HeSheEat (銅鑼灣地帶)

營業中

休息中

來銅鑼灣食野，在地鐵站附近搵野食，見呢間都幾就腳，而且食物相片都幾靚，於是就來試食一下。【軟殼蟹西柚腰果杏脯橙醬沙律】有2件軟殼蟹，西柚肉，蕃茄仔，2種沙律菜，腰果粒，橙醬圍邊，橙醬係靈魂之一，撈埋沙律菜一齊食，有清新既味道，西柚肉好甜，軟殼蟹炸得鬆脆香口，整體好食！😙【HeSheEat漢堡】漢堡既牛肉有少少肉汁，上面有塊大蘑菇，芝士汁流晒出來，外觀唔錯，但對於我鍾意食漢堡包既人黎講，就覺得味道一般，冇驚喜果種，薯條比麥當勞大條啲，香脆，襯熱時食晒佢，薯條凍左就唔好食嘞！仲有沙律菜配埋，就健康啲啦！【帶子菠菜枝豆意大利飯】賣相幾好，3粒大帶子，軟綿綿，好食！菠菜汁味唔太濃，意大利米煮得岩岩好，口感仲比一些意大利餐廳好食好多，米既中間仲有少少硬硬地，就係我鍾意既咬口，雖然我地2個人都飽飽地，朋友只食少少，因為食完個漢堡都飽了一半，但意大利飯味道真係好好味，所以即使我飽，但都堅持食晒成碟飯，一粒都唔剩下。建議鍾意食意大利飯既人，記得要食呢個！😎😎【香蕉窩夫】焦糖香蕉幾香口特別，汁料有拖肥汁和花生醬汁，曲奇雪糕，窩夫整得都脆餅，好食！但我厭拖肥汁太甜，所以我點花生醬食，加埋雪糕一齊食，整體好

又到銅鑼灣shopping，一直都想去試試hesheeat。位置唔算難搵，係個小商場裡面。估唔到佢係open area，唔算大，不過冇加一服務費 等咗大約十分鐘就入得，見到好多人點burger，墨魚汁意粉，salad，雞翅，窩夫 menu~有sepcial set，飲品同甜品選擇都好多 ，而主食叫少款，不過都吸引飲品最快上，賣相係唔係好吸引呢 最上層大大舊cream，而底層則是滿滿cookie碎。唔攪拌先飲一啖，濃郁coffee味。我本身偏愛好甜好甜的coffee，攪拌之後將所有融合一齊，超好飲~不過美中不足係曲奇碎比較硬墨魚意粉上檯賣相靚，值得註意係上面撒咗少少辣椒干碎，最好先淋上適量檸檬汁攪拌。如果唔係一啖就食到好濃辣椒味。呢個真係用墨魚汁整成的意粉，而唔係某d餐廳煮意粉時加入墨魚汁。雖然食到嘴黑黑，不過墨魚汁意粉係我最愛的意粉 窩夫當然係我最愛甜品之一!香蕉上有脆脆焦糖，窩夫由於厚度啱好，上檯一段時間都能夠保持脆度。食窩夫一定要將所有材料~香蕉，雪糕，蜜糖&花生醬一齊食，夠甜，口感夠rich~

以前想食甜品總會諗起HeSheEat,但依加除左來食甜品仲可以來食午餐/晚餐，太好啦!同朋友行完街，抬頭望到hesheeat見肚餓就上左去食之前食過一次晚餐，覺得唔錯，所以今次再encore呢個沙律好正，d菜好新鮮帶子前後煎得好香，特登唔整得太熟令味道食落鮮甜同juicy味道好新鮮啊青蘋果味道唔酸，食落好清新個salad dressing幾特別係honey mustard來，醬落少少吊下味食落好滋味但又唔會膩墨魚汁魷魚扁意粉意粉好彈牙，味道炒得相當香口d蒜味好香加埋d魷魚好好食超鍾意呢杯飲品，除左有雪糕食杯飲品仲食到粒粒柚子肉，味道好清好香超好飲甜品時間到雖然病病地都唔理咁多啦！焦糖薄薄脆脆，同香蕉超match窩夫食落脆脆地，中間食落感覺柔軟帶點空氣感，食落唔會膩。呢個d士多啤梨醬味道相當出同好食，唔會過甜，微微酸味令到味蕾有點煥然一新之感，雖然食左d甜野，但完全唔覺得甜膩，感覺清新。落地玻璃感覺好開揚同舒適同朋友來食野吹水係一個好地方可以食埋甜品同飲下野

