貌, 大部份都係泰國人, 入面D裝修都好靚叫左3樣罰食賣單都係$433， 每人都唔洗$220

泰式柚子蝦沙律一上枱就聞到香茅味🌿 柚子爆汁清甜🍈 大蝦爽脆彈牙🦐 仲有腰果碎增加口感🌰 酸甜辣平衡得啱啱好💯肉碎生菜包份量驚人🥬 用新鮮 iceberg 生菜包住炒香肉碎🐷 九層塔香氣突出🍃 辣度可以自己調節🌶️ 加埋青檸汁更開胃🍋芒果糯米飯係完美句號🥭 芒果甜到漏💛 糯米飯暖粒粒 椰漿香濃唔膩🥥 仲灑咗啲綠豆脆片增加口感✨尖沙咀泰菜高質之選📍 環境闊落坐得舒服🪑 服務員會主動換骨碟👍 上菜速度快⚡三款菜式都夠晒地道🇹🇭 價錢合理💸 芒果控必試 下次要encore個黃咖喱🍛 朋友聚餐首選👩

同朋友去尖沙咀行街，晚上去咗新泰東南亞餐廳食飯，餐廳裝潢擺設都充滿泰國風情，提供正宗的泰國美食，並由擁有多年經驗的泰籍廚主理。串燒沙嗲：串燒雞和豬肉表面呈現金黃色，帶有微微焦香，配搭沙嗲醬汁，食落帶有花生香和微辣的風味。泰式濕炒海鮮河味道鮮甜爽口，河粉炒得夠鑊氣，配上新鮮海鮮、芥蘭、胡蘿蔔和草菇等分量充足，整體口感帶有濕潤的醬汁，味道濃郁但不油膩。喇沙湯蝦米線味道層次分明，椰奶的濃郁、咖哩的辛香、海鮮的鮮甜與豆卜的吸汁感交織在一起，令人回味無窮。鹽焗鱸魚的味道鮮嫩咸香，魚肉細膩多汁，因為烘烤時鹽形成堅硬外殼，鎖住水分並讓香料味道滲入魚肉，保持了魚的原汁原味且無腥味。油飯色澤金黃，飯粒分明、飽滿，香氣濃郁、口感Q彈。

係K11行完街餓餓地見到對面有間好大間既泰國野就入左去，佢呢間啲裝修都幾精緻，仲要用餐要落樓梯去地下室咁，幾有神秘感嘢食價錢我覺得好公道，食完係會覺得值既👍前菜叫左個蝦米子卷，欣賞佢個外皮好薄，識落口感好清爽，蝦開半放入去好新鮮👌馬拉盞炒椰菜係我去泰國餐廳必叫嘅😆好香好爽口，加埋蒜蓉炒無敵呢個串燒拼盤我覺得係MVP ，個雞肉串燒必點🥹笑得好香口外面有浸微微嘅焦香味，咬落口又多肉汁呢個蜆湯好醒胃😋食完啲比較濟既野食飲呢個就岩，酸酸地加埋好新鮮嘅蜆，佢個沙白非常之清甜又大粒，啱晒鍾意食海鮮嘅朋友我同朋友嘗試佢多啲唔同菜式所以無叫碳水😂食多啲餸，呢個豬頸肉不過不失，口感好鬆脆。同埋想講呢間啲嘢食份量都幾多，可以叫多啲朋友仔一齊嚟👍

今日黎到尖沙咀，見到呢間泰國菜門面靚、又多人等位，一於試吓佢咩料😎店員有好大部分都真係泰國人，所以都幾好幾有去左泰國🇹🇭嘅感覺🤣 我地叫左一份香芒軟殻蟹米紙卷、一碟串燒、印度薄餅、濕炒海鮮河、龍眼冰、芒果糯米飯、椰青沙冰。軟殻蟹卷都幾好食，而且有香茅香葉，好傳統正宗🥸 串燒就豬、牛、雞都有，一次過滿足3個願望🤣👍🏻😜 配埋個汁都唔錯芒果糯米飯好正～ 好Fresh好解膩，芒果好食😋對濕炒河比較好奇所以叫左😜 好。多。料！完全唔係hea你😎 勁多海鮮，又有幾款菜、菇，包羅萬有。個薄餅好賬卜卜，都唔錯，好有空氣感，不過大家記得要趁熱食！攤凍左就唔好食ga啦🤘🏻平日夜晚都爆場，可見好受歡迎！裝修、環境都幾靚😉

燒得掂嘅泰式lunch呢間泰國餐廳整體感覺唔錯，環境布置有啲特色，燈光唔算太光，氣氛都幾舒服，座位都算闊落，適合同朋友一齊用餐。食物方面，串燒類選擇幾多，有豬肉、牛肉、雞肉，火候處理得唔錯，啖啖有炭香。燒魷魚都幾有誠意，用咗原隻魷魚，新鮮度可以，唔會太韌。至於鐵板蠔仔炒蛋，蛋香有返咁上下，蠔仔夠飽滿，算係一個不錯嘅配搭。午餐方面叫咗兩款主菜：蟹肉炒粉絲味道唔太濃，但粉絲吸晒蟹肉嘅甜味，整體唔會太膩；奶油大蝦伊麵奶味較重，蝦夠大隻，食落去口感算彈牙。芒果黑白糯米飯為整餐畫上完美句號，芒果香甜多汁，配搭椰香濃郁嘅糯米飯，甜而不膩。黑白糯米既有口感層次，又帶輕微嚼勁，食完有種滿足嘅幸福感。整體嚟講，呢間餐廳嘅菜式有心思，環境同味道都達到期望，有興趣可以一試。