Dawn (已結業)

有人推介,呢間係一間高質嘅cafe, 特別慕名而來，為咗唔使排長龍，特登揀左平日早上12點前到達，避開人潮。cafe環境尚算乾淨整潔, 內裏面積比較少,枱數唔多，所以枱與枱之間有足夠嘅安全社交距離。前菜揀咗煙鴨胸沙律，味道還可, 以粉紅色醬汁吸引眼球，有點酸酸帶少少薄荷味，開胃唔錯。主菜係焗釀雞胸，原本諗住雞胸一定係鞋口，但佢又唔鞋喎， 而且包住忌廉雜菌，好味。伴菜嘅煎薯餅都唔可以睇少，粟米薯蓉煎香，配上流心蛋， 看似簡單但好味。另一個主菜馬鈴薯糰， 煙煙靭靭， 配埋醬汁，味道不錯 ，但吃太多有啲飽滯，不建議1個人吃掉。refreshing tonic 類似 cucumber soda，味道清新特別，有驚喜

主打多國菜式既cafe，食物高質好值得去試🤩 焗蛋超豐富，有芝士、粟米、薯粒、鹹牛肉、什菌、蕃茄，熱辣辣好惹味，放上法包一齊食超正！.好少可係香港餐廳見到gnocchi，真係整得相當出色！每粒馬鈴薯糰都索哂超濃郁既田螺忌廉汁同煙肉油脂，配埋黑松露同洋蔥味道啱啱好，佢哋自製嘅醬汁真係好rich好creamy，而且gnocchi煙煙韌韌咁好有咬口，推介！

💛 #太子 #Dawn之前打咗一次呢篇食評唔見咗, 唔知係咪自己大頭蝦del咗, 好傷心🥺😭 不過嗰日食得好開心🥳🥳 難得約咗 @shellyoueat 一齊食晚餐, 我哋揀咗呢間靚靚café🥰🥰 呢度以白色為主色調, 環境好簡潔乾淨, 加上每張枱都有花樽, 影相好靚好有感覺💐🐣 烤釀雞胸 ($108)烤釀雞胸係我最鍾意食嘅一樣餸🥰 有兩塊脹卜卜嘅雞胸, 入面塞滿咗超多嘅芝士白菌煙肉, 好有驚喜🤩 而且雞嘅肉質都絕對唔鞋, 超級推薦😋 伴碟嘅有沙律菜同粟米餅連「水波蛋」, 水波蛋一粒圓圓嘅好可愛, 之後吉穿佢連埋