蘇媽.蘇媽馬來西亞茶餐室

營業中

休息中

相信大家都有好一段時間無去旅行🥺 唔知有無人好似我咁，時不時鍾意食吓其他國家嘅菜式，當去咗一場短trip😮‍💨今次係我第二次嚟蘇媽食嘢，對上一次見到隔離枱食呢個老鼠粉已經覺得好吸引🤤 今次就一於試吓佢！配料十分之多，有大量肉碎、魚乾、蝦乾同豬油渣等等😋，而所謂嘅老鼠粉就係銀針粉，配料多之餘，仲有一隻生蛋喺中間，將所有配料撈埋一齊趁熱食，好香口好惹味🤩 特別鍾意佢啲蝦乾，令到成煲粉都有好香嘅海鮮味！呢個多士亦係呢度嘅招牌菜，上次試過之後一試難忘，今次決定再encore多次😚 多士上到嚟熱辣辣脆卜卜，一定要趁熱食！內餡嘅咖央都幾厚下，充滿咗椰香味，仲有薄薄哋嘅牛油係入面，好邪惡但好好味🤪心郁郁突然間想食串燒，嗌左3串過吓口癮，3串盛為$45，絕對唔平🤭 而且每串都幾細份下，性價比就唔係好高啦🙈 而且肉質唔算特別嫩滑，不過值得一讚嘅係佢個沙嗲醬，都有幾多原粒嘅花生喺入面，沙嗲味好濃郁，好香口，仲有淡淡嘅椰香味！🔸椰汁斑蘭冰 $33而嘢飲方面，我嗌咗杯椰汁斑蘭冰，由於比較少嘢飲係斑蘭整，所以都幾吸引到我試，見呢杯野綠綠哋色都幾靚仔，點知飲落極甜🥲 同埋唔係好飲到斑蘭味，得個甜字😥🔸馬來西亞拉茶

呢間蘇媽.蘇媽真係好受歡迎，見唔少youtuber & foodie 極力推薦！不過亦有人話名過其實、大叫失望🤭 評價好兩極，都唔知信邊個好🤔 所以我今次決定同條佬過嚟試一試幫大家解答疑問🤣一嚟到發現蘇媽.蘇媽喺同一條街開設咗兩間舗，分咗A&B舖，兩間舖之間只係相隔一個舖位，係無互相打通嘅👀 我就直接入咗去A舖😸❤️ 辣死你嗎 配仁噹牛肉 $58辣死你嗎係直譯 Nasi Lemak💁🏻‍♀️ 一碟有好多配菜，有仁噹牛肉、椰漿飯、青瓜、花生、乾魚仔、蝦片、蛋，仲有參巴醬！Menu上有標示一個辣椒仔🌶️，我就覺得辣嘅程度屬bb辣🙈 唔知係咪要迎合香港人囗味呢？如果個仁噹牛肉可以再調味重啲，辣啲就好喇😎 肉就得兩嚿，其餘都係牛筋。個椰漿飯落咗少少斑蘭，所以變咗綠色。至於味道都係屬於淡味，無乜椰香。參巴醬就幾重蝦味且一啲都唔辣，同我以前食開嘅唔同。個蝦片嘅蝦味就好薄弱喇；花生&乾魚仔就幾香口；蛋屬普通烚蛋。青瓜個樣好似一早切定咗，放咗喺室溫好耐咁，所以無食😗好食度：⭐️⭐️✨ (2.5/5)❤️ 馬拉沙嗲串燒 (豬/ 牛/ 雞) 6串 $85 沙嗲串燒只要係個醬ok嘅話多數都好難會難食！而呢個醬係完全合格

$28~椰香咖央多士，並非普通茶餐廳多士，夠脆，多料👍$45~馬拉沙嗲串燒(3串)，夠香，入味，三款肉都有，沙嗲醬濃郁👍$48~百吉地肉骨茶(猪腳彎)，肥瘦適中，肉骨茶無限添加，湯夠熱，他們是馬來西亞風味的肉骨茶👍$55~檳城白咖哩麵，有蝦，有雞蛋，有猪紅，有魚旦👍幾年前由深水埗食到荃灣，呢間做得很成功，值得排隊是有原因的，價錢實惠無需加一，食物質素有水準，份量適中不會將貨就價，肉骨茶無限添加，環境特色設計獨特。

