8鍋臭臭鍋 (謝斐道) (已結業)

近排天氣忽冷忽熱，突然想去打邊爐，但又撞正星期五晚，唔想排隊等位，朋友建議去8鍋臭臭鍋食，我地收工黎到餐廳直入，唔洗排隊。8鍋臭臭鍋系一間台灣風味嘅火鍋，主打一人一鍋，有唔同嘅鍋底可以揀，例如招牌臭臭、臺式麻辣、芝士牛奶、香蒜等等，鍋底本身包埋丸類同蔬菜類等配料。肉類就有牛肉、雞肉、豚肉和羊肉可以揀，我地揀左香蒜牛肉同古早三杯雞鍋，另外再叫多2款小食，鹽酥雞和台式蜜味香腸。鍋底啲配菜嘅份量都好豐富，有娃娃菜、蜂巢豆腐、花支丸、蜆等等，味道不錯。另外每張檯上都擺有醬料，除左蒜、鼓油之外，佢地有豆板醬提供，鐘意重口味嘅朋友，可以試試。但湯底本身都濃味，就算唔點醬食，都好夠味。整體來講，如果唔想排隊，人數少又想打邊爐的話，8鍋臭臭鍋系一個唔錯嘅選擇，配菜份量足夠，鍋底味道濃，價錢亦都合理。

最近天氣越嚟越凍，好適合打邊爐，所以就揀咗呢間8鍋臭臭鍋試吓，佢係源自於台灣嘅，一人一鍋都幾得意😉 佢有好多款式揀，當然就有招牌臭臭鍋啦，我就試咗「芝士牛奶鍋」 🧀 🥛 「香蒜牛肉鍋」都好值得推介㗎 🥩 一個套餐包括左一個鍋同埋飯或者粉絲，個人就比較鍾意粉絲多啲，因為可以落埋係個鍋入邊😋 開頭以為芝士牛奶鍋會比較creamy，不過原來都唔唔會話太大陣味，少少芝士味都幾香，同埋難得嚟到食臭臭鍋梗係要另加埋臭豆腐啦🤣🤣 香蒜牛肉鍋就比較適合啲鍾意蒜頭嘅朋友啦，因為蒜頭味都幾重 🧄 一個鍋嘅份量一定夠晒，另外都可以加錢要台式飲品🧋 珍珠奶茶或者水果茶都有👍

好少行來呢條街，計上次食完鰻魚飯之後都冇來過。呢度門面唔太起眼，人客都唔多，如果冇人介紹都未必會來。我本身唔係大食，冇諗過要食火鍋放題，呢d咁樣一人鍋就啱哂我啦！多人黎食都可以跟據自己口味，滿足各人嘅喜好。每個鍋都係HKD115，可以跟飯/粉絲，今次我叫左個臺式麻辣鍋，麻辣湯好香辣，味道似足台灣食嗰d，餸方面都有起碼10款，當中都包括飽肚d嘅肉類，牛肉片，福州魚蛋等等，整體而言味道價錢都唔錯，CP值高！另外叫左香蒜牛肉鍋同金桔檸檬梳打，同樣好足料好好味😋8鍋臭臭鍋地址📍: 銅鑼灣謝斐道440號駱克大廈A座地下E舖.............................. 味道😋: ⭐️⭐️⭐️⭐️ 環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️⭐️

今晚同朋友聚會，黎打邊爐，試下一人一鍋，一上就可以食，唔駛自己整熟d野，好方便。朋友叫左沙茶牛肉鍋同香蒜牛肉鍋。佢地話唔錯。我同另一位都係叫番茄白豚鍋，因為唔想甘熱氣，揀個最多蔬菜既鍋，番茄湯都算濃味，份量岩岩好。我叫左杯香芋奶茶，好耐冇飲，滿足下自己。

