亞萊嘜嘜 (已結業)

行完南生圍，即慶黎左食泰菜。由於體力勞動一番後連帶腦力也要休息，所以我地揀左二人餐（貪佢可以諗少啲哈哈），份量適中。最驚喜係其上菜速度，雖然晚市開始客人愈黎愈多，但菜式係落單後冇耐已經逐樣陸續送到！我哋冇揀冬陰公，反而揀咗椰香雞湯。店員話只有小小辣，不過飲一啖已經嘗到濃濃嘅椰香味夾雜著辣味，但係可以接受嘅...... 但一啲辣都食唔到嘅朋友建議唔好揀！拍靚牛肉會送埋嘅蒜香包係''一條條''厚切容易咬，而且外脆內軟，口感層次豐富！個人始終覺得蒜香包要搭配黃咖哩才完美！又或者下次會揀蠔仔蛋配蒜香包美中不足嘅係懶人（泰式）鳳爪略嫌醃得唔夠入味。總括黎講亞萊嘜嘜性價比都高嘅

人日啦！恭祝大家生日快樂，身體健康！係咁特別既日子又撞正Happy Friday, gathering 是常識吧？，所以賴生今晚誠邀左屈小姐入黎元朗同賴生&朋友們食飯，順便慶祝朋友生日！提提大家，如果黎呢間泰國野食飯，最好預先訂枱，因為唔訂真係有排等，超多人！平時賴生同屈小姐食飯都劇少會叫餐食，原因有3個，第一：覺得被人綁住，第二：通常餐包果d野大部份都唔好食既，好食既得1-3樣，第三：賴生同屈小姐好少叫野飲同甜品既，你懂的⋯通常餐都有包⋯所以好多時，賴生同屈小姐都會犧牲叫野飲同甜品既錢而去散叫自己想食既野（加上野飲同甜品係好肥既～我地寧願用啲quota食其他野）！不過，呢次真係比呢度既4人餐打動左⋯（唔加野飲連加一）除番開每人都只係$190蚊再加上佢8個選擇有4-5樣我地都想食嫁（PS: 唔記得影個4人餐menu)4人餐整體評分：價錢：4星 份量：5星 味道：4.5星 選擇：4.5星 咁4人餐究竟係包D咩既呢⋯⋯？A) 泰式小食五味拼盤 （4星）拼盤全部都係炸野黎，超邪惡，有炸蝦餅，炸魚餅，炸南瓜，炸蕃薯，香葉包雞同炸春卷！全部小食都係水準之作，當中要特別點名讚既係，炸蝦餅，炸魚餅同

晏就先訂枱晚上都full booking，但可以6點入座食到7點半，剛好屋企人放早可以食6點。4、5點打黎confirm booking4個人食揀左個4人餐，set同散叫價錢相約但可以半價叫4杯飲品，而且想試嘅餸菜都包括在內，另外有甜品，感覺相對抵d。上菜超快，5分鐘就黎第一個餸，之後都keep住好快咁上菜，然後一整個枱面都係餸菜同飲品（好岩相機食先嘅朋友）。侍應好友善，主動話幫我地影相（因為我地好努力咁自拍中），每位態度都好好，服務亦貼心，一上湯打算幫我地分湯。冬蔭公湯係我家必點菜式，而呢間嘅湯非常足料而且正路，有至少兩隻大蝦、香料、秀珍菇等，食料入味，香味濃郁，酸辣兩味剛剛好，大家都好滿意。小食有拼盤同生菜肉粹包，拼盤中最中意炸南瓜；而生菜肉粹包嘅炒肉粹唔似有d店會有「臭豬味」，呢間有將豬肉適當嘅爆鑊同調味，肉粹不會過乾，辛辣中會有微微嘅酸味帶出層次。咖哩軟殻蟹加蒜蓉包最出位嘅係個咖哩同包我諗中意食軟殻蟹嘅人多數食日式料理都會叫炸軟殻蟹，雖然呢度都係炸但由於大部分浸係咖哩，會比較淋身，食落普通，但都有6大舊，量取勝; 而個咖哩係香濃而不辣個種，岩我口味，配菜新鮮，配合起有淡淡甜味；