「蘇媽 ﹒蘇媽」馬拉文就係解「甚麼都有」，所以店舖提供唔同正宗嘅馬來西亞菜式，部份材料嚟自原國，務求做到原汁原味🇲🇾店內設計復古懷舊，富有傳統馬拉風格。 即使開咗分店，店外都依然出現人龍，大受街坊歡迎👍🏼💗無限添飲肉骨茶肉骨茶加咗20款藥材煲足兩個多小時，尤其當歸味最濃烈，湯頭微暖唔算太熱，充滿藥材香，茶底濃但冇苦澀味反而有回甘，藥材味已經比馬拉個d已經淡咗少少。另外帶d豬肉嘅鮮甜味，飲落香醇順喉🍲💗百吉爹肉骨茶大雜錦 ($145)有齊5款肉類，棒棒骨炆到骨肉分離，肉質偏瘦不過都幾淋，豬肉味濃，食到絲絲嫩肉🍗；豬手帶皮，筋位口感爽脆富骨膠原，佢係唔係屬於炆到軟冧個種保留咬口，挑剔嘅係仲有d豬毛；三層肉食落較鬆化帶油香，肥脂同瘦肉比例係1:3，已經相對較瘦🐷；豬肚好新鮮，食落爽口彈牙，清潔得好乾淨所以冇羶味；雞腳唔會煲到軟爛，由於彈性十足要花時間下，呢個好睇個人喜好，悲傷小姐就係鐘意呢款有嚼頭嘅🐥。將辣椒碎、蒜蓉、黑豉油同頭抽拌勻後，用嚟配肉食更惹味🧄底下加咗吸湯一流嘅豆卜同金菇🍄呢款仲送油炸鬼同響鈴，好可惜係冧哂一d都唔脆。呢鍋湯冇原裝肉骨茶咁重藥材味，多咗一份肉嘅甜味，味道比易接受，

前一晚看了電視介紹, 今天放假專門來一試。最有驚喜的是串燒, 肉質不錯, 而那個醬汁濃而不辣, 怕辣的朋友也可一試。那個辣死你嗎仁噹牛肉飯比想像中好吃, 不過是絕對不會辣死你。喇沙米線則見人見智了，我個人還是可以接受的，但那種酸酸辣辣的感覺不是每人受得了, 怕辣的朋友請慎點這個。整體感覺是被電視節目吹大了，質素是可以的，但如果算上路途因素就不太值得encore了。順帶一提店中環境有些特色,但空間偏小, 而且冷氣不足, 在意環境的小伙伴們要注意一下。

主打馬來西亞菜式，有肉骨茶、粉麵飯、小食、飲品，連甜品都有😀總店係深水埗，綿羊幾次經過都見到門口好多人等位😢終於佢係荃灣開左分店，趁佢岩岩開未係好多人，綿羊就即刻去食左次😃----------百吉爹肉骨茶 $46配唔同既肉係唔同價錢，綿羊揀既係一字骨🙂其實綿羊覺得嗌咩肉都冇乜所謂，因為啲肉唔係腍😅重點係肉骨茶😂基本上係必嗌❗因為係無限添飲嫁🤗茶有藥材味，但係又唔會好苦，反而有啲肉既甜味平衡番👍招牌砂煲老鼠粉 $68老鼠粉即係銀針粉，面頭舖滿肉碎、咸魚、蝦米、雞蛋、蔥花等等既配料，非常豐富😃上枱冇耐就要撈勻佢，唔係就痴底😅鹹味好夠，配料好富豐😄椰香咖央多士 $22多士烘得好脆，咖央醬只係岩岩好夠，但係都好好食😋綿羊第二次就嗌左多醬，不過食落會偏甜🤔馬拉沙嗲串燒 3串$40 6串$75有豬、牛、雞或者全部揀，沙嗲好香花生醬味，仲有花生粒，所以沙嗲味道帶甜😁肉質腍而且唔乾👍