隨心 (已搬遷) 新店位置

夏日熱辣辣，咁熱就緊係要食東南亞嘢啦！最近朋友同我講鰂魚涌有間好好食嘅新加坡菜，話喇沙湯底好好味，所以今日就特登去試下係咪真係咁正！喺地鐵站行3分鐘左右就到「隨心」，非常就腳方便！餐廳十分寬敞，好多卡位坐，仲有好多ig-able嘅霓虹燈，打卡一流，仲播住好柔和嘅背景音樂，感覺好chill我哋叫咗三樣嘢食：新加坡炒貴刁、海鮮喇沙、同埋馬拉盞炒通菜炒貴刁非常足料，有蝦仁、臘腸、魚片等等，而且超夠鑊氣！味道鹹甜中帶少少辣，超級香口！海鮮喇沙個湯底超級香濃，辣味有層次，飲落仲有陣陣椰香味！喇沙有超多餸，有兩隻大蝦、帆立貝、魚片、蟹柳、雞蛋、豆卜、芽菜，樣樣都好新鮮好好食！米粉同瀨粉都索晒個喇沙湯底，超級邪惡！食咗咁多肉，梗係要食返碟菜中和下！馬拉盞炒通菜微辣又帶點鹹香，通菜口感爽脆，十分惹味！食到超飽、好滿足！呢間餐廳啲嘢食真係有驚喜，下次出開港島一定會再幫襯！

一有時間，PJ 都會周圍去搵d好味或有特色的食店幫襯，總之係好食的，我地都會去。而今晚，我地就去咗位於鰂魚涌太古坊旁這條食街的"隨心"，想知這間星馬餐廳有咩過人之處吸引到我們來這裡？睇完就知喇。一入店內就被那幅攪鬼的獅城3D壁畫吸引，而一早已到的朋友L已急不及待先叫了沙嗲串燒($65~豬雞各三串) 及沙嗲黃金豆腐($48) 醫肚，我們剛好一坐低就有得食。串燒醃得夠入味，帶香甜的沙嗲醬內有好多花生碎，我較喜歡肉質鬆軟的豬肉串。至於黃金豆腐，炸得香口，配埋沙嗲醬一口一件，送啤酒一流。我倆雖不喝酒，但見友人M 及L好爽咁一邊飲來自新加坡的老虎啤酒($28) 一邊食這些小食，決定叫多個參巴雞翼($48)。這個雞翼火喉炸得剛好，嫩滑無比，非常香口好味，就連一向不好雞翼的阿J都輕易消滅一隻。跟住到主菜啦，先來海鮮喇沙($85)~ 這碗喇沙份量夠哂大，豐富的材料包括蝦、帶子、魚片蟹柳同埋半隻留心蛋，這個喇沙湯底對我來說辣度剛好。跟住是今晚的第一推介~海南雞($228)。超嫩滑，有雞味，煮的時間剛好，皮亦有彈性，這隻雞有料到，而附上的雞湯亦清甜。食咗咁多野，都係時候飲番個湯潤下喉嚨，見個喇沙湯底對板，

朋友知我鐘意食海南雞, 話佢公司附近有間海南雞幾得, 特意約我過來一聚.公司樓下坐巴士來, 落車行幾步就到, 幾方便.朋友己到齊而且已點左部份菜, 一坐底就有野食, 真好杞子雞湯(一杯) $18 x 4: 先飲湯濕下喉嚨, 感覺滋補, 足料無味精海南雞 全隻 $228海南雞全隻: 之後梗係食我最愛既海南雞啦, 朋友的確無錯, 個海南雞好得, 夠雞味, 肉嫩滑不生, 皮簿少脂肪, 好味到要連續食左幾件麥皮蝦(4隻) $208:有點像黃金蝦, 皮多了麥皮香脆, 少了蛋黃, 感覺健康好多, 蝦好大隻而且肉實彈肉骨茶(馬來西亞) 加一字骨 $108: 這個係馬來西亞肉骨茶, 同平時食開既星加坡果種好唔同. 幾似胡椒豬肚湯, 胡椒味幾醒神暖胃, 亦帶有白蘿蔔的甜, 一字骨夠腍亞參魚 $208: 這個魚幾特別, 酸酸甜甜, 魚肉質細緻少骨不易碎開 海鮮喇沙 $85: 都幾大碗, 麵線及米線混合一起, 食到米線既滑, 之餘又有麵線既實彈, 吸收晒喇沙既惹味及椰香, 半隻蛋, 蛋黃是流心的斑蘭葉炸雞 (4隻) $48: 睇尼哩度煮雞係有一手, 雞件外層有少少脆, 有斑蘭葉香, 嫩滑有肉汁, 而且都大件

好中意同朋友周圍去食唔同既菜色，從美食中感受下唔同國家既文化，當中有好多唔同既特色都可以互相學習～間唔中都會去鰂魚涌搵食，雖然唔係我地頭，但都搵左間幾特別既星馬菜餐館－隨心。雖然店名同食物方面冇咩關係，但我當然會照舊捧場環境唔算好大，設計有啲似中式茶餐廳，中上價錢，二人份量百餘有找雖然我地都唔太熟悉星馬菜既菜色（最多都係最熟海南雞飯）不過依然好努力咁慢慢揀啲有興趣又夠特色既菜色！娘惹咖哩海南雞飯，一個小鍋加一大碗飯，夠晒兩人分，金黃色既咖哩非常香濃，食落會帶點辣夠晒惹味，每啖都食到咖哩既甘香，非常抵讚！色澤明亮鮮艷，海南雞件件都夠多肉，雞肉口感又夠滑，係一大加分位！馬拉盞炒通菜，口味較重既一道菜，通菜新鮮爽脆，配炒既醬汁就比較咸，但唔會COME左通菜陣味配埋咖哩一齊食都唔錯，不過價錢就貴左啲，但都可以一試～班蘭葉炸雞，有別於出面既一般炸雞，佢唔會落炸粉，只用左班蘭葉包住，岩岩上菜果時有好香既葉香味，但見到成塊葉都係油，心諗今次一定好油膩喇！之後折開塊葉，就見到一塊類似三角形既雞塊出現，驚喜既係，被包實既雞塊冇吸到油，所以食落完全唔會油！而肉質都有別於一般雞塊既口感，佢係比較實正，食落有

去太古城中心睇戲之前去左鰂魚涌附近搵食，本來想食周月，但見到有間食海南雞飯的馬拉菜館，突然好想食海南雞就入左去試。我地點左海南雞飯、海鮮喇沙、班蘭葉炸雞、馬拉盞炒通菜、沙嗲串燒同兩杯檸檬薏米水。大部分的菜式味道都較一般馬拉菜清淡，沒有以往食過馬拉菜的濃郁味道，店門都見到佢標榜不含味精，可能味道就較為減鹽減油吧～但的確食完唔會好想飲水解渴，這口味可能是迎合附近上班的OL吧！最驚喜反而是班蘭葉炸雞，連班蘭葉炸到變薯片咁脆，而且炸雞唔駛沾雞醬都好入味，好吃！但反而沙嗲串燒較不推介，這不是燒的是用炸的，而且沙嗲醬不夠惹味～