天奴豬扒餐廳 (已結業)

想係元朗hea一個下午，天奴係不二選擇可以選擇坐外面或入面 秋風起嘅日子當然要係出面享受下午🍂係天奴當然係要點翻個豬扒飯(可選擇跟飯，意粉，薯菜，沙律)佢地嘅飯類係會有7種汁選擇粟米汁，蒜蓉汁，洋蔥汁，黑椒汁，咖喱汁，鮮茄汁，豉油汁)我個人就偏好黑椒汁同跟飯😆5星為滿分💥香茅豬扒蛋飯 (黑椒汁): ⭐️⭐️⭐️⭐️食後感：豬扒軟淋，大塊！雖然係碟頭飯，但係就落足心思配搭😋 不過豬扒略嫌油膩篤穿荷包蛋嘅蛋黃再用黎撈飯，正！個人覺得整碟飯嘅精粹係條茄子🍆 佢用咗豉油來煎，好香😋溫馨提示：🎈如果唔夠汁，可以問店員拎🎈同埋天奴有辣汁提供，同樣要問店員拎先會有，私心推介個辣汁，好夠辣👍🏻👍🏻用嚟點茄子同豬扒真係好正！

呢一兩日係咁心思思好想食天奴嘅豬扒飯 見平日人小小，冇乜人唔使排隊就去左幫襯下☺️每次去食我一定會嗌香茅豬扒蛋飯 $51有得揀黑椒汁 粟米汁 蒜蓉汁 洋蔥汁同粟米汁等等今次我就揀咗洋蔥汁 ，另一個就係黑椒汁。每次去一定嗌多汁👍🏻👍🏻比較推薦黑椒汁，同豬扒比較夾 洋蔥汁略嫌太酸。豬扒用香茅餣製過，好鬆軟好入味 亦都好大塊，茄子唔好睇落平平無奇，其實係用醬油餣過，加埋太陽蛋蛋汁撈埋啲飯好邪惡。 凍檸茶略嫌唔夠茶味🙈但係豬扒蛋飯補救返啦！去前大家留意番店家關門時間 係18:00 記住唔好摸門釘！

是日放假, 訓到黃朝百晏先起身。然後出元朗市中心食野~之前去食川菜, 隔離有間食豬扒嘅餐廳好多人,一直都想試下~今日就去左試佢: 天奴豬扒餐廳。佢有早餐下午茶同全日餐嘅~除左豬扒~ 佢都仲有其他野食~同一般茶記差唔多~但來到豬扒專門店, 冇理由唔食豬扒丫?所以我地2個叫左:香茅豬扒蛋飯($51)+吉列豬扒腸仔飯($51)。佢可以揀跟飯/意粉/薯菜/沙律。亦都可以揀汁: 粟米汁/蒜茸汁/黑椒汁/咖哩汁/鮮茄汁/豉油汁。我地要左豉油汁同粟米汁。餐飲包熱飲, 凍飲要加$3。男友叫左凍檸賓, 要加$6。香茅豬扒蛋飯($51)+吉列豬扒腸仔飯($51)香茅豬扒蛋飯($51)豬扒好大塊! 係有骨豬扒來!由細到大媽媽都話有骨豬扒好食D~我唔知點解呀~ 但又真係好食D嘅豬扒嫩滑得來好林~一D都唔鞋同韌。仲有淡淡香茅味!好食! 不愧係豬扒專門店!每個飯仲跟一條燒茄子, 又係好味!然後個豉油汁, 係甜甜地, 杰身嘅豉油來~我覺得好MATCH好好食!VERY GOOD!吉列豬扒腸仔飯($51)男朋友就叫左呢個, 豬扒都係好大塊, 都係有骨豬扒來。新鮮炸起脆卜卜, 肉質一樣鬆軟好食!一樣有茄子!係條腸仔有少少

試完「成記茶寮」同「開心小叙」，第三間就係「天奴」！呢到既豬扒主打係用人手逐塊搥鬆，之後再用香茅同其他調味料調味再煎，令我都幾期待，睇下會唔會媲美到「成記」先！餐廳外面內部同樣係茶記，有外面有裡面，相比起另外兩間坐位就少左啲，好彩當日外面仲有位就住左係出面。食物選擇呢到就真係唔係只有豬扒，「開心小叙」都有一張MENU專食豬扒，但呢到冇，同普通茶餐廳一樣，以豬扒做主角既款式唔會特別多，都係正常茶記款式。香茅豬扒蛋飯  $51可以揀跟飯/薯菜/意粉/沙律，而醬汁方面係最多選擇既一間，有成7種，分別係粟米汁、蒜茸汁、洋蔥汁、黑椒汁、咖哩汁、鮮茄汁、豉油汁。同樣地都係揀返豉油汁，呢到同其他兩間有個最大既分別就係呢到有一條長矮瓜，可能係因為想碟飯有啲菜既關係而加入去，不過對豬扒飯黎講，我就覺得有啲格格不入，我會寧願無左條矮瓜收返平少少個價。講返味道，豬扒都係屬於厚身，有香茅味，仲會見到有啲辣油漿住左係豬扒面，食落有微微辣油香但又唔辣，鬆軟度夠，不過冇乜肥膏，加上豉油汁又係太少，同埋價錢稍貴，相比之下，供然係「成記」勝出～總括黎講，呢間既豬扒厚度、口感其實同「成記」相約，不過成記更鬆化同帶多啲肥膏

又係一間開鋪已久既餐廳。最初係因為泊車方便，所以經常渣車入去食早餐。不過食得多總會膩。近排就有引去食返啦。不過係去食午飯1st order：香茅豬扒蛋飯上菜既賣相都見得係有心思既！最欣賞佢既飯會配埋一條炸茄子。成份餐食落唔會太heavy！飯既分量當然就適合女士們，男士們可能就少左d吧。2nd order：吉列豬扒腸仔飯相比起香茅豬扒，吉列豬扒就有點失色吧。可能我本人不太喜好吉列既野，所以先有咁既感覺。都係抱住嘗試既心態去食吉列野，諗住都係豬扒嘛！所以亦令到我係咁夾隔離個碗食XD下次都會食返香茅豬扒吧至於飲品，都不過不失既。溫響提示：佢既汁係偏少既，所以記得上完菜另外叫佢比d汁您鋪頭內還是有點逼吧。室內外都有座位，但係好似今日三號風球咁，同埋夏天，都係坐室內好d