影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
放工喺北角搵野食去到北角滙就見到有間食新加坡菜嘅餐廳叫咖吔試過幾次印象都唔錯👍🏻就入去試吓啦✨檳城和牛蝦麵🐮🥩🦐麵好大碗🍜材料喺哂碗面，一目了然和牛有三大塊🥩🥩🥩每塊都啖啖肉，牛味濃郁蝦就開咗邊，共有兩隻🦐但蝦食落霉，仲有點彈牙碗內仲有三粒牛丸同埋四件豆卜豆卜好掛湯，索哂啲湯汁，好入味💦牛丸食落好重油味🍢應該係牛筋丸麵底好正宗地道，真係有兩個麵底✌🏻🍜🍜米粉同埋油渣麵湯底有濃郁海鮮蝦味🦐飲落唔鹹唔口渴👍🏻✨南洋白咖啡☕️要熱的🔥侍應好細心問多句有冇需要少甜熱咖啡嘅苦配埋榛子嘅甜🌰飲落好夾👍🏻餐廳內部唔算太大每枱之間都有點迫但餐廳內通風都好充足食碗熱辣辣嘅麵都冇流汗餐廳侍應好attentive👍🏻態度親切有禮上菜時會講菜式名稱同埋會好有心咁放喺食客面前👍🏻👍🏻服務水平一流餐廳內食客都多侍應都係密密手做
繼續閱讀
餐廳：咖吔地點：北角匯菜式：新加坡菜餐牌：午市套餐選擇好多，有好多款飯麵，配冷熱飲品，可以加錢升級飲品，設有加一服務費。新加坡喇沙 $88 另加一新加坡喇沙摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，都頗辣。配有去殼蝦四邊開邊，彈牙魚蛋三粒，同唔少魚蛋條，其他配料有半隻熟蛋，爽口通菜，吸汁豆卜4件，紫洋蔥絲同爽口芽菜，口感豐富。另配青桔一件同參峇醬。海南雞飯 $88 另加一海南雞大概有十幾件，半胸半脾仲有半隻雞翼，雞肉都算嫩，伴有4片青瓜，跟有大大碟三色醬汁。雞油飯大大碗，熱辣辣，好香。仲有一碗鹹香冬瓜雞湯。新加坡鹹蛋黃單骨雞翼 $32 另加一新加坡鹹蛋黃單骨雞翼一客四件，熱辣辣上枱，整得外脆內嫩，鹹蛋黃味十足。街頭雞串燒 $28 另加一街頭雞串燒一客兩串，熱辣辣上枱，燒得皮脆啖啖肉，撈埋個參峇醬微微辣，好惹味。伴有車厘茄半粒，洋葱絲同青瓜幾粒解膩。馬來芒果汁配芒果雪糕 加$12 另加一 馬來芒果汁配芒果雪糕有濃厚芒果汁面頭加上大大球芒果雪糕，芒果汁味道唔假，都唔會太甜。呢個價錢好抵。海鹽雪糕椰汁珍多冰 加$12 另加一海鹽雪糕椰汁珍多冰就係微鹹藍色海鹽雪糕伴香甜椰汁，直頭係一杯甜品。仲有綠色珍多冰加添口感。今餐食物質素幾好。呢度上菜快捷，座位舒適，平日下午茶時段都好滿座。
繼續閱讀
放假約好友《北角匯》吃午餐，環境舒適，有海景大玻璃窗。我們點左午市套餐海南雞飯$88配熱桔仔話梅水無骨雞肉很嫩滑配油香飯，配薑油、醬油、辣椒醬，米飯粒粒分明，吸收左雞的鮮味好好味。桔仔的酸甜與話梅的鹹香，飲後回甘開胃。海南雞飯$88配馬來芒果汁配芒果雪糕加$12芒果汁味香又甜，芒果雪糕清甜可口，口感冰涼。新加坡喇沙摻摻$88配熱桔仔話梅水有蝦仁、魚蛋、雞蛋、豆腐泡、芽菜等⋯椰漿味香濃湯底濃郁，配米粉、油麵口感不錯。
繼續閱讀
咖吔北角渣華道123號北角匯地下G09號舖經開北角，老友推介地道新加坡菜，環境舒適，食材新鮮，入去 Chill 吓先。😋海南雞飯雞肉新鮮嫩滑，口感鬆軟，無骨啖啖肉，米飯煙韌有飯香，加薑蓉、酸辣醬和醬油提升層次，必食！😻牛油果五色米紙卷即叫即製，配料新鮮，米紙鬆軟，天然好味，配香甜醬汁效果更佳。😍街頭雞肉串雞肉新鮮，口感煙韌，醃製得恰到好處！香辣醬汁開胃，青瓜洋蔥新鮮爽口，推薦！😽熱手工拉茶拉茶又香又滑，甜度適中。😸椰子斑蘭冰椰子又香又甜，班蘭味濃，飲完好舒暢。😙咖吔 環境舒適氣氛好，食材新鮮高質，海南雞飯米卷正，侍應服務態度好，還會再來。😎🤘
繼續閱讀
好友約我去食下午茶，我哋去咗北角渣華道123號北角匯二期地下G09號舖的<咖吔>，環境舒適，裝修充滿東南亞風情。我哋點咗：🥢海南雞飯 $72：海南雞的雞肉嫩滑又好味，配飯食一流。🥢牛油果五色米紙卷 $62：米紙包住牛油果同其他伴菜，清清甜甜，好健康嘅菜式。🥢大蝦青木瓜沙律 $72：青木瓜新鮮好食，撈伴菜做沙律，酸甜又少少辣，好惹味。面頭有開邊大蝦，蝦肉結實彈牙。🥢椰青 $28：新鮮椰青清涼好飲。🥢馬來芒果汁配芒果雪糕 $12：芒果汁好味，芒果雪糕好好食。
繼續閱讀