民聲冰室 (裝修中)

識左個新朋友 佢帶我去我從來未去過既大坑 食地道野呢間民聲冰室 好地道既裝修 應該話無裝修咁濟餐廳內只有四五張枱 出面就有三張露天雅座食客大模斯樣食煙 啲煙噴晒入餐廳入面 對於啲平時唔食煙既就唔多開心喇我地叫左呢度馳名既鹹蛋蒸肉餅 同埋 通菜個肉餅加甜豉油真係幾好食 咬落唔會好硬 又唔會好肥或者油 但係咁既價錢好似細左啲8x一個肉餅 未跟飯 (每個$8）咁既地方食 性價比差啲喇通菜味道正常 但都係貴啦7x 埋單每人9x我地食完都速速逃喇 因為出面真係好大煙

係銅鑼灣返完church 突然想食鹹蛋肉餅ᴴᴷ$88，就決定行過去大坑搵食。之前係呢間冰室食過馳名的「肉餅山」，今次當然叫返， 依然好味，肉餅混和了肥瘦豬肉，鬆軟得黎又不失黏彈的口感，大大粒鹹蛋黃好好味，豉油略嫌有點太甜， 食完成座山後有點膩。😂😂食肉餅當然唔可以無飯，所以叫左兩碗白飯ᴴᴷ$8ˣ2。另外，也order了馬拉盞通菜ᴴᴷ$78，味道夠香濃又唔會太辣。

每次去民聲都會食鹹蛋肉餅，比起普通肉餅淋,入口即溶的感覺。今次係同fd子一齊去，佢地都覺得好開心。碟豬扒同通菜都好好味,不過都係肉餅最正!可樂係以前嘅大枝瓶裝,好懷舊的感覺。可惜去嘅時候無曬鹹檸七,本來好想飲。

昨晚去大坑著名長龍店民聲冰室吃飯，鎮店之寶鹹蛋肉餅果然名不虛傳，絕對是神級美食，但其他菜卻只是一般，更想像不到的是服務，要聲大大主動追擊才能成功落單上菜，實在匪夷所思。和大家圖文分享這一晚的菜色及奇妙經歷，最精彩是遇上黃秋生，由他示範光顧此店的最理想方法，是什麼？一起看看！昨晚飯友召喚出去開餐，目的地是大坑著名的民聲冰室。在下對此店的大名早有聽聞，但因為無興趣為此排隊一直都沒有去試，有朋友一起就不同了。七時左右去到人不算多未需要等位，店面本來就很細只能坐十人左右，而店家就隨顧客增加不斷在路邊開新桌，結果開了接近十張，變成做多幾十人生意，說實在這樣「僭建」得有點誇張，怪不得朋友說食環署經常會來執法，影響食客及生意，幾年前更因為這樣而被釘牌。此店的特色在沒有餐牌，店內有一塊牌，而在僭建位吃飯的朋友，就需要到路口這塊放在馬路渠蓋邊的「餐牌」看看想吃什麼，認真有風味。上菜先有「瑞士雞」，就是「瑞士雞翼」的全雞版，但說實在雞味和瑞士汁的味道都不足，平平無奇之作。之後是「羔蟹水蛋」，在下不太愛吃蟹，只吃水蛋，蒸水蛋的軟滑度中上還算不錯，重點在於吃下去感覺是普通版的蒸水蛋，吃不出蟹肉的味道。「鹹蛋肉