M3 Italian (已結業)

大鄉里既我少有搵食搵到黎沙田圍呀!!因聽說呢度有間隱世意大利餐廳, 價錢又相當大眾化, 是, 最重要係價錢大眾化, 即約埋亞妹黎開餐~~呢度沒有奢華既裝修, 沒有用上名貴既餐具, 但全埸約五六十個位置卻坐爆, 可想言之, 呢度既食物應該係有返一定既水準先有甘多人黎捧場, 我想我選擇對了...我還很喜歡餐廳播放既英文歌, 完全陶醉於美食同情歌中M3 Salad    HK$148先黎一個餐廳主打招牌菜, M3 沙律, 材料包括煙三文魚, 巴拿馬火腿, 烤雞肉, 凱撒沙律, 碎芝士, 炸麵包粒等, 沙律可以伴雲尼拿沙律醬同提子醋同食!!呢個沙律堅大堆頭同足料, 非常滿足, 食完已經飽左一半!! 整個沙律好用料都好fresh, 啱晒講求健康既一族~~啤酒煮蜆    HK$138很喜歡呢道菜, 蜆肉肥美又鮮甜, 食落辣辣地又有蒜香, 仲帶小小啤酒味而且不苦, 味道特別, 絕對令人想追食下去...鮮魷墨魚汁意大利飯     HK$138魷魚非常鮮嫩又唔靭, 而且仲整得幾香口, 墨汁飯軟硬適中,食落煙煙靭靭, 墨汁味又夠出又夠香濃, 非常惹味, 加埋最頂既火箭菜同食, 感覺好fresh呀~~不過食

香辣蒜片啤酒煮蜆， 一上枱個啤酒煮蜆勁香蒜味，初時仲以為用蒜片啲蜆就唔會咁新鮮啦，點知一啖食落口，蜆肉飽滿多汁，仲係好新鮮嘅蜆先至會有咁飽滿嘅，調味方面做啱啱好啦，辣辣地又夠蒜味再夾雜少少啤酒味真係連汁都撈埋啊，正。台式辣肉腸薄餅，餡料有意大利辣腸，菠蘿，燈籠椒，紅洋蔥同埋黑水欖，批底薄脆芝士豐富，辣肉腸微微偏鹹，同菠蘿啱啱好互補不足，加埋有我至愛既紅洋蔥真係好好食。鮮魷魚墨汁意大利飯，啲魷魚煎得好香，並無整到全熟，大約七八成既熟度，令中間仲保留住少少鮮嫩嘅感覺，雖然聽落你可能會覺得太生，但係食起上嚟嘅口感真係唔講得笑，真正做到外層煙靭，內層q彈既口感。墨汁飯夠香伴有少少芝麻，不過記住食完要抹嘴啊，如果唔係就好似中咗毒咁架啦，另外仲鍾意佢面頭啲火箭菜，令到成個飯都好refreshing。美國牛柳配香煎鵝肝，鵝肝煎得好香，特別鍾意佢面頭紅色切成細細既丁粒，酸酸甜甜，味道就好似法國紅酒燉梨咁，同鵝肝好夾，不過如果個鵝肝再大塊啲就好喇。牛柳嗌咗medium well，肉嫩多汁，超值。朱古力心太軟伴雪糕， 任何主菜加70蚊都可以升級做set，會有多一個湯，麵包同埋甜品。甜品我就揀左朱古力心太軟

沙田去得多，但沙由圍卻真是第一次去，若果不是跟同事去探望好友的BB，應該很少機會會來這裡覓食。好友推介的M3 Italian餐廳位於沙田圍鐵路站附近，交通非常方便。餐廳晚市開6點，大約5時半離開好友家到附近超市逛逛時，已見到有食客在等開門。逛到大約6時半左右，我們就入餐廳就座。幸好預先訂了枱，不用等，因為去到7時左右，已坐無虛席，而且大部分都是一家大細前來，所以十分很熱鬧。餐廳環境算寬敞，如同事所形容，有點像舊式扒房的佈置一樣，帶點懷舊的感覺。由於午餐吃得太飽，所以晚餐選擇以輕盈為主。鬆軟的餐包蘸上橄欖油及意大利黑醋一起吃，非常開胃。飲品方面，我點的是Carrot Juice，飲得出沒有溝水/糖水，很濃稠。而同事點的則是酒精飲品 - Cocktails Mojito，清新的薄荷味很fresh，而且味道甜甜地，很易入口。整碟沙律菜都飄著芒果香氣，沙律菜新鮮爽脆，醬汁並非一般的沙律汁，而是用新鮮芒果果蓉混合乳酪，所以質地十分杰身，而且很香甜。大蝦方面，所採用的是冰鮮水晶蝦，雖然肉質很爽口，略嫌鮮味欠奉。有時在家開大食會或出外野餐，parma ham配哈蜜瓜是其中一款小食常客，因為做法方便快

平時好少黎呢區,今日咁岩黎呢度探病就順便黎呢度食下好野~兩個人叫左四樣野,非常非常之夠份量~!西班牙燒乳豬配煙肉椰菜及青蔥薯蓉 - 真係無語倫比,個皮脆到呢,好似薯片咁,D豬肉仲係好滑好滑,一舊可以滿足到唔同口感~凱撒沙律配煙三文魚 - 本人好鍾意食煙三文魚,呢個沙律o既煙三文魚份量真係超多~加埋d生菜,好快就ko左個沙律><香辣蒜片啤酒煮蜆 - 未食過用啤酒煮o既野食,今次係第一次,但原來又幾得意,d蜆煮完之後比冇用啤酒更加甜,冇砂o既蜆食得更加暢快~薯仔麵糰配辣肉腸及巴馬臣芝士 - 超好食!之前食過o既薯仔麵糰都飽到飛起,呢個由於佢用左d甜甜地o既sauce炒,好開胃之餘粒薯仔麵糰仲脆脆地,d辣肉腸都好好味,成碟野份量岩岩好~

平時好少黎沙田圍,但今日接人放工,又放得早,就黎呢間西餐試一試~入到黎環境非常之唔錯,坐得好舒服,一D都唔迫,又比較靜,好岩食飯傾計~兩個人叫左三個starters, 第一樣叫三式普切塔,個名唔係好知點解,但其實係多士上面加上各種o既配料,包括蕃茄莎莎,煙三文魚他他同羊奶芝士,本人超鍾意食羊奶芝士,呢度o既羊奶芝士"羊"味十足,仲有少少溶,加埋個包超好食~凱撒沙律配煙三文魚 - 煙三文魚份量絕對唔少! 羅馬生菜都好新鮮~再加上個sauce,成碟沙律好新鮮,煙三文魚好原好好食~香辣蒜片啤酒煮蜆 - 一上菜o既時候已經聞到好香o既啤酒味~蜆肉都非常新鮮,加上辣辣地,會愈食愈想食~用啤酒煮呢個方法真係好特別!薯仔麵糰配辣肉腸加巴馬臣芝士 - 平時好少食薯仔麵糰,因為唔係度度都會整,呢度用左辣肉腸去煮佢,甜甜地,好好o趙,令本來冇咩味道o既薯仔麵糰成為左一碟美食西班牙燒乳豬 - 呢個係全晚最好食o既一道菜,皮燒得非常之脆,好似食薯片咁!但裡面o既肉仍然好軟滑,亦好夠味道,份量非常之多,值得再試~!