正宗上海生煎皇 (已結業)

一行四人，7點左右黎到，店舖面積小，等左十分鐘左右就有位。我地冇叫套餐，全部都係單點小食，希望可以試多幾款。第一樣必點既就梗係生煎包，熱辣辣，個包底仲有小小脆。生煎包足料多汁，一咬落去就有D汁流出黎，正!灌湯小籠包就唔夠灌湯，肉料足夠，但未夠JUICY，冇話同出面上海菜館既有太大分別。雞絲粉皮好食，個醬汁味道夠香濃，將雞絲同粉皮撈埋一齊，真係一碟食過番尋味既冷盤。另一碟冷盤涼拌青瓜海蜇，青瓜橫行，得個幾條鋪滿蒜溶既海蜇擺面，味道較淡，有微微辣。炸排骨味道普通，完全冇特別，同埋我覺得有點兒細碟，依碟唔太抵食。最後一樣美食就係香酥餅，我地揀左芝士配肉鬆，剪開左四份，份量剛好。用料足夠，鬆脆可口，芝士配肉鬆是好味道的。最後每人叫左一杯豆漿，埋單都係每人$60，雖稱不上完全飽肚，但都足夠。之後再起行加多碗糖水，飽晒。