民聲冰室

營業中

休息中

一路都有聽過民聲冰室肉餅山有幾特別，但可能期望好高，現實同想像中有好大出入。首先舖頭真係好細而且污糟，過膠餐牌已經甩哂膠同埋佈滿油漬，加埋整體空間好細，夏天去真係好辛苦。肉餅山黎到個“山”真係得啖笑，只係比市面既高少少而已，絕對唔係山，食落係正常肉餅既調味而且都冇咩豬肉口感。其實街邊新鮮整起3餸飯都完全食到一樣既口感。另外仲叫左豬扒飯，黎到後豬扒係酸既，同佢反映左之後轉其他食物，之後因為舖頭細，完全聽到哂廚房既人切開塊豬扒試，仲話係喎點解酸。大佬，而家既天氣食材儲存不當就當然會酸，仲要咁大聲討論，發生咩事？有咩咁值得去食呢其實。

肉餅林得嚟 唔膩🤤隻鹹蛋鬼死咁香 出哂油啲豉油甜甜地 好夾個白飯食咗一半先記得影相外賣自取好抵食$58個lunchLunch時間好快爆滿，快啲過嚟排隊食前後左右啲舖頭好有人情味老闆娘繼續喺門口坐鎮

身為肉餅愛好者,我覺得肉餅山絕對係一個值得一試嘅好地方。佢哋呢度嘅肉餅肉質好鬆軟,又多汁,完全唔會肥膩,真係天下無敵。無論係單獨食還是配飯食,都好滿足,連帶帶出飯都意外咁好食。肉餅呢樣經典小菜,佢哋終於將它完美詮釋,可以話係肉餅界嘅巔峰。推薦大家一定要試吓,相信一口咬落去,定能體會到肉餅嘅無窮魅力。會令你大呼過癮,食完之後仲意猶未盡。

黎到大坑唔知食咩好 就揀咗呢間出名食肉餅飯✨鹹蛋蒸肉餅飯 $58人地出名肉餅飯 肉餅配埋個豉油係好香 好啱送飯但我覺得個鹹蛋更出色😍😍本身我好鍾意食鹹蛋 呢個係漏晒油嗰啲好正✨客家鹽焗手撕雞 $65個雞幾滑溜 又夠入味😋 好香麻油同埋啲芝麻味 總括黎講味道好好👍🏻 抵食 不過室內得好少位 我地要坐室外 食食下都幾熱😥😥味道❤️❤️❤️❤️抵食❤️❤️❤️❤️💔服務❤️❤️❤️環境❤️❤️💔💰午餐人均～$62 （唔洗+1）

記得六七年前朋友帶我食過一次，之後久唔久都會諗起想去食，今次帶埋個朋友去試佢個肉餅山，個肉餅好實淨，一夾就知同出面嘅好唔同，唔會一夾就散，另外咬落去個肉味都好重，都係超級好味。

咪話哩咖，今次去食非華麗但又得意到爆嘅肉餅山同芝麻手撕雞啦！肉餅山嚟到，先係賣相就攞晒分，肉餅卜卜脆，鹹蛋黃霸氣掛頂，啖啖肉香🤤，細細啖咬落，鹹香得嚟騷卜卜口感噏晒味，豉油汁嘅香甜，真係送飯一流。再講吓個芝麻手撕雞，真係唔好睇佢普通，雞肉撕嘅絲絲分明，滑溜溜得嚟又唔柴，簡單嘅麻油芝麻味，係咁淡但又啱晒口👌，唔洗太複雜，原來咁就已經好夠晒開心呀！講到飲品部分，凍檸茶解渴之選，凍奶茶就幾順滑，一杯得嘅清涼，一杯得嘅甘香，無一漏網。整體嚟講，個食驚喜真係唔少，舒服嘅食物、簡單嘅幸福，呢間餐廳呢個經驗正到爆💥，記得帶住大肚食，一試愛上！

{民聲冰室 - $300}好朋友搬左去大坑，去探下佢發現原來佢正正住民聲冰室樓上，真係久違了的味道，還記得第一次食佢地嘅鹹蛋蒸肉山同埋蟹膏蒸水蛋！真係令人回味！好可惜朋友唔食蛋嘅😅我地今次叫左客家鹽焗手撕雞、雞油炒豆苗、椒鹽豬扒！雖然份量有點精緻但兩個人食總算剛剛好！鹽焗雞咸香美味，炒豆苗鮮嫰可口，椒鹽豬扒就略嫌有點柴，但味道都好好！不過整體食物質素都好唔錯！最重要係就算坐街邊都可以靜靜地咁同朋友吹水吹成晚，慢慢食傾下近況！美味程度：😋😋😋😋環境指數：🎇🎇🎇番食機會：🦍🦍🦍🦍📍 #民聲冰室 (大坑)大坑浣紗街16號地舖

