Table 18 Bar & Restaurant (已結業)

黎依度幫襯真係要一早訂定位，差不多每晚都 full booking，黎到食野仲要限時間交枱，啲野都幾好食，無辦法啦，都要忍吓架喇，但服務就認真一般 ~ 今晚有 45 分鐘食飯，之後就要還枱。七點就坐低左，時間仲早，所以無咩人，靜靜地，坐得開心又舒服。好，開始計時，倒數 ....嘉士伯生啤，免費餐前脆條，唔知叫麵包定係叫餅乾好，咸咸地，好脆囉，無咩特別，只係等野食時有啲野咬吓囉。Stella 生啤、嘉士伯生啤，冰凍啤酒，超解喝又透心涼 ﹗酥皮龍蝦湯，我都係鍾意無酥皮既龍蝦湯多啲，加酥皮對個湯既味道黎講無咩意義，掉塊皮落去，可以索味同埋令個湯極速降溫，但我較愛飲出晒煙又辣咀既湯。加左塊皮反而令個湯淡左，唔係咁好。可接受啦，但仍有空間再做好啲，味道未算最濃郁、質感未算最幼滑。焗芝士菠菜蘑菇扒，有菌頪既 UP 味，無處理好掉，菌味好搶，令到唔太食到芝士同菠菜既味道。SIZE 比想像中細好多好多，所以一放上枱，我心諗咁細兜既。香蒜蜜糖豬仔骨，好味燒烤味，甜甜地點埋個燒汁好開胃，肉質軟腍、但有趙口、肉味濃郁、醃得夠入味，幾好。好好味，一啲都無剩，剩返棚骨都要繼續損。黑椒安格斯牛仔肉蘑菇飯，必食 ﹗

唔係朋友講起, 我都唔知記原來睇兩次戲, 都係黎呢間食, 都係交響情人夢 無辦法啦, 呢間舖頭個格局又靚又舒適, 營業時間又長, 食物質素又有返咁上下, 所以一睇完戲, 不其然會黎呢間食~上次係食完先睇, 太旺場, 等左一段時間, 好彩趕得切未開場. 今次係睇完先食, 可以慢慢黎 黎到都9點幾10點, 過左人山人海既食飯時間, 唔使等位就可以入去坐 串燒羊仔柳伴螺絲粉鮮茄汁香蒜蜜糖豬仔骨 (宵夜餐)芝士忌廉焗菠菜鮮蝦及磨菇飯1) 串燒羊仔柳伴螺絲粉鮮茄汁羊仔柳有少少羶, 可能因為我少食羊仔, 不過都好嫰, 就算羶都好味~ 但感覺份量較少.2) 芝士忌廉焗菠菜鮮蝦及磨菇飯芝士味不足, 磨菇飯幾特別, 有四五隻爽口大蝦3) 香蒜蜜糖豬仔骨 (宵夜餐)宵夜menu有佢, 所以係平d~~ 雖然係骨食落好d麻煩, 不過d味幾正, 皮仲好少少脆, 少少辣, 幾惹味服務員都好有禮貌, 我地冇叫其他飲品, 佢地成日幫我地斟水~~仲俾我地見到服務員拎心太軟俾壽星女個緊, 唱埋生日歌, 氣氛好好