Mee...lemongrass (ac四期) (已結業)

友聚飯局，又要頭痛食咩好之際，突然諗起好耐冇食星馬泰菜 ～ 好！立即行動！店舖藏身於商場內，位置方便就腳。座位舒適👍菜單款式多樣化，應有盡有。但係對於有選擇困難症嘅我，係一大挑戰！泰式奶茶 ～ 茶味香濃，特意要求少甜少冰🧊，對我嚟講啱啱好😁招牌無骨海南雞飯 ～ 雞件啖啖肉，皮爽肉嫩，配菜酸蘿蔔絲、脆脆花生粒都比我一掃光，雞湯內含甘筍粒，夠晒甜。雞油飯香而不漏，不知不覺中輕易清碟⋯豬扒經過處理夠晒入味，厚切夠質感！無骨酸辣鳳爪沙律 ～一上枱見到咁大盤仲以為多為配菜，但係竟然八成都係鳳爪，好誇張。隻隻腳指都好好食，唔會過辣，味道啱啱好🤤香芒椰汁糯米飯 ～ 賣相精緻，芒果香甜，跟椰汁糯米飯簡直絕配，幾飽都要食！

是日在香港仔放工,難得黎到就四處行下,順便食埋晚飯先走行下行下見到有個叔叔舉牌叫人食Mee咁我地就上去望一望再睇下門口既餐牌都OK既,所以同同事就入左去喇睇完餐牌叫野食先叫左個肉骨茶,雞油飯,馬來蜜汁炭燒厚切豬扒撈檬,馬拉盞炒通菜肉骨茶-非常足料,排骨都好入味,再配合埋其他藥材個湯仲好味道,豆腐卜吸晒D味更加正雞油飯-唔算好油,不過都幾香口馬來蜜汁炭燒厚切豬扒撈檬-豬扒燒到好香口,軟硬岩岩好,都幾好食,加埋醋去食撈檬可以話一流馬拉盞炒通菜-少少辣辣地都幾香口好味道,菜都好新鮮

今日同男朋友黎到香港仔呢頭，是旦揀左間餐廳黎食。我估應該係新開，見好多人都拎住coupon黎食，但我地走個陣先見到樓下有人派😂。呢間餐廳睇落係食泰國野，但最特別既係佢啲野飲唔係普通泰國餐廳既特飲，而係台式飲品😨。研究完一輪先發現野飲個part係分左比另一間舖負責，佢地應該係合作既形式？都幾特別。✨鮮果茉莉茶｜鮮果東方美人茶佢地既水果茶係用新鮮水果沖既，唔知有無另外加糖，整體偏甜左少少但幾fresh。入面有蘋果、橙、士多啤梨、西柚同百香果。重點：新開張買一送一，30幾蚊飲兩杯好抵！😆✨印尼炒飯第一次食印尼炒飯，原來有蝦片、煎蛋同串燒，都幾豐富，份量好足！✨大蝦炒金邊粉我好順手咁撈曬啲辣椒碎入去，搞到太辣，男朋友食唔到🤣。呢間餐廳既粉麵飯份量都係好足，炒得好食！✨馬拉盞炒通菜每次去泰國餐廳必嗌！炒得好香🤩！✨串燒佢地擺盤有用心😂，仲有面包塊同菠蘿伴碟。串燒都好香，如果沙嗲醬有埋花生粒仲正😍。最後埋單$300都唔洗，食到捧住個肚走。如果一個人平時黎食午餐晚餐都算抵食。

初二同老媽兩個6:30pm入座,時間尚早就取了四人檯早食早散~ 伙記都好有禮貌上菜都快亦斯文有禮~  點了5樣食物中規中舉未算難食但又唔感到好好食嚕...  😗😗😗   🥘海南雞老左d個湯冇調味個飯緊緊過芯~大家樂果d感覺嚕...     🥘老媽係馬拉人食哂成碗肉骨茶(連渣)評鑑為"都係心目中果d藥材味道,湯淡而排骨如柴皮" 即係多數大火滾湯而唔係用長時間餚燉出來嚕...  🥘炭燒厚切G扒真係冇落鹽架大佬😹😹~ 不過原來一點個辣汁完全另一回事,喜愛食香辣都算幾好味,但唔食辣汁就唔好叫呢道菜了 ...  🥘反而成餐最好食係個軟殼蟹米紙卷~檬粉好少一口一件,當係前菜都好唔錯 <3  🥘最後全餐最夠味道係個馬拉盞炒通菜... 明明係配菜但係最快被K.O. 哂既一碟餸... 講到呢度總括呢檔野有幾"清淡"大家心裡有數 😹😹😹