天奴豬扒餐廳 (已結業)

11:15分去到，但係都要等位11:29入坐，阿姐話仲有早餐咁當然要食個早餐啦叫咗一個香茅豬扒多士火腿幼麵，不過我轉左出前一丁要加$5本身呢個係一個牛油多士可以加煉奶變做奶油多但係因為我想減肥嘅關係所以我就叫咗齋多豬扒我又唔係真係覺得超級好食因為都幾油，但係豬扒就有一絲一絲嘅感覺我自己就覺得一定有用粉「拿」個呢個多士，反而我覺得太甜但係佢亦都唔夠香脆執鞭仲有啲硬添呢個火腿出前一丁就係正常味道冇乜特別需要講只係我覺得早餐嚟㗎講$38都算係咁但係個豬扒就真係冇想像中咁好食囉亦都冇令我有下一次想再食嘅慾望

2021年3月30日(二)早餐今日要出差，來天奴食個早餐，相隔二個月再來光顧，餐牌價格已上調，今次上轉新餐牌，比大家睇每次來都叫A10餐$38：香茅豬扒、牛油多士可加煉奶或可轉菠蘿包、煎蛋配通心粉、凍奶茶加$3今次的香茅豬扒比以往細片左，又薄左，味道一樣的好。通心粉是小粒裝，煮得剛好熱奶茶會飲到好大缺點：冇茶香、鞋口鞋脷所以今次改飲凍奶茶，凍奶茶的味道比較好，都是冇茶香，起碼鞋口鞋脷的感覺冇咁大。

〰️香茅豬扒飯 可以自己再揀其他餸，依度一碟揀咗腸仔、一碟蛋🥚汁都有唔同選擇，黑椒汁、蒜蓉汁、洋蔥🧅汁、茄汁、豉油汁等等～黑椒汁味道感覺夾啲🤨豬扒好大一塊！用香茅醃製過🤪咬落唔會硬😙🍆咁樣配搭睇落好怪，但食落去有驚喜。幾得意😎

難食到忍唔住要打我第一篇食評。先唔好講豬扒，我都唔明個炸雞髀公仔麵點解要變撈麵，仲要側邊整d蠔油喺度，濕淋淋又難夾。但係算啦，呢一間係一間豬扒餐廳。嗰塊香茅豬扒又薄，冇香茅味，仲要撈啲汁落去，明明已經係香茅豬扒，撈乜x嘢汁姐。個焗豬扒飯，個飯又冇炒底，定係唔知炒咗都唔覺有炒底，雖然個豬扒無骨方便食，但係個感覺就好似食緊豬扒味嘅軟糖一樣，又厚粉，一啲肉嘅質感都冇。如果係一間茶餐廳嘅水準來講都算啦，但唔可以話係一間豬扒餐廳。

基本上去親佢哋餐廳都係食豬扒飯今次心血來潮想試吓佢個豬扒麵下午茶😂😂平時嘅豬扒飯會有茄子同煎蛋但係豬扒麵下午茶就真係得個豬扒同埋面同條菜天奴除咗豬扒係佢嘅賣點仲有佢嘅辣汁雖然真係好辣但係真係好好食好惹味然後個面出奇地有少少驚喜😂😂佢嘅蒜味都幾濃 碗麵入邊仲有份量都唔少嘅炸蒜粒 令到你食每一啖麵都有啲炸蒜粒蒜頭控嘅朋友一定要試吓🙈事關今次係食豬扒麵 我將豬扒浸落湯度食有幾好食喎🙈🙈 係夾到嘅😋

呢間位於元朗豐年路附近既餐廳人潮擁擠，一位難求，我知道實有好西可以俾我焚化。店鋪主打豬扒，所以店名已經寫明係豬扒餐廳，唔通我要揀其他嘢食咩！？上碟後，我覺得搶眼既唔係件豬扒，而係件長形茄子。對於我呢d茄子控黎講真係一試難忘，件茄子煎完再拋油，口感一流。另外，豬扒配上豉油已經好好食，唔需要其他外在醬料。唯一要講既係飯唔夠送飯

想係元朗hea一個下午，天奴係不二選擇可以選擇坐外面或入面 秋風起嘅日子當然要係出面享受下午🍂係天奴當然係要點翻個豬扒飯(可選擇跟飯，意粉，薯菜，沙律)佢地嘅飯類係會有7種汁選擇粟米汁，蒜蓉汁，洋蔥汁，黑椒汁，咖喱汁，鮮茄汁，豉油汁)我個人就偏好黑椒汁同跟飯😆5星為滿分💥香茅豬扒蛋飯 (黑椒汁): ⭐️⭐️⭐️⭐️食後感：豬扒軟淋，大塊！雖然係碟頭飯，但係就落足心思配搭😋 不過豬扒略嫌油膩篤穿荷包蛋嘅蛋黃再用黎撈飯，正！個人覺得整碟飯嘅精粹係條茄子🍆 佢用咗豉油來煎，好香😋溫馨提示：🎈如果唔夠汁，可以問店員拎🎈同埋天奴有辣汁提供，同樣要問店員拎先會有，私心推介個辣汁，好夠辣👍🏻👍🏻用嚟點茄子同豬扒真係好正！

天奴豬扒餐廳最出名的就是豬扒!! 位置比較隱蔽, 但是經常坐滿了人!這次來食早餐!! 早餐選擇十分多! 價錢又合理!而且粉麵可以自由選擇, 種類亦算多, 有油麵、粗麵、幼麵等等比較特別的麵選擇!方包方面可以加錢轉奶醬多/奶油多!而腸仔煎蛋那些可以轉火腿/餐肉等等... 好多元化!早餐算是好抵食! 豬扒大大塊, 目測應該有手掌般大,  而且醃得好入味, 好好食!!!另外還點了炸菜肉絲米粉, 同樣好食!!!不過湯底來說就比較一般!