呢晚去嘅8鍋臭臭鍋位於銅鑼灣謝斐道，主打台式一人一鍋，有成九種唔同嘅湯底，實有一款啱你。鍋物$112一鍋，味道唔錯，材料好豐富，一定食得飽。跟餐配飯／粉絲，亦可以加$12改配滷肉飯，大碗、好食！另外呢到亦有一般嘅台灣飲品，大概$30一杯🥤火鍋少不了就係豉油，呢到建議客人可以用三匙豆瓣醬/沙茶醬、兩匙豉油、一匙蒜蓉，用呢個完美比例調配出醬汁。跟住佢咁溝，的確又幾惹味！唯一一個比較煩嘅位就係佢哋嘅蠟膏比較快燒晒，成日都要侍應過嚟補，好彩嘅係侍應反應都好快😋芝士牛奶鍋（$112）娃娃菜、白豚肉、日本南瓜、心型魚豆腐、台灣貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃個人覺得自己食嘅呢個芝士牛奶鍋味道好香濃，配料亦都係我鍾意嘅！尤其是麻吉燒！沙茶牛肉鍋（$112）娃娃菜、牛肉片、米血糕、牛丸、心型魚豆腐、沙白、粟米、金針菇、炸枝竹、粉絲、鳴門卷、花枝丸、番茄、甜不辣、青豆角香蒜牛肉鍋（$112）娃娃菜、牛肉片、蟹籽丸、米血糕、甜不辣、牛丸、凍豆腐、粟米、金針菇、炸枝竹、粉絲、沙白、鳴門卷、翡翠魚豆腐、番茄粉絲／滷肉飯（跟餐）（滷肉飯 +$12）古法秘製臭豆腐（

今晚同朋友來左食台灣野，一人一鍋都只係$112再加一服務費，好平。我地6點幾就去到，仲尚算早，加上係平日晚，完全唔洗等位。我叫左個芝士牛奶鍋，上台時一大塊芝士已經放左係鍋中心，湯底幾creamy，撈飯食就剛剛好。豬肉、娃娃菜、金菇都唔少，仲有幾粒頁丸同年糕。 南瓜片放到最後食，吸埋啲湯底精華先食。🙊 個鍋仲有烏冬做底，非常落足料。朋友叫左個香蒜牛肉鍋。一上台已經好勁嘅蒜味，我地撈左個鍋幾下，發現全個鍋邊都係滿滿嘅蒜蓉，湯底亦好濃嘅蒜味，朋友表示滿意。入面啲牛肉都唔少，建議一開波就食左先，以防佢滾到老左韌左就唔好食。 入面仲有牛丸同蟹籽丸，唔錯。台灣野就當然要試下鹽酥雞啦（$42）。非常之熱辣辣咁送上台，個tray仲有吸油紙，唔怕食到油淋淋。 有好多粒雞，炸脆皮幾薄，唔錯。野飲我地今晚反而叫左熱飲，女生們懂的。🙊我要左杯熱盆栽奶茶（$30），呢個盆栽極度飽肚，朱古力味，有大量Oreo 碎係面，幾有口感嘅，但真係超級超級飽！好彩佢係紙杯裝，我地食完飯可以拎住佢一路飲一路行街。朋友就要左杯熱茉香奶綠（$28），所謂隔離飯香，個人覺得佢味道幾清新，食到飽再飲都唔怕濟。我地2個都食到飽到嘔咁

之前係尖沙咀已經試過呢間臭臭鍋 近排聽人講係銅鑼灣開咗分店就心郁郁去試下舖頭裝修企理牆上面擺咗佢地咁多間分店嘅相 台灣感覺即刻返曬黎由於我地之前已經點過招牌鍋 今次一於試下唔同野 嗌咗台式麻辣鍋同埋蒜香牛肉鍋  食臭臭鍋最開心就係佢每款都有好多唔同配料 加埋白飯或粉絲同野飲都只係$88 實在超值野飲除咗跟餐綠茶之外可以加$8轉台式特飲 我地就嗌咗金桔檸檬梳打 佢個金桔係帶少少鹹味 配上檸檬的酸相當開胃 啱曬我地要大刷一餐上野食了～第一個係台式麻辣鍋 相當足料有牛肉片、魚蛋、沙白、魷魚、金菇等等 每樣都有幾舊一啲都唔寒酸仲有公仔麵啱曬個辣湯底 我地叫咗小辣就啱啱好 香得黎又唔會搞到難入口之後就到蒜香牛肉鍋雖然一樣係牛肉做底 但佢地為咗配合湯底都揀咗啲唔同嘅配料 好似粟米 蕃茄咁就夾返呢個mild d嘅湯底 都係一個唔錯選擇～最後因為個鍋太足料 我地幾經辛苦先刷得曬 下次一於要試埋8鍋其他鍋底