五一假期，一班好友齊齊係MCL JP睇《美國隊長3》 ，完場後行過去《銅鑼灣地帶》試試 人氣cafe~《HeSheEat》。傍晚6點零鐘walk in到，熱潮稍退下，唔單止唔使等，大家仲可以坐到別出心裁 嘅柵欄座位添！陣陣香味撲鼻而來，拿拿聲點嘢食lol~1.黑松露大蘑菇蘆筍意大利飯($118) : 黑松露菌味道濃烈 ，但意大利飯太濕軟，可以見到碟飯係出晒油囉 ！藏於碟底嘅大蘑菇，肉厚多汁，唔錯！2.炸魷魚圈配他他醬($69) : 厚厚嘅魷魚圈，酥脆香口，內裡軟腍 ，點咗醒胃嘅他他醬後，特別好味道 ！3.炸雞翼韓式辛辣醬($49) : 雞翼大大件，皮脆肉嫩，唔使點醬都好食 ！辛辣醬甜甜地，唔太辣！4.粟米餅配乳酪薄荷醬($49) : 粟米餅邊邊係脆脆的 ，內裡軟軟的，爽口好食 ，點咗清爽甜甜嘅薄荷醬 後，特別惹味 ！5.煎三文魚蕃茄寬條麵($115) : 三文魚肉質肥美軟滑，鮮茄寬條麵好美味 ！6.春雞藏紅花蕃茄意大利飯($118) : 加咗芝士，嗰飯特別creamy , 又有藏紅花嘅香味, 好好食 ！炸雞肶肉，香脆嫩滑 ！飽餐一頓後，意猶

靚靚媽咪壽辰及母親節將近，小肥就襯契妹未離港，搵埋佢幫手揀選合適o既禮物 。二人首站為銅鑼灣地帶，以極速九個字行完哂所有商店後，就順勢喺二樓間「HeSheEat」度食埋晚飯。可能商場內只有一間食肆，週三傍晚六點半前已全店滿座。年輕o既服務生極之有禮，不但冇催促我地落單，呈上咸點及甜品間更自動換上潔淨o既餐具 ，每位同樣落力好客。廚房為不同口味o既食客烹調獨特o既菜式，並於餐牌上以不同o既記號作出溫馨推介 。黑松露大蘑菇蘆筍意大利飯（$118）：濕潤o既意大利飯松露味清香濃郁，飯粒軟身得黎又不失煙韌，相當唔錯。藏於飯底o既大蘑菇好夠軟腍，不過兩口子都覺得可以咸多少少。炸雞翼韓式辛辣醬（$49）：雞翼本身炸得好夠乾身香脆，輕輕灑上燈色o既辣粉調味惹味得黎真係一啲都唔辣，點上伴碟酸酸甜甜o既醬汁效果反而不及就咁食好，小弟愚見，餐店其實可以考慮省去醬汁小碟。士多啤梨厚焗鬆餅（$55）：新鮮焗出黎o既鬆餅雖則厚身，但質感絕對鬆軟 ，不需點用糖漿其微甜芬芳o既味道已夠討好，配上酸酸o既士多啤梨雪糕反覺清新涼快，好有驚喜！香蕉窩夫（$55）：一樣係鮮製o既窩夫香脆甜美，配上曲奇雪糕食又增添份

