Umi

營業中

休息中

一直都好想試呢棟大廈嘅餐廳， 入到黎地方比我想像中大， 雖然天氣大霧，但個景仲好過食世貿餐廳。 lunch 唔算好多人， 俾我坐到窗邊位置。 ♡M5和牛壽喜燒溫泉蛋意大利飯 $148份量都幾大， 好多芡嘅飯， 記得要撈埋個溫泉蛋一齊食呀。♡火炙北海道帶子明太子意粉 $148帶子燒得好好味， 醬汁勁多午市有3款套餐， 我地覺得自選飲品都好吸引， 加上是日甜品個藍莓芝士蛋糕都幾大舊， 就揀左加$48， 其實加套餐幾抵食。♡香蕉朱古力咖啡香蕉味好濃郁， 真係有香蕉蓉係個底， 好rich 同creamy，唔錯。♡藍莓芝士蛋糕上面配nuts, 果乾同餅碎， 仲有一片橙乾做裝飾， 芝士蛋糕味道唔錯， 上層有藍莓醬， 呢個份量真係要2個人share 岩岩好。

Weekend去左銅鑼灣一間新開嘅cafe chill吓，加上今日勁好天，一路食野一路望住個海景，成個感覺好寫意好舒服🥰✨炸軟殼蟹咖喱蛋包意大利飯 - 原隻軟殼蟹插左喺蛋包飯上面，造型夠晒出眾！隻軟殼蟹香脆就梗，裡面都估唔到幾多肉👍而個飯都特別，因為比較少見係蛋包意大利飯，質感幾creamy，撈埋日式咖喱幾有風味😛✨自家手打和牛漢堡配脆香薯條 - 個和牛漢堡排超厚超巨，加埋面頭塊熱溶芝士好吸睛，一咬肉汁滿滿，配埋裡面嘅蕃茄醬同伴菜都幾fresh，食完唔會太膩🤤薯條都有誠意，食完個漢堡先食薯條都仲keep到咁脆😚✨宇治金時班戟 - 擺碟有驚喜！砌成左一個小山峰咁🥰雪糕球係紅豆味，裡面仲有粒粒紅豆，口感一流~抹茶芝士蛋糕好香濃，冰感十足，夏天食好消暑😋✨香蕉朱古力咖啡 - 飲到香蕉粒，朱古力味都幾出，但又唔會蓋過左咖啡味，整得幾出色😸✨靜岡抹茶豆乳 - 質感好特別，用左豆腐花去整，增添口感，抹茶味都濃郁，整體幾夾🤩