Spring field (已結業)

有好多朋友都極力推介我試呢間餐廳，所以我今日決定試一試。呢間餐廳唔算難搵，囍帖街隔兩條街就搵到 紅磚牆嘅底部配上日式嘅裝修，令呢間店舖別樹一格一入到店舖，已經聞到一陣陣嘅和牛香味。坐低再望望餐牌，幾乎所有款式都同和牛有關，仲要有中英對照，非常貼心 我就叫左一個澳洲牛丸牛肉雙拼河。叫完嘢食，抬頭一望，就見到佢有教張”高手教路”，構成客點樣享受每一碗和牛湯河麵一到，當然要跟足食法，先飲一啖和牛熬製嘅湯底。濃烈嘅和牛湯汁一剎那充滿整個口腔，再慢慢流入喉嚨 再將撕碎咗嘅香料，連同和牛河粉一啖入口。和牛既油香配上清淡嘅青草同青檸味，由脷尖滲到脷底，絕對令我一啖接一啖入口除此之外，我仲叫咗一份香草牛油蒜香雞翼。三隻雞翼炸成蛋黃色，表面再塗上牛油🧈 食落同雞翼嘅油分融為一體，充滿滿足感。再加上佢哋自家製魚露醬，特別野味 唯一美中不足嘅係，味道略為偏淡，如果鍾意食濃味嘅朋友就可能未必滿足😆整體而言，服務態度良好，我覺得凍嘅時候侍應就即刻閂細冷氣食物質素唔使講啦，和牛點會差🤤🤤所以今個牛年，你唔係唔食呀嘛？

以前係墨爾本既時候已經鍾情食越南河粉，果一種濃香而清甜嘅牛肉湯底令我成日都懷念。返到香港後一直搵唔番嗰一種味道，難得去開灣仔，知道有一間都幾多好評嘅越南餐廳，二話不說去試咗個午餐，睇吓水準如何。可能由於疫情嘅關係，本身細小嘅店舖因為社交距離嘅關係而移開左啲枱櫈，令到個空間都幾迫。呢間鋪主打澳洲和牛既越南河粉，今次試咗個澳洲牛丸牛肉雙拼河粉，另外再叫咗個牛油雞翼。值得一提嘅係，枱面上有一張漫畫黎教你如何食越南河粉，都幾貼心有趣。首先黎到試左個湯底，清甜得黎有好濃既和牛香以及香料味，陣係飲個湯已經知道黎個粉唔簡單。最有驚喜係個牛丸，非常彈牙同埋好有牛油脂既香，同坊間一般食到既牛丸好大分別。半生熟和牛都幾嫩滑，牛肉味都唔差。牛油雞翼都唔錯，外皮脆口，味道亦唔會太咸，配上自家制既魚露醬甜甜地，食落都幾夾。

四個人放工後想食個飯傾下計，但又唔想太貴，於是去左呢間幾有人氣嘅越南菜餐廳。餐廳主打越南河粉，價錢由$73至118不等，豐儉由人餐單我地主要都係叫左兩款河粉同埋一個小食，仲有一個季節限定食品（特濃日本雞蛋布丁）。講左個澳洲牛丸牛肉雙併河先，呢個真係食左一啖就明白點解會係店長推介。個湯底有濃濃牛味之餘，一d都唔油，而且清清地，食晒成碗都唔覺得膩而且個牛丸真係超！好！食！不但止更彈牙，仲要好多汁同好重牛味，令人諗起食神嘅「瀨尿牛丸」生牛肉都好味，唔會韌店長推介澳洲牛丸牛肉雙併河至於個鹿兒島黑豚肉濃豆漿冷河粉就係貪得意先叫嘅，個人覺得同想像中真係有d落差。就咁睇名，我以為係好似平時飲果d豆漿咁，甜甜地嘅。點知黎到先發現係咸嘅，不過都好香豆味但扣分嘅係d豚肉太肥，肥到食食下覺得個麵好膩，食到一半都食唔到落去了鹿兒島黑豚肉濃豆漿冷河粉個雞翼一黎係勁香蒜味，但食落係冇聞落咁重蒜味，要點側邊d汁先夠味香草牛油蒜香雞翼最後最令我驚喜就係呢個季節限定食品～個布丁充滿濃濃雞蛋味，配埋個淡淡咖啡味嘅淡忌廉真係絕配，一d都唔膩而且個布丁好滑，真係想食完再食特濃日本雞蛋布丁配自家製咖啡淡忌廉

