咖吔

營業中

休息中

既然仲未有得去旅行，一於就去食馬來西亞菜當去當地旅行。今次就揀左位於北角匯咖吔，地點交通方便，座位又舒服，而且多款食物任君選擇。⭐️斑蘭咖吔多士$28烤得金黃香脆的多士夾上了斑蘭咖吔醬，香香甜甜。⭐️巴東牛肉配米飯$80燉得軟腍入味的牛肉粒配上香辣惹味的醬料，再加上炸得脆卜卜的花生及含有豐富鈣質的香脆小魚乾，絕對是一個不可多得的配搭。⭐️新加坡喇沙$82含有多種豐富材料例如：蝦仁、魚丸、魚片、豆芽、米粉、豆卜、長豆角、半熟蛋，湯底味道適中，不會太濃味，兼且飄出淡淡椰香。微甜湯頭襯上軟滑麵條，層次鮮明。⭐️牛油果五色米紙卷$56透明米紙包裹著顏色亮麗的新鮮蔬果條，如紫洋蔥條、牛油果條、青瓜條、紅蘿蔔條等，口感清爽，屬於健康小食之選。⭐️香茅青檸荔枝梳打清新飲品含有淡淡荔枝青檸香氣，不太甜。⭐️桔仔話梅冰原粒桔仔、話梅及青檸，酸酸甜甜兼能解膩，好好飲。

餐廳冷氣充足, 環境寬敞舒適, 有異國風情。對於有大玻璃, 採自然光, 可望開揚景致的餐廳, 絕對加分。下午茶選擇不少, 總有一款合心意。輕鬆下午茶 $62 + 10%1) 老街咖哩麵2) 香茅青檸荔枝梳打老街咖哩麵湯頭以椰香為主, 味濃有咖喱辣味。配料有鴨肉, 蝦, 魷魚, 芽菜, 豆角, 豆卜等, 每款少少, 積少成多。蝦肉略為老實, 豆卜索湯, 八爪魚爽口唔柴, 豆角爽脆。麵底為摻摻, 份量不少, 油麵和米粉比例得宜, 油麵粗身, 米粉爽身索湯。香茅青檸荔枝梳打最吸睛的莫過於大大支香茅如飲管般插在飲品中, 青檸梳打味道濃, 荔枝味道略薄, 整體味道不俗。