星期一的晚餐時間，臭臭鍋店內有大量空位，唔洗排隊，店的位置都唔係在大街上，用餐當日覺得靜靜地，坐得食得好舒適。價錢劃一，一人一鍋，所以我地叫左兩鍋，每鍋都好豐富，好多野食，已經唔洗再加料，兩鍋都好食既，不過食到後段，就會覺得好多油，同埋都幾咸，食完仲會好口渴。黑麻油雞鍋呢個鍋其實好補，有老薑，枸杞，淮山，另外仲有雞肉，娃娃菜，金針菇，炸枝竹，鴨肉丸，米血糕，沙白，玉子豆腐，牛丸，台灣米線，味道都幾濃，重少少口味 , 好香黑麻油，米線索哂湯後好咸香蒜牛肉鍋有少部分配料同黑麻油雞鍋一樣，唔同既有，牛肉片，蟹籽丸，凍豆腐，粟米，粉絲等等，比黑麻油雞鍋冇咁重口味，但仍然好香蒜味，唔怕食完個口一陣蒜味既朋友可以一試

環境4分：間嘢地方好大好通爽，裡面D牆掛囇8鍋其他分店D門面相，同寫出主打菜加埋餐廳理念，夠簡單，可以畀四分。衛生4分：地方都打掃得OK乾淨，枱面有紙巾，筷子同匙羮，衛生唔錯可以畀四分。服務4分：樓面顆記落單上菜快手快腳，免費水添得夠密，服務可以畀四分。味道5分：1)     個香蒜牛肉鍋湯底蒜味好出，好濃，好野味。入面Ｄ料乜都打孖嚟，有甜味嘅粟米，魚蛋片同甜不辣炸蝦條，有健康嘅鮮紅蕃茄，娃娃菜，金針菇同其他雜菜，有彈牙嘅蟹籽丸，果個又鬆又爽嘅凍豆腐同啲薄片牛肉真係非常之咁好味，五分真係冇比多佢。2)     每個火鍋可以包碗白飯，又熱又香，Ｄ飯靚到好似係用日本米煲。3)     加錢打隻蛋落個鍋，乜都香滑囇。4)     台灣貢丸好彈牙。5)     烏冬一樣好夠彈。抵食5分：一人一百蚊唔使就可以响銅鑼灣區食個飽肚足料火鍋，雖然兩個人分一個鍋要加多客烏冬同台灣貢丸先夠飽，不過呢個價錢絕對超值，畀佢滿分。

在銅鑼灣及尖沙咀都有分店的台式臭臭鍋，今日天氣咁凍，滿滿的客人已經坐下來每人一鍋。好感恩同男朋友去到的時間都仲有位置！環境都唔錯，光猛簡單的設計，空間感都大，都有幾多張枱！樓底高、空間感好寬！調味料每張枱都有，可以讓客人可以自行調味（醋、豉油及醬料）飲品有好多選擇，我們點了：金柑檸檬紅茶🍋🍹及盆栽奶茶 ☕️好大杯！熱凍皆可！金柑檸檬紅茶酸酸甜甜，胃開之選！盆栽奶茶：香滑濃味，有粒粒如海澡口感的配料幾特別火鍋是一人一鍋，可以選擇不同口味！我最愛食羊，所以點了這個藥膳羊肉鍋 🐑🐑🐑大大鍋又香濃，冬天最適合囡仔，暖身保身之選好多配料：羊肉、豆腐泡、翡翠魚豆腐、粟米、蓮藕片、鮮淮山、素鮑魚、鳴門卷、金菇、冬菇、丸類、粉絲、莞茜、娃娃菜等等 ，足料豐富。羊肉有口感，唔肥又大片，唔羶又軟腍；粉絲入味又香滑，吸湯一流（一鍋跟一個主食，可選飯、粉絲、麵或星級轉滷肉飯）我同男朋友都選了粉絲鮮淮山：爽脆健康！更有粟米、蓮藕等等，蔬菜健康D藥膳湯汁香濃美味，好飲保身又美味男朋友食這個香蒜牛肉鍋🐃🐃大大鍋，好多材料又香喔！湯底清清的材料滿滿：牛肉片、甜不辣、牛丸、凍豆腐、番茄、沙白、蜆等等，好清甜美味的湯，材料