🎄聖誕節假期約咗冇見一排嘅朋友，相約咗去食本地啲嘅餐廳！揀咗好想試好耐而喺大坑區內好出名嘅民聲，以小菜敍舊！🍽 鹹蛋蒸肉餅 😋😋😋😋😋嚟到當然要試佢哋嘅招牌「肉餅山」啦！😎 肉餅口感好嫩滑，冇任何膻味；鹹蛋好靚，鹹香味道恰如其分！☺️ 甜豉油係精髓之一，令肉餅食落好鮮甜，蔥粒亦提升香味再加分！👏🏻🍽 豆豉鯪魚油麥菜 😋😋😋😋豆豉鯪魚唔會剪到好細碎，油麥菜爽口，帶有蒜香🧄同豆豉味！晚餐 💵💵 約港幣$100/人💁🏻‍♀️ 小編同朋友加咗一碗白飯🍚share食，兩個女生嚟講，兩餸一飯作為晚飯飽肚又滿足！😚 店內外座位十幾個～ 雖然廚房水吧得一人負責，但出餐都幾快手！好有香港地道風味！🙆🏻‍♀️ 最後，喜歡嘅話，歡迎follow @foodirectory.hk！

【 大坑•遠近馳名肉餅山🌋】民聲冰室📍浣紗街16號地舖👅6/10🐖鹹蛋蒸肉餅相傳係老闆自創肉餅山，將豬肉垂直疊高再蒸熟！點解成個IG都話好正，又話彈牙必食乜乜乜🦭點知肉餅冇乜口感咬落去比較粉，傳說中既神級甜豉油過鹹🌋係咪我唔好彩🥹叉燒韮黃炒蛋飯幾好味😋有住家餸feel#jengfoodguide_大坑 -#大坑 #大坑美食 #銅鑼灣 #銅鑼灣美食 #民聲冰室 #hkfoodie #港島 #港島美食 #taihang

民聲冰室喺大坑小有名氣，提供令人回味無窮正宗港式地道食物，餐廳面積唔係好大，最多只有四五張枱可以俾你坐，所以一般都要排隊等位，不過價錢非常親民，而且食到港式中菜風味🤤今次我哋專登試咗佢哋嘅招牌菜，一試難忘🤫😗鹹蛋蒸肉餅 $58招牌菜之一，肉餅一上碟真係整到一座山咁樣⛰️😂外層挺身，肉餅打到軟林林，咬落去軟熟鮮嫩多汁而且有埋個豉油撈落去啲肉餅度送飯一流🍚 ，配埋個鹹蛋簡直冇得頂 🥚 客家鹽焗手撕雞 $65🐔食落去質地柔軟，食落去麻油味都幾重，充滿芝麻所以食落去好香口，調味恰到好處🤤

今日嚟到大坑，係附近返工嘅朋友帶我去間街坊餐廳，我朋友話帶我去食「肉餅山」舖位細細，座位數量唔係好多，去到滿座，等左一陣好快有得食鹹蛋蒸肉餅鹹蛋肉餅係民聲冰室嘅招牌之一，果然冇令我失望，亦係老闆自創既菜式，將免治豬肉垂直疊高再蒸熟，肉餅山一到即刻打個卡先，鹹蛋肉餅香氣四溢，座肉餅山都幾挺身，冇塌到落嚟，肉餅鬆化，肉味濃郁，內部鮮嫩多汁，都幾彈牙，加上鹹蛋配上甜豉油，送飯一流，平時唔係好食飯嘅我可以清哂成碗飯😍📍民聲冰室大坑浣紗街16號地舖

成餐飯，叫左3個餸，2個白飯，一杯凍檸茶。餐廳環境冇嘢好講。第1個餸。手撕雞。隻碟底有大約20隻生勾勾嘅螞蟻。（當時職員一知道，即刻成碟手撕雞到咗落垃圾桶，影唔切相）第2個餸。肉餅山。一上枱已經有隻死埋黐住喺個肉餅上面。啲肉係霉嘅。第三個餸。蒜蓉炒油麥菜，直接有條頭髮係菜入面，隻碟入面都有死咗嘅螞蟻。白飯兩碗。其中一碗，一筆出嚟已經有一隻死咗嘅飛蟲喺碗飯入面，（另一碗見到以上所有情況已經冇胃口食，唔肯定令一碗飯入面有冇其他問題）凍檸茶：真係黐線！連杯凍檸茶個底都污糟到咁！講真！收咁嘅價錢！先唔好講味道！起碼廚房衛生正常少少！三個餸兩碗白飯加杯凍檸茶！冇一樣嘢係正常！非常污糟！好心呢啲咁嘅餐廳唔好繼續做！唔好食死人出事！除咗碟手撕雞，職員手快快倒落垃圾桶影唔到相。全部證據係相片上。真係唔好再幫襯啲咁污糟嘅餐廳！！！PS:除咗有20隻生勾勾嘅手撕雞即時通知職員。其他所有有問題嘅餸菜飲品白飯。我直接放低碗筷即時埋單，所以完全唔存在任何諗住拎餐廳任何着數嘅嘢！純粹普通客人身份！依間餐廳好垃圾好污糟！！

平時去大坑通常都係飲咖啡同打卡影下相，今次黎到一間街坊餐廳，去到全院滿座，一路等位一路睇下狗仔🐶，好快就入得去食飯飯嚕😍！🐖鹹蛋蒸肉餅冰室最聞名既肉餅山🫶🏻亦係老闆自創既茶式，將新鮮豬肉打成免治豬肉垂直疊高再蒸熟。肉餅鬆化，肉味濃郁，口感彈牙同有質感！加上面頭既鹹蛋🥚，咸香得黎配上甜豉油，為肉餅帶黎畫龍點睛之效果，餸飯一流！🐓客家鹽焗手撕雞除左肉餅之外，手撕雞都係熱門菜式之一。雞肉經過簡單處理，保留左原本既鮮味撕成一絲絲，嫩滑雞絲再搭配大量芝麻同蔥花，充滿媽媽既味道🥰，完全唔需要太複雜既烹調技巧！📍民聲冰室大坑浣紗街16號地舖

民聲冰室係一間喺大坑區有名嘅港式餐廳，提供咗令人回味無窮嘅正宗港式美食。我最近去咗呢度，試咗佢哋嘅招牌菜手撕雞、通菜同埋鹹蛋肉餅，真係留低咗好深刻嘅印象。首先，鹹蛋肉餅係民聲冰室嘅招牌之一，果然冇令我哋失望。鹹蛋肉餅香氣四溢，外層挺身，內部鮮嫩多汁。鹹蛋嘅濃郁味道同肉餅嘅鮮美完美結合，簡直係舌尖上嘅高級享受。手撕雞係一道令人垂涎嘅港式經典小食。雞肉嫩滑多汁，完美地保留佐原本嘅鮮味，配埋細緻嘅皮蛋醬汁，令呢道菜有好豐富嘅層次感。食咗呢道菜，我就彷彿返到屋企聚餐嘅美好時光，好有種懷舊嘅感覺。最後想健康啲叫咗碟通菜，無諗過都炒得剛剛好。天然甜味同埋脆度，加埋輕微嘅蒜香，散發出一種簡單但好美味嘅風味。民聲唯一嘅小缺點就係餐廳有時可能會有啲擠迫，建議提前預訂，確保有座位。不論同家人朋友一齊享受美食，定係尋找一個懷舊嘅用餐場所，民聲冰室都係一個絕佳嘅選擇。

✨鹹蛋肉餅山啲肉打到好軟淋淋/都仲有啲肉味/上面仲要加隻鹹蛋/賣相非常之好/打卡一流個豉油汁好味/送飯非常之一流✨芝麻手撕雞名符其實芝麻手撕雞/真係好多芝麻亦都好多雞個人覺得手撕雞好食啲的確舖頭嘅衛生情況有待改善🌟提提你舖位細細所以座位數量唔係好多夜晚可能要坐出行人路一啲比較熱門啲嘅菜式/例如鹹蛋肉餅山/芝麻手撕雞/蒸水蛋呢啲當日賣晒就冇想試到名物嘅記得要趁早去食呀🥢民聲冰室 🇭🇰大坑浣紗街16號地舖