Crepe Delicious (Urban Cafe)

營業中

休息中

放咗工同事黎chill下，日日行過都唔知呢度原來有扒食。諗住兩個女仔叫一個扒一個意粉share，再為食叫個Crepe做甜品。千算萬算計漏左個扒會跟一客份量都幾多嘅薯條，好彩個薯條係我地鍾意食嘅粗直薯條，仲炸得好香脆內軟，飽住都食得哂～肉眼扒真係不宜太熟，基本上次次叫5成真係剛好。好有炭香味，好juicy好淋，呢個安格斯肉眼扒有扒邊肥膏，令個扒更香～最初以為香辣鮮蝦意粉寫住Spicy會好辣，原來只係有辣香，反而茄汁味重，掛汁好靚，蝦有成6隻，好味～黎呢度梗係食個Crepe啦，紅豆抹茶忌廉可麗餅同頭先食嘅扒同意粉一樣，賣相都好吸引。不得不讚抹茶味真係好濃，即使有紅豆蓉同cream，都搶唔走抹茶味，餅皮濕滑帶蛋香，我地揀左榛子醬雪糕配搭，榛子醬濃而唔會太甜，榛子控抹茶控必食。

Staycation check-out完第二日1點幾喺灣仔區周圍搵野食，最尾行左黎利東街😌。純粹見到呢間有位又坐得舒服就入左去🤣。雖然呢到係crepe專門店，不過想食飽肚啲所以無試到佢既甜品😂…有機會再包膠😝！🔅香辣鮮蝦意粉 ($138)意粉唔會好細碟，啱女仔食👍🏻。鐘意佢有爆左啲蒜蓉好香，又唔會話好辣。意粉軟硬適中，蝦都夠彈牙，不過可以再入味少少😝。🔅Puff Pizza (腸肉蘑菇) ($98)第一次試酥皮既pizza，啱啱焗起既酥皮真係好香好酥脆😍！我覺得比普通既pizza餅底更好食😂。芝士唔會好漏，都幾多腸，反而菇就唔係好覺有😂。雖然pizza唔係好大個，但都幾足料所以夠飽肚。💬有加一服務費，不過服務同環境都唔錯，所以值得俾既👍🏻。食物都唔錯，最重要係puff pizza真係令我呢個唔好pizza既人都想再encore 😂 🤤。