友人早前吃過同集團的蛋包飯專門店，興致勃勃的拉了我來到其新開的和牛湯河專門店，兩所餐廳就在對面，店面都有可愛的動物標誌。座位約有廿個，分別有幾個向窗可欣賞街景的和幾個向開放式廚房的單人座位，還有數張供二至四人用的方枱。店內不算十分寬敞，但感覺簡潔舒適。一入座待應就準備好中英對照的點菜紙。友人點的招牌春園河先上桌，有半生熟安格斯板腱牛肉、慢煮牛肉條和蘿蔔粒，配料豐富，令人垂涎三尺。半生熟的安格斯牛肉不但賣相吸引，而且肉質嫩滑，牛肉味重。煨煮過的牛肉條入味鬆化，肥瘦比例適中。 我點了火炙半熟和牛河，賣相平庸，豈料大有驚喜。先嘗湯底，鮮甜濃郁，相信經精心熬製；河粉也非一般河粉，格外滑溜煙韌，單吃河粉也覺津津有味。當然不能不提主角和牛。起初嘗了少許安格斯牛肉就覺得好滿足，但再嘗和牛，的確不同凡響，令安格斯牛肉相形見統。火炙燒出牛脂香氣，肉質更柔嫩，牛香更突出。和牛份量亦十分足，有四至五大片。順帶一提，牆上除了有裝飾的壁畫，還有正宗食法的教學圖，我和友人都跟從指示，經歷了一次味蕾的層次享受。每桌都有教學圖所示的甜醬、是拉差醬和自家製辣芽菜。是拉差醬即是左邊的辣椒醬，少許辣，帶點香甜；芽菜則感覺新

今日去咗灣仔行街，行到去利東街嘅時候覺得有啲肚餓，就OpenRice搵吓附近有咩好食。咁啱俾我搵到呢一間食越南河粉嘅餐廳，喺正利東街隔離，所以就即刻去咗食飯。呢間餐廳唔係話好大，但係絕對坐得舒服。佢採用嘅係開放式廚房，所以可以睇到廚師喺度煮嘢食。佢個餐牌好似平時食日本拉麵嘅餐廳咁，可以俾你揀配料既份量，非常貼心我見到佢個火炙半熟和牛河寫着「每天限量供應」，應該好正，所以二話不說就揀咗呢個食，朋友就叫咗個招牌春園河。小食方面，我哋叫咗個香草牛油蒜香雞翼。間餐廳好貼心咁教咗我哋應該要點樣食，啲公仔仲好得意添我跟住佢個instruction試咗啖湯先，果然係好濃郁嘅牛味，同平時食開嘅越南河粉湯底好唔同。然後啲和牛真係超好味，其他餐廳嗰啲生牛肉湯河真係冇得同佢比。配料方面佢除咗有嗰啲香料之外，仲有啲白蘿蔔、同埋牛腩，不過白蘿蔔同牛腩嘅份量都係好少。呢個招牌春園河同樣都有生牛肉，令我仲陪左啲燒鴨。我第一次食一個越南河粉係有燒味，感覺都幾特別。呢個香草牛油蒜香雞翼配左佢自製嘅魚露醬，呢個醬入面有啲柚子，香脆嘅雞翼點埋呢個醬食真係幾正，不過佢好似煮得有啲唔夠熟，有少少生。個指引話可以點是拉差同甜醬食