正宗上海生煎皇 (已結業)

是日同朋友黎旺角食個便飯，係ig見到好多明星幫手promote呢個6色下海小籠包，所以就黎試試佢。先俾大家睇下個餐牌，6色小籠包係由6種唔同既海鮮造成，小籠包既顏色應該同海鮮冇咩直接關係。送到上黎，賣相差少少唔緊要，但食落去皮唔薄同埋有點乾都唔緊要，裹面豬肉同海鮮既比例應該係10比1, 每個小籠包入面可能得一兩粒海鮮，係你食左都唔覺，同埋都冇咩鮮味，之前食佢既芝士小籠包都覺得幾有驚喜，今次真係得個驚字。好彩，佢都有其它食物搭救，呢個糖醋排骨都算係幾好味，有屋企餸既味道，不過就咸左小小，要配飯食。而呢個香酥餅皮都好酥化得黎鬆軟，入面配左肉鬆同埋芝士，呢個組合好難唔好味。呢個故事教訓我地，Gimmick野都真係唔好盡信！

已經食過n咁多次，今次稍稍失準喎🤔生煎包係必食($32/4個），皮厚度剛好，上面軟，包底煎到香脆，輕輕一口咬好啦，d湯會流出黎會辣咀。香酥餅已經食過廿次，咩combination都試過，最後發現我至愛係肉鬆火腿，芝士係好正不過太膩口，次次淨係食到半塊🙄點解話今次失準呢？因為個酥餅好硬，咬到牙都軟🙊。黑椒雞扒菜飯亦係常叫item，好多汁，有d甜甜地好似用蜜糖煎過，加上黑椒調一調味，開胃！個雞扒本身都夠嫩👍🏻希望下次再黎個水準會提升番啦👯👯

一行四人，7點左右黎到，店舖面積小，等左十分鐘左右就有位。我地冇叫套餐，全部都係單點小食，希望可以試多幾款。第一樣必點既就梗係生煎包，熱辣辣，個包底仲有小小脆。生煎包足料多汁，一咬落去就有D汁流出黎，正!灌湯小籠包就唔夠灌湯，肉料足夠，但未夠JUICY，冇話同出面上海菜館既有太大分別。雞絲粉皮好食，個醬汁味道夠香濃，將雞絲同粉皮撈埋一齊，真係一碟食過番尋味既冷盤。另一碟冷盤涼拌青瓜海蜇，青瓜橫行，得個幾條鋪滿蒜溶既海蜇擺面，味道較淡，有微微辣。炸排骨味道普通，完全冇特別，同埋我覺得有點兒細碟，依碟唔太抵食。最後一樣美食就係香酥餅，我地揀左芝士配肉鬆，剪開左四份，份量剛好。用料足夠，鬆脆可口，芝士配肉鬆是好味道的。最後每人叫左一杯豆漿，埋單都係每人$60，雖稱不上完全飽肚，但都足夠。之後再起行加多碗糖水，飽晒。