阿來泰式地道風味

營業中

休息中

今晚同女朋友2個去到旺角口痕痕想食泰國野 睇開食評知道呢間泰國菜口啤都唔錯 所以就試試佢門口都有一堆人排緊隊 所以想食既人就要預早少少啦咁影個menu比大家望望先 價錢黎講食夜晚都唔算貴 幾合理 所以我地就叫左1個飯 2個餸第一道就係泰式蝦醬炒飯（$58） 個飯味道好濃 重有幾舊臘腸送 蝦醬味好重 食落都幾似糯米飯既味道 大大份夠曬飽肚第2道就係泰式鐵板蠔仔蛋（$78） 呢個個人認為幾抵食 一個人自己食呢個菜都夠曬飽 因為佢既蠔仔好多 同埋半熟既炒蛋 都幾濟 鐘意食蠔仔煮既人岩曬 食到飽都得！呢間鋪既出色地方就係道道菜都好大份同埋調味好夠 唔會口啖啖 即刻我地最後叫既呢個馬拉盞炒通菜（$68）都超大份 而且好地道 上個月我先去完泰國 估唔到返到香港都可以試到咁地道既泰國菜！ 各位鐘意食泰國野既可以一試

返工忙足全日，決定好好獎勵自己食餐好，開左open rice搵左好耐，終於都比我搵到間夜收嘅泰國菜，見唔少好評，一於膽粗粗咁去試。其實餐廳比較小型，一眼望晒，坐枱會比較密集，想食嘢嘅話就冇乜大礙，如果我傾計就唔建議，因為好應聲，隔離枱都一定聽到晒內容，不過我同男友冇乜所謂，純粹肚餓想搵間食台醫醫肚。由於太肚餓嘅關係，我地order左好多飯類食品，叫4道菜式入面，3樣都有飯🤣都仲食得晒，就知幾咁餓！🤭😍❤️❤️👉🏻冬陰公炒飯 $58冬陰公炒飯已經唔止第一次食，呢到嘅冬陰公炒飯比出面食到嘅速度會更強，一碟飯有齊甜、酸、咸、辣嘅味道，仲要海鮮配料又多，最抵死兩隻蝦系面嘅蝦肉好彈牙🤩😍❤️❤️👉🏻阿來海南雞飯 $52海南雞夠滑，個調配醬汁系帶酸辣味，好開胃，仲要個雞油飯做得出色，咸咸香香咁，呢個價位真系好難想像食到好味嘅海南雞飯🤗👉🏻馬拉盞通菜 $68呢碟菜仲貴過我碟飯😂☝🏻，不過都夠香，加左好多蝦米同食得出有蒜蓉同蝦醬味，用黎送下飯都唔錯嘅，味道會偏咸一d🤭正常嘅，有蝦醬嘛😍❤️❤️❤️🔥👉🏻芒果糯米飯 $58呢個真系讚不絕口，啪完兩個飯同一碟菜我地都仲可以食得晒個甜品就知幾好味，一上枱個糯米飯d煙系咁冒

聽人講依間野唔錯接女朋友收工咁岩行過依頭又咁岩未食dinner就碌左入去試啦人地講依間野成日爆場，食親都要等位咁岩今次入去岩岩好有位天意吖，哈哈鋪頭細細，d位都比較密集基本上同隔離枱既距離就好似一齊食飯咁係會有少少唔自然既感覺不過唔理啦，我入黎係食野既先黎左個海南雞飯飯係油飯，好香！食落又唔會油膩海南雞非常貼心，師傅幫你去埋骨仲要比雞脾，超滑又好嫩，無牙都食到加埋個酸辣汁，好食到停唔到口再黎係冬蔭公炒飯我真係好驚訝，一個飯做到“甜，酸，咸，辣”四種既變化，再加上“蜆肉，菇，蟹柳，蝦仁”，我夠膽講句，係毫無破綻！馬拉盞通菜入面材料好足有蝦醬，乾蔥，蝦米，肉碎係好香，好香！我仲叫左個椰汁三色冰椰味濃，又用埋碎冰，加埋三色一齊飲又係無得彈！最後用芒果糯米飯作為結尾估唔到個糯米飯可以做到咁出色出黎果陣仲出緊煙食落好煙韌，加上椰汁好過癮可惜芒果差左少少，有d酸可能芒果唔當造成餐飯非常滿足，佢既野食已經完全蓋過環境依一 part出色，非常出色，cp值好高賣單兩個人$260，食左好多野，真心抵！

旺角出曬名好野食多，想食乜就有乜，今日就嚟到呢間出曬名食泰國菜🇹🇭嘅餐廳「阿來泰式地道風味」試一試佢！四個送之中首當其衝嘅就係「泰式海南雞飯🐔」。海身雞比想像中無咁油膩，但奈何雞肉有小小韌，唔太滑，整體而言只屬一般⛔️「泰式炸蝦餅🍤」就非常彈牙，好食到停唔到，不過比較濃味，食完好快想飲野🤭「咖哩炒大蜆🐚」個咖哩汁無得頂🙀又香，又甜，又唔太辣嘅弱弱食😍強烈建議各位叫蒜蓉包然後點嚟食，包你食到唔記得要減肥🤫最後想提下個「椰青」，因為夠甜又多肉，好滿足🤩

早兩日已預定了7點，當日我和友人都早了15分鐘，但都可以提早入座。座位比較迫，枱都細張，唔算坐得太舒服，如果一大班人來共膳，可能就會比較嘈，不太合適傾計。食泰國菜，當然要吃辣先係。起初，我們2人叫了一個有推薦的「紅咖哩牛肉」($68)，我至愛的「馬拉盞通菜」($68)，和白飯。因為食咖哩點都應該搵薄餅或白飯配，如果唔係就浪費了個汁。由於沒有薄餅，我地只好share一個白飯。咖哩牛肉上菜，覺得係有少少出入，因為預期好似menu的圖，係用法包裝住。泰式咖哩加入好多椰汁，食落一D都唔辣，仲有D甜添，我個人對甜咖哩非常麻麻。入面除了有一片片牛肉外，還有青豆角、茄子、車厘茄、菠蘿。如果是牛腩的話會更有口感，價錢當然會貴D。馬拉盞通菜好正，雖然係咸，但蝦米炒得好香，加分!之後好似個肚仲有空間，我地叫了「椒鹽軟殼蟹」，有好多炸蒜，送飯一流。不過一個白飯係不足夠用來撈汁撈餸，但如果食得太多飯，又試不同其他了。軟殼蟹炸得一般，淋淋地不太脆，份量應該是隻，分開了4件，中間有膏，食得太多都會膩。

自從上年年尾去泰國旅行，就開始喜歡泰國菜。返嚟香港之後，成日都心思思想去食泰國嘢。只可惜香港地好吃又唔貴嘅泰菜都集中喺九龍城，地點對我唔太方便，就打消念頭。但近期電視播泰國旅遊節目，又勾起我鋪隱，於是立下心睇下邊到有既就腳又平靚正嘅泰菜食！見呢間泰菜評價唔錯，價錢幾抵，多數$70-80一道菜，而且地點好方便，就喺先達對面，就約friend來試試餐廳生意唔錯，七點多去到已經坐滿。幸好仲有張2人枱，唔使等位。一打開menu就俾個火山軟殼蟹法包吸引，另外仲叫咗串燒同馬拉盞通菜。其實呢到已經好夠2個女仔食，但因為我太愛青木瓜沙律，所以叫咗碟嚟食呢個火山炸軟殼蟹法包一上枱就十分吸睛，d軟殼蟹多到個包都塞唔哂而且軟殼蟹唔算細隻，食到有蟹肉同少少膏架！個咖喱汁就唔辣嘅，唔食得辣嘅朋友就啱哂啦，仲帶有少少薑味，幾特別。個麵包脆脆地，用嚟送汁一流！串燒，半打，豬雞各半。以為係細細串，估唔到係咁大串，抵食！兩種串燒都燒得好香，肉唔會乾身，面頭仲燶燶地，帶點焦香。點沙嗲醬同上面軟殼蟹個咖喱都好味馬拉盞通菜，不辣，帶點咸香。我的最愛，青木瓜沙律，比起泰國食到嘅就冇咁辣，但都好好味，上面d花生碎同蝦米增添口感呢