今次入到黎元朗試咗呢一間不嬲都好多人排隊嘅豬扒專門店！同朋友仔每人叫咗一份豬扒飯，一上菜嘅時候覺得塊豬扒已經好大塊而且飯配菜嘅比例都比較多！豬扒鬆軟好食最緊要係本人勁鍾意佢嘅蕃茄汁撈飯真係好好食😋

上網睇話元朗天奴豬扒食得下，豬扒好食，今日我又乜乜痕去試下，我第一次食，主要試下係咪真係掂話明豬扒，梗係叫豬扒啦，叫左香茅豬扒煎蛋飯少飯，豉油汁。叫豉油汁係因為我麻麻一pat汁，豉油好似簡約啲，同埋想食真啲塊豬扒凍檸茶，好飲喎，茶膽幾靚，澀得黎回甘夠冰夠凍，檸檬雖然得三塊，但厚身，絕對夠檸主角到，好快到，等左三分鐘左右，我唔知原來有茄子一睇茄子同塊扒，第一個感覺係油淋淋。食落呢，茄子食到成口油，淋patpat咁塊豬扒，全元朗好似都起哂朵....不過，冇肉味！係好淋呀，唔難咬呀，但感覺就係食緊野囉，肉香欠奉，係食到油香only塊扒夠大塊嘅，絕對食得飽。個飯呢，可以，算粒粒分明近距離影，油光充沛埋單$56 凍飲加$3，可能我評得比較嚴，其他人食同一碟飯可能會好評，但食野就係咁，每個人都有唔同口味同準則

久聞天奴豬扒靚，雖然是元朗人，但都從未光顧過，今日順路經過兼有時間就黎試吓A10早餐36蚊有牛油多士、香茅豬扒、火腿通心粉凍奶茶加3蚊星期日的早上9:30，全場爆滿，等一陣就有位，好多人都帶着狗狗來天奴食早餐，帶狗狗及食煙的顧客都會坐室外。牛油多士：室溫狀態，還有脆的口感，外脆內乾，如果是即烤攞出來，外脆內軟就完美了。香茅豬扒：大大件豬扒，厚實爽口，調味充足，不愧係招牌貨。火腿通心粉：通心粉不錯有口感，不會煮過時，不是軟淋淋的。凍奶茶：叫咗小糖小奶，沒有茶香味，有茶葉嘅苦澀味。喜愛的順序：香茅豬扒>通心粉>奶茶>多士

呢間係元朗都算好出名⋯ 星期六日⋯ 就算9點黎到所要等位😭湊住小朋友真係好難食到 因為今日小朋友要得面試⋯ 放自己一日平日仲唔即刻同老公去食返個早餐 ？😋😋唔好以為天奴出名豬扒就淨係食豬扒！佢地雞扒 同牛扒都好得架 係另外碟上既， 所以更正🤤真心好抵 $36 咁大塊扒， 去邊度搵呀 多士仲可以加煉奶🥰好甜 好肥 但媽媽表示好滿足😍

呢一兩日係咁心思思好想食天奴嘅豬扒飯 見平日人小小，冇乜人唔使排隊就去左幫襯下☺️每次去食我一定會嗌香茅豬扒蛋飯 $51有得揀黑椒汁 粟米汁 蒜蓉汁 洋蔥汁同粟米汁等等今次我就揀咗洋蔥汁 ，另一個就係黑椒汁。每次去一定嗌多汁👍🏻👍🏻比較推薦黑椒汁，同豬扒比較夾 洋蔥汁略嫌太酸。豬扒用香茅餣製過，好鬆軟好入味 亦都好大塊，茄子唔好睇落平平無奇，其實係用醬油餣過，加埋太陽蛋蛋汁撈埋啲飯好邪惡。 凍檸茶略嫌唔夠茶味🙈但係豬扒蛋飯補救返啦！去前大家留意番店家關門時間 係18:00 記住唔好摸門釘！

今日入咗元朗做野，知道元朗有唔少美食，午飯時間當然要搵下有咩好食，上網見到呢間天奴豬扒好出名。下午兩點幾去都仲好多人食，餐廳裏面差唔多爆滿，見到差唔多枱枱都叫豬扒飯，今日想食意粉，叫咗個香茅豬扒配意粉，豬扒大大塊，份量好足料，入口好淋身又夠入味，認真唔錯，最有驚喜係上面條茄子，我見網上好多人都有讚條茄子，果然好juicy好好味。全部午餐都可以選擇配飯或意粉，仲有好多唔同汁可以揀，今次試咗黑椒汁，下次可以試其他汁。

見好耐無吃豬扒飯，行過就去吃了，星期日出街吃飯，都好多人，門口有幾張枱，不用等太耐！這間餐廳，我會介紹豬扒飯配豉油，（有其他汁揀，但我喜歡甜豉油！😍）在鬆軟的豬扒加上甜豉油，茄子也好好吃，不會太淋,剛剛好，仲有一些椰菜）本身都無乜胃口，因為太熱，但這碟飯好開胃口！順帶一提，大家如果不趕時間，可以等裹面坐！因為坐外面，會一邊吃一邊留汗，雖然有風扇開住，但都是好熱！星期三休息的，大家星期三不要白行一趟哦！