馬六

營業中

休息中

揸住架車喺附近搵嘢食，見到皇后大道西街邊拍左好多車，就係呢一段搵餐廳。個餐牌選擇都好多，先來一個海南雞飯拼新加坡喇沙，海南雞唔夠滑，見到都用咗一部份嘅雞脾肉唔知點解都係唔係好滑；喇沙味道都算正宗，唔算好\都幾香口。檳城叉燒賣相黑色唔係好靚，但叉燒肉係半肥瘦，好淋身，有口感，味道啱啱好唔算好鹹。星州金絲蝦丸幾大粒，咬開發現原來入邊有幾隻原隻嘅蝦肉，但啲蝦唔算好新鮮，質素還可以。馬拉盞通菜都算合格。飲品跟餐加$12，所以決定試下芝士拉茶，芝士味唔算重，味道其實都可以，但係就唔知似芝士奶蓋定係馬來奶茶。呢度上菜嘅速度仲快過快餐店，但其實啲菜都係熱嘅， 好明顯唔係整定擺喺度；如果搵到餐廳對出嘅停車位置，可以一路望住架車一路食飯安心啲。

今日同媽咪嚟到石塘咀的寶翠園附近這間星馬菜的餐廳食午餐。餐廳的感覺好舒服，設計簡單但又不失時尚，配合一啲星加坡馬來西亞感覺嘅掛燈，光暗剛好。以呢一區嘅餐廳來講，座位算寬敞，亦有比較舒適嘅梳化位適合4-6位客人用餐。餐具既乾淨又方便取翻開餐牌，你見到好多靚嘅食物圖片又多款，可以讓客人好好品嚐不同星馬風味菜式。我地點左：馬六咖喱面 配菜有香滑嫩嫩的雞絲、有料有口感的扎肉及爽口的魚條，以香濃的咖喱湯底配以粗身麵條，這麵條似港式的粗麵，彈口爽口。-馬六無骨海南雞飯配白胡椒肉骨茶雞肉好嫩滑又無骨啖啖肉，配有三款醬汁，各有特色，更香更野味。白胡椒肉骨茶想像唔到咁香濃嘅味道，竟然仲濃郁過喺星加坡飲過嘅，白胡椒辣味好得好香，喜歡肉骨茶嘅你，必定要點。-馬拉盞通菜唔算太辣，炒得好香，跟餐加$22，質素又超值又健康野味。-拉茶可以濃味多少少，但感覺良好。-鹹柑桔水媽媽話好味唔會好甜，對喉嚨好好。服務很好，友善又親切，唯一係可設餐車送餐，侍應不用棒著兩大碗面走來走去。值得一提，枱下嘅餐具櫃桶餐具齊全應該係店員有好嘅安排及準備，令客人得心應手。一邊播放著異地音樂，離開煩囂，就好似去了一趟星馬旅行，一定會再來。