咖啡灣 (已結業)

將軍澳人口愈來愈多，商場店舖也隨著人口而增多，我自己其實好少入來，但有朋友家住將軍澳，為左遷就朋友專程走到來寶琳既新都城中心晚膳，新都城有三期，我們來到第二期既'咖啡灣'，從遠處望過去已經見到門面好靚，內裡裝潢好別緻，觀其燈飾、牆壁、裝飾等都有著獨特既設計，清雅脫俗，舒適感加分海膽龍蝦飯~車士打芝士，珍珠米，伴以海膽，味道香濃，口感煙韌香蒜帶子義大利麵~意粉軟硬適中，帶子大隻彈牙，濃濃既蒜味加上微微辣味巧玫桂山雞翼~有三種味道甜酸辣，滿足晒我既口味藍碟葡萄水果茶~藍碟花蘊含很多益處，可抗氧化，美顏，護眼，促進皮膚彈力及骨膠原，真係要慢慢品嚐啦我呢位朋友相識十幾年，平時各有各忙，大家難得聚一聚，乾乾杯，願友誼長存永不過期本想試下個窩夫，但實在已經飽飽了，唯下次再來嚐嚐這個吧👇

呢晚睇完戲，同朋友諗緊食咩嘅時候，突然見到有間餐廳裝修得好夢幻，少女心即時湧現，朋友又想試吓，於是我哋決定食呢間啦! 入到去有靚靚裝飾同擺設，打卡就最啱。睇完 menu 之後，我哋決定先叫前菜同主菜，食完再諗吓食咩甜品。凱撒大帝沙律嘅沙律菜好新鮮，上面加咗沙律醬、麵包粒同煙肉，撈勻食令口感更豐富，唔錯! 櫻花蝦明太子煙肉意大利麵嘅意粉煮得剛剛好，夠彈牙，醬汁好惹味，食到粒粒明太子，鋪面仲有煙肉、櫻花蝦同木魚碎，撈埋一齊食會更香口，正! 香蒜帶子意大利麵有勁多炸蒜撒面，帶子都幾大粒，意粉炒得夠香，清清哋幾好味!本來見啲飲品同甜品都咁精緻，諗住食完正餐再慢慢嘆，點知啲主菜都幾大份，所以呢次試住甜食先。紅豆綠茶雪糕窩夫啲窩夫外脆內軟，食到蛋香又唔會過甜，熱熱嘅窩夫配上冰凍嘅綠茶及雲呢拿雪糕，冷熱交融，真係好滋味。題外話，食飯期間見到員工掃地，佢哋會推開啲枱櫈，小心掃乾淨每個地方，心裡不禁讚賞佢哋認真嘅工作態度。

友人新居入伙，搬了入寶琳，請我入去參觀一下。唉！有得睇冇得住，得個「恨」字，住宿對我來說的確是煩惱的事，但見友人有新居，也替她高興。參觀完新居，她便帶我去三個大商場逛逛，便順便覓食。邊行邊看，就被一間粉色的餐廳吸引了，加埋天鵝招牌，好有少女feel，襯晒我地，哈！餐廳的裝潢富心思，牆上掛了各式各樣的小擺設，如立體碟、以花為題的畫作、立體貼紙等，亦懸掛一些假植物。還有四處掛上數塊寫滿菜式的黑板，不單止色彩繽紛，還畫上菜式的解剖圖，很有趣！最吸睛還是門口的積木擺設，有旋轉着的幸福摩天輪、閃耀着的城堡、轉動着的風力發電機等等，好豐富吸引。餐廳正正方方格局，靠牆設有兩排沙發座配二至四人枱，中開則有七八張四人枱，而最入端就是水吧區和廚房重地。座位不少，而枱與枱之間有一定距離，出入方便亦坐得幾舒適。每張枱上已放有一本餐簿和一份春季特別推介餐牌。翻開餐簿，設計精美，每款菜式均附有相片，相當吸引，分別有湯、小食、沙律、全日早餐、義大利麵、飯類、漢堡和窩夫甜點，還有多款特色飲品，包括咖啡、奶類、紅茶類、特飲、梳打和其他飲品，仲有推廣的自家製水果茶。****************************

工作忙了一整天, 放工後馬上同家人去食個豐富晚餐。 最終選了Cafe Swan 咖啡灣。 屋內光線充足, 裝潢精緻, 比公司附近的小餐廳感覺更舒適, 地方更廣闊。 坐下來看了看餐牌, 馬上點了黑松露香菇忌廉湯。黑松露的味道香濃, 白湯的質地濃厚稠密, 每匙都是滿滿的菇肉。 之後點了前菜爆趣蜜糖芝士炸雞, 賣相一流, 炸雞外脆內嫩, 又長又厚的薯條亦炸得脆口不油膩。 最特別的是跟了三種醬, 蜜糖芥末醬、士多啤梨醬、泰式辣醬, 比起只點蕃茄醬更吸引。 主菜分別點了香蒜帶子義大利麵, 蒜香味滿滿, 少少辣, 為鮮味的帶子加上一重香辣, 義大利麵炒得彈牙, 令人食指大動。 另外點了北海道咖哩和牛漢堡扒飯, 日式的甜咖哩, 入口有點點的水果清甜, 配上滿是肉汁的和牛漢堡扒, 更是一絕。