上星期，同姊妹去左CWB行街，行街攰一攰，去左HeSheEat休息吓。今次排左一陣隊，算係好快，而且服務員態度好好。行入去時，就望吓其他人食啲咩，都唔少人食窩夫，心諗：唔通真系咁好食！！打開餐牌，發現尼間既甜品算是多選揀，樣樣都想試下。眼見咁多人食窩夫，於是同姊妹一人叫左一個。我叫左個香蕉窩夫。本身唔多食香蕉，但見到圖片中既蕉有啲特別，好似有層金箔系上面，就試下啦!一試之下，兩塊蕉真系畫龍點晴，蕉面系薄薄既糖，咬一口，先系脆甜，再夾埋蕉，又香又綿，令人一食就好鐘意。第一次試尼種口味，想一食再食。至於個餅，係原味，外脆內軟，食落口係鬆化既，配合糖漿或者拖肥，簡直系係完美。當雪糕慢慢融化，浸入個餅，香滑涼涼既口感都不錯。

成日聽人講hesheat好好味之前去過旺角個間食過，窩夫好好味。今日一於約吃貨姐妹去傾計食甜品。甜品主要由窩夫，梳孚里，心太軟，奶凍，飲品主辦。都有唔少主食。最有驚喜嘅甜品服務員一黎就要我切開比佢睇如果唔流心就再換個比你，讚!抹茶味道比我想像中濃，但如果係抹茶控，就合格啦。初食抹茶嘅人就會比較苦。抹茶味道甘醇而不太甜，感覺像明治抹茶朱古力。豆腐雪糕值得一讚，味道非常淡雅。就好似味嚐豆腐嘅香，完全無假甜成份。食兩球都得呀(ps.我不太愛雪糕)証明好好味呀。香蕉窩夫呢個就令我小小失望我係旺角食個間蛋香味極濃呢間嘅蛋香就差咗少少但都保持到外脆內軟香蕉上有一層焦糖曲奇忌廉就無咁出色，味道普通。不過有糖漿同焦糖漿，窩夫就點得色。唔開心嘅甜品奶凍-無奶又無朱古力味。微微朱古力味由朱古力脆脆帶出。再加上平平無奇嘅曲奇雪糕。失望

又到聖誕又到聖誕. 聖誕時節絕對係shopping的好日子. 係銅鑼灣shopping完. 舉頭望下有咩好食呢? 就望到銅鑼灣地帶一大個廣告... 拎住幾斤重. 好吧. 就上來試試.上到去差不多滿座, 幾驚又要再去搵過第二間. 好彩重有位唔駛等. 被安排坐到餐廳門外. 雖然感覺有點怪怪, 但幸好唔係只有自己一枱. 唔理啦. 醫肚最重要. 店員推介本月Special. 叫左個"燒美國牛肉胡麻醬沙律"$98. 將蘿蔔夾上牛肉及菜沾上胡麻醬一齊食. 牛肉又嫩又滑, 一d都唔un. 加上胡麻醬十分香口. 另一個主食我地叫左"黑松露大蘑菇蘆筍意大利飯" $118. 松露味好誘惑, 將芝士加係飯上. 個飯creamy得黎又唔漏喎. 由於太香食到差d停唔到口.  當然食個沙律同飯點又夠我地呢. 甜品先係主角XD本月Special有個的Cake Set (有四款) 朋友係古古力怪, 所以佢唔理就要左"法國朱古力"$60. 加$5可以連飲品. 叫左柚子綠茶沙冰.一向唔係古古力朋友的我, 諗住試下就好. 點知. 一食... 天啊... 好味呀. 之前都諗緊咩係"法國朱古力". 一食落同朋友一齊叫左聲"br

HeSheEat係長龍人氣甜品店好多人都知，但原來佢除咗甜品仲有正餐食！食完正餐，再食甜品，一條龍服務！呢日就特登同為食好姊妹lunch time殊出去銅鑼灣試下好唔好食～12：50去到完全唔洗等位！可能係大家都唔知呢度有得食lunch。Menu的選擇蠻多，主要係沙律、意粉和意大利飯之類，重有all day breakfast。不過冇lunch set...先叫左個clam chowder暖下胃。個湯底清清地唔太濃，蜆肉竟然係新鮮蜆，大大隻露，有少少海水味！有誠意！黑松露大蘑菇籚筍意大利飯一送上已經嗅到好香的黑松露味，risotto煮得軟硬適中。我哋起初冇為意大蘑菇個「大」字，以為係普通蘑菇意大利飯。點知食食吓在飯中挖到寶，竟然挖出一隻大蘑菇！超級驚喜！蘑菇厚肉好juicy~正！煎三文魚蕃茄闊條麵的三文魚煎得不錯啊！內裡的魚肉係粉紅色的，仍然保持到鮮嫩。三文魚加蕃茄，感覺好健康呢！最後戲肉食甜品，叫咗香蕉窩夫。個窩夫左右對稱，切開一半就可以同人share喇！香蕉上面有一層脆焦糖，雪糕係曲奇味，雪糕底下有crumble。配搭看似簡單但味道非常不錯！窩夫做得好鬆軟，外層有少少脆，製作時間控

上次約左fd係銅鑼灣sogo等，我早到咪自己行下先。行到一個好似幾up dup既商場，行行下竟然有間餐廳。見到個menu好多野食，下次一定要試下。終於去左。叫左士多啤梨hotcake，香蕉窩夫，檸檬班戟卷，曲奇奶昔，同埋mocha唔知咩。個hotcake好鬆軟，淨食有d好似蛋白既味，麻麻地，但點埋個糖醬就超香。香蕉窩夫，一放落黎好大陣香蕉味。上面層焦糖好脆。窩夫硬d，無乜味，要同香蕉一齊食。一定要點焦糖醬，好香。檸檬班戟卷，入面有檸檬忌廉。夠酸好開胃，正！有兩條，唔會好飽。曲奇奶昔，好creamy，夠哂曲奇味。好飲。mocha唔知咩(唔記得叫咩)，飲唔慣咖啡既唔好叫，好苦，苦到飲唔哂總結，好飽！！！！好好味。

我一向都是熱香餅的忠實fans,最近係Facebook睇原來除了平時快餐店薄薄的一種之外，還有一種是厚身Hotcake!正當我和朋友抱怨要飛到日本才可以一嘗厚鬆餅滋味的時候，朋友冷冷說了一句： 車，你想食厚鬆餅去HesheEat咪有囉！Oh還等我忐忑了這麽久！！！ 由於每人平均都要光顧一款食品或飲品，厚鬆餅是主打，另一款就試試香蕉窩夫吧！等呀等，反而是香蕉窩夫先上場，香蕉上有一層用火槍噴過的焦糖，入口的時候還是脆脆的，窩夫一切開就覺得不是平時食那種如格仔餅厚甸甸的質地，配上cookie and cream雪糕，一冷一熱很特別。而且食完也沒有飽濟的感覺，正合我意 ：)然後我期待多時的厚pancake終於登場了，等待的時間見到其他枱的客人似乎都很愛點這個，店員一直出餐 ：P新鮮的hotcake送上來時還冒著煙，其實食物新鮮就是成功的一半，今次點了士多啤梨口味就是怕太膩，畢竟看上去鬆餅好像有點厚，但一切開就發現自己擔心是多餘， 鬆軟的口感和濃濃的蛋香，完全是我想像中的味道！可能因為我對這個hotcake太多期待 ，所以才這麽大反應哈哈，但平心而論，這個pancake的確值得一吃

排左三十分鐘,其實比起預期中短時間眼見繁忙底下,侍應依然恩勤服務未入座心情已經大好凍Mocha $33喜歡食Häagen-Dazs 咖啡味雪糕的飲呢個就最適合不過,簡直是一球雪糕加冰打成.芒果熱情果沙冰 $38最怕沙冰未飲到一半已經變水,幸好呢杯不是. 熱情果同芒果都是味道濃郁,非常好!帶子 西洋菜 枝豆 Risotto $130只有雞湯味,失望!帶子 青蘋果 焦糖合桃 蜜糖芥末醬 沙律 $88非常普通的沙律,帶子雖然甜,但是只有一粒半,不值炸雞翼(韓式辛辣醬) $49雞翼炸得好,不會炸粉皮同肉分開而所謂韓式醬不過同泰式雞醬沒有分別香蕉窩夫 $52差不多每一枱都必叫的甜品香蕉上有燒脆的焦糖,配合薄脆的窩夫點上焦糖/蜜糖由於窩夫質地並不厚身,不會一整個口都是粉漿味.

很久以前在旺角站新開張的時候，就試過旺角站的甜品!到現在銅鑼灣開分店了，原來還有咸點主餐可以點! 那午餐晚餐又多一個選擇了^^和朋友在午餐的時候來到，決定點主餐再食飯後甜品~首先來到的是All day brunch (menu 不是叫All day breakfast~),可以選5,7或9種食物。那我大食妹當然是選9種吧! 哈哈。起初擔心"甜品店"的主菜會比較遜色，誰知道all day brunch真的是又睇得又食得!上枱時感覺很豐富，炸粟米餅非常搶眼，雖然咬感比較硬，但加入炸粟米餅的idea是挺創新的! 每種食物的味道都達標。有幾款我是特別喜歡的，包括: 重菇味的大磨菇和牛油果溶。All day brunch份量挺大，同朋友分也食得我飽飽的!主餐另外還點了兩款Pasta。第一款是墨魚汁魷魚扁意粉$95想不到原來是辣的，上面灑上了不少辣椒粉。因為不好辣，所以只食了一點。魷魚比較韌，如果多一點墨魚汁會較好。另外，已向店方反映加上辣椒仔圖案在menu, 那怕辣的客人(例如我) 就可以避免了~欣賞店方反應是滿友善和積極的另一款是Parma ham 芝士汁幼麵 $95麵的質地好像不是幼麵，反而

行街經過見到間野個名幾特別, fb見到有朋友食, openrice食評幾好! 決定試試! 真的不錯!食物選擇唔算多, 一張A4 size寫晒, 一頁係食物, 一頁係飲品! 不過睇見已經樣樣都想食 ^^6:00左右去到都要等位, 等左30分鐘! 係門口已經諗定食咩, 一坐低就叫, 好快有得食!鍾意冇限用餐時間, 不過食既時候都見到門口都有好多人排隊, staff唔會趕你走! 不過食飽都唔好意思阻住人! 哈! 

聽說, 這裏的甜品能攻陷少女心; 聽說, 這裏的咸點不比甜品遜色; 聽說, 這裏很多時候也大排長龍. 昨晚, 我終於跟朋友到這裏朝聖.6:45PM到埗未見人龍, 店內還有數張吉枱. 坐在這個以黑色鐵柱組成的 ‘高筒’內用餐, 很有自成一角的感覺, 正啊~還有個牛仔褲型cushion!Menu就是這兩頁, 有甜品、飲品、沙律、小食、意粉、意大利飯等. 我對很多款也感興趣, 由於menu沒有每碟菜的圖片, 所以也會望望附近客人枱上的選擇, 另外又從侍應端著的美食中取頭緒.總是覺得在這裏喝咖啡有點格格不入, 我該點些特飲、沙冰之類才能配合這裏的氣氛, 奈何...不能喝凍飲, 唯有來杯熱mocha. 拉花…在這些年頭似是不可或缺的, 若端來一杯平平無奇的, 客人很大機會感失望, 這就是「未打先輸」哩~ 整體味道不濃, 有咖啡的微酸, 入口偏淡, 朱古力的微甜到每口之末才突出, 兩者的味道在口腔內沒有停留得久.好香口! 一籃子炸薯條, 在大家還未想到要吃甚麼正餐時, 侍應端來這藍邪惡美食, 幾乎迅速被我們吃光! 每條薯條粗厚度均一, 還帶點薯皮, 灑上少許辣粉, 簡直停不了口! 即使不沾茄醬吃也