御泰坊-泰越菜

營業中

休息中

呢間其實食過好多次，但某啲菜式水平好似下降咗，可能我嗰日去得比較近收工時間啦豬頸肉嘅質素都唔錯，不過水準唔穩定，上次有啲燶得滯，今次就啱啱好，好食嘅馬拉盞炒通菜比起平時，就有啲太腍太油，同埋唔夠熱，算係不過不失嘅菜式生菜包，就係令我失望嘅菜式，因為我每次去都必點，今次直頭有少少似BB食嗰啲糊仔啲肉腍過頭冇咩咬口你問我會唔會再返去食都會嘅，方便又唔太差，不過水準真係有少少似抽盲盒，服務態度唔錯

打風緣故，想揀個地點方便，又坐得舒服，又可以食到泰國菜餐廳，即慶試試哩間餐廳。整體食物味道算ok，但環境坐得舒服，價格合理。4個人叫左5個菜，平均每人$2xx，唔算貴。1. 生菜包：中規中矩，如果辣多少少就好d2. 小食拼盤：份量大概每樣小食兩件，4個人食唔係好夠分，但味道係幾好，串燒最好食。3. 炒金邊粉：份量好大碟，味道偏甜，個人覺得ok，因為炒金邊粉通常都係甜甜地。4. 軟殼蟹咖喱包：個人覺得比較失望，睇餐牌以為係黃牌菜，都係最後先出場菜式，但軟殼蟹+咖喱+包完全唔夾，包係好硬，完全唔脆，咖喱又無咩咖喱味，失望一道菜。5. 馬拉盞炒通菜：可以同九龍城有得揮，好食。

友人推介好吃，與家人4人來吃，4百多元吃得飽飽的有book位，等了3個字就入得環境舒適，乾淨，裝修幾靚，牆畫幾得意蝦餅夠脆好好味雞糯米飯好開胃，輔泰式香料，雞脆脆地椰青味道ok，4十幾好似偏貴馬拉盞炒通菜夠晒香香芒軟殼蟹米紙卷味道好特別，芒果配軟殼蟹同塊皮感覺係好清新，推介一試!夠$400仲送左碟春卷 4個人飽到不得了

因為慶祝2個朋友仔嘅生日，我特登係大半個月之前，已經book呢間餐廳食泰菜，其實我大可以去九龍城，不過我都唔知點解神推鬼恐就book左呢度。其實我曾經係呢度等左1粒鐘，又唔知係咪神推鬼恐我竟然覺得好好味，於是揀左呢度食。好彩我地個個都準時，真係好難得，出面已經有好多人等緊，不過book左位就有靚位坐，我地一行6個人，有一張圓枱坐，其實圓枱好緊要，因為圓頭係最好一班人傾偈嘅枱形狀，個個都會望到每一個人，非常好。每次同呢5個人食飯，都唔知點解會好似餓狗搶屎咁，不停叫野食，名符其實嘅眼濶肚窄! 所以今次啲食物相多到爆! 呢碟炭燒豬頸肉可以話係個醬汁帶起整味餸，首先豬頸肉唔夠乾身，炭燒唔係幾睇得出，亦食唔出，好似放係焗爐焗過下咁，一啲燒焦嘅香味都無。由於很多食家推介這裡的香芒軟殼蟹米紙卷，我們也點了試試看，雖知芒果汁好甜，軟殼蟹味道不夠，呢碟野應該係沙律嚟嘅! 食左一舊就唔太想食.....炸蝦餅最好吃的是伴碟的蝦片，至於蝦餅，普普通通啦~ 皮不算厚，証明炸粉不多~ 我地叫左一窩冬陰公，幾足料，有很多蝦呀草菇啊~ 香茅味不算太濃，少少酸~很不錯麵包咖喱雞點解唔係雞嘅雞上係鴨造型嘅碟上，我都唔係好

新一年, 約左幾個月冇見ge朋友食飯, 朋友揀左apm呢間泰國野之前黎過幾次, 有時好食有時麻麻, 可能關D野食事, 要睇下叫咩先好食!哈哈3個人叫左蝦餅, 春卷, 麵包雞, 馬拉盞炒通菜, 同3杯drinks, 最後叫左個芒果糯米飯 總結今次叫既都好好味, 蝦餅唔駛講, 因為每次都叫haha特別推介o既係春卷同麵包雞, yummy Share photo 先:雖然冇叫飯, 但都夠我地3個捧住個肚走lu

因為工作上不如意, 所以決定要同仔仔去食餐好既........實行化悲憤為食量 其實之前已經同朋友仔食過一次, 雖然價錢相比起九龍城的泰國菜係貴左D...但勝在地點方便, 環境OK, 又有得book 枱, 唔駛等之餘, 上菜仲好快 tim 炸蝦餅 : 第一次食果時, 就已經被佢既彈牙深深咁吸引, 再配上香甜既黃梅醬, 簡直就係一試難忘 馬拉盞炒通菜 : 必點之選, 嫩口非常　　 蟹肉炒粉絲 : 好味, 可惜份量較少 生菜包 : 因為越食越開胃既關係, 所以再叫一個生菜包, 感覺上比平時食的較辣, 以為是平平無奇的炒肉碎, 那隱藏的辣度卻不可輕視, 清甜生菜剛好中和那辣度,為口腔帶來一點清涼感覺, 讚！ Mango Tango: 係一杯芒果夾雜著菠蘿味既沙冰, 絕對係解辣之選

以前我唔會食泰國菜, 因為我覺得泰國菜一定係辣 試過御泰坊之後, 我對泰國菜有新既睇法~我同男朋友當晚要去apm睇戲, 所以就來到apm食晚飯, 知道這間餐廳的泰國菜很好味..剛好6點去到又唔使排隊, 就入去試一試我地叫咗炭燒豬頸肉, 馬拉盞炒通菜, 甜咖哩羊骨排~炭燒豬頸肉 : 好大碟, 肉汁豐富, 點汁食味道好正(男友話^^), 我就覺得兩個人有點太多, 但味道唔錯 馬拉盞炒通菜 : 馬拉盞好香, 不太油又不太鹹, 有少少微辣, 不太食辣的我都很喜歡食這味菜 甜咖哩羊骨排 : 買相很吸引, 羊骨排味道跟咖哩很夾, 微"蘇", 肉質細嫩, 脂肪不多, 咖哩汁配飯一樣好味我地用咗45分鐘KO所有食物 除了食物好味之外, 餐廳環境都唔錯, 當晚我地可以坐卡位, 位置都很舒服, 服務都很好, 食物很快就到, 值得再試。