TAP The Ale Project (已結業)

之前聽說他們的旺角店因加租結業覺得好可惜，今日突然在南豐紗廠見到原來他們在這裡開店了！之前只有在他們旺角店飲酒，這次終於可以試試他們的佐酒小食。飲品叫了一杯話梅味手工啤和一杯Dirty，一飲真係飲到忌廉和話梅味，很少在手工啤飲到這種口味，相當有趣。喜歡飲甜味啤酒的絕對要一試，但飲到尾時覺得有點太甜。Dirty來說份量有點細，但啡味不錯。食物點了Cajun炸雞翼、椒鹽浦BOY（炸蝦三文治）和馬來肉骨飯（肉骨茶risotto）。雞翼不過不失，以炸雞翼來說不算特別出色，如果內裡的肉汁再多一點會更好。炸蝦三文治的醬汁是我喜歡的，好特別。肉骨茶risotto真係第一次見有餐廳做，係做到果個感覺，帶甜的，配搭有酸味或苦味的手工啤應該比較好，我剛好點的是偏甜的手工啤變成甜撞甜。下次會再試其他小食同手工嚟。

呢到嘅環境真係好適合黎chill下飲下啤酒吹下水✨唔鐘意飲手工啤 都仲有咖啡,茶,梳打😚除左啤酒夠晒特色 三文治,意粉,飯都好有創意 好fusion💓+$20仲可以配薯條/沙律/湯 同埋野飲😋.椒鹽浦Boy🧂 $48/half我好奇怪 食包最愛就係好硬好乾 法包好啱我心水🤤menu寫住啤酒醬炸蝦🍤但係食落又唔太覺有啤酒味🤔可能比啲面頭啲參巴蛋黃醬蓋過左？所以連椒鹽味都唔太出🙈個醬有少少辣🌶配炸蝦又幾夾😝包餡仲夾住啲紫椰菜 豐富左口感 仲清新啲🥰不過如果佢唔撈沙律醬會好啲😳因為面頭啲醬已經好濃味🧐.吐司雞🍞 $48/half西多士就食得多 但係冇諗過可以配炸雞🍗炸得好脆卜卜 一啲都唔油😍雞肉都好滑👍🏻西多士唔似茶餐廳嗰啲 反而有啲似french toast🍞感覺健康啲😎面頭舊介央牛油 味道甜甜地 幾特別🧈原本唔知佢隔離嗰兜係大麥麥芽糖漿🤣但係我勁鐘意佢個味 係維他麥精嘅味道🤩.美心蒜牛意🐮 $88個意粉炒得幾香 不過油左少少🤏🏻啲蒜蓉同辣椒皮都幾多 食落好夠蒜味同埋都幾辣下🧄🌶️佢面頭嗰啲係心內美蘿蔔絲 第一次食🤣個味甜甜地似唔辣嘅紫洋蔥🧅撈埋意粉一齊食 可以解膩😛牛肉片份量夠多 但係冇乜

通常行過南豐紗廠都係下午，今次終有機會夜晚過黎飲返兩杯CHILL下～位於文創區，有別於一般小清新Cafe，相反以手工啤酒為主打！由於疫情關係入座前要探熱，座位都有加上隔板。MENU上各種食物名都充滿玩味，同埋其點FUSION既感覺。小食選擇多，以及可以選食物份量(HALF/ FULL)。叫少少送酒傾計又得，叫多D食飽佢又得。🔸黑白芝麻蝦多士 $68芝麻的確勁多，都幾香口。餡料部分唔太食到蝦肉/蝦膠，只食到多士。🔸椒鹽浦BOY $48/HALF個樣睇得下，法包夾住炸蝦。MENU上聲稱係啤酒醬炸蝦，但唔太食得出有特別。係炸得幾酥脆既，無亦都無乜椒鹽味。好彩只係叫左HALF。🔸馬來肉骨飯 $88叫之前無上網睇相，咁就中左伏。大安主意以為會有D肉，點知得一條...煙肉。上菜個時真係呆左...不過意大利飯方面都OK既，係有少少肉骨茶味，但唔會話好好食。食物賣相都PASS啦，但味道較為一般，同期望有落差。我諗都係FOCUS返飲品會好少少。一般手工啤由$4X - $3XX不等。由於太多種啤酒，直接問員工介紹會比較快捷。個人比較鐘意飲甜D、果味重既，於是介紹左一款未on list既新啤酒，所以都唔記得