大越越南餐廳

營業中

休息中

大越絕對係沙田區嘅越南餐飯堂，幾乎每星期都要幫襯，全因為個足料湯底。好多越南餐廳個湯惹味，但食完要係咁飲水，你就知咩事；大越永遠唔會有呢個情況，無論牛湯定叻沙，都係好味到食晒碗粉再飲埋啲湯，然後一啲都唔口渴，只有真材實料先做到。湯河嘅牛肉充滿牛味，食得出係靚料，而且唔會切到薄依依；叻沙都係呢度嘅招牌，唔同香料嘅香味十足，椰汁又夠，非常惹味！另外阿女最鍾意食呢度嘅海南雞飯，滑身又有雞味，油飯香而不膩，老婆有時話晚餐加料都叫一隻返屋企。而小食就推介春卷 (非常足料)、無骨鳳爪、蝦餅。阿女都好鍾意飲呢度嘅椰汁真多冰，喜歡佢夠足料，又香滑。Bonus: 老闆好靚仔，成個ChiLam咁！

入沙田搵完frd, 熱辣辣咁嘅天氣，真係會好想食啲酸辣野見到呢間大越外面嘅大壁畫已經好attractive就你啦~~鋪外就係呢個o咀小女孩即刻點左份凍檬先加埋酸辣汁撈撈撈..我唔客氣喇呢碗「香茅豬扒撈檬」嘅豬扒都唔會乾，幾香口，面頭炸蒜都好大方咁落~~凍凍地、酸偏甜、好微微嘅辣咁嘅撈檬真係滿足左我嘅欲望再嗌左啲side「炸春卷」，上枱熱辣辣，唔係擺耐左嘅微溫..熱度好滿意！脆卜卜，涵唔會過鹹！(之前試過d 勁重手嘅味精卷，真係食完係咁errr..個胃會唔舒服) 惹味得黎，唔會太heavy另一個side「甘蔗蝦」彈牙蝦滑唔會話支蔗仲多過蝦lollll點完甜辣醬，perfect池結尾一杯熱「蜂蜜玫瑰柚子茶」跟餐加8$﹐舒服，完全作結。玫瑰如果冇話浸到淋晒，賣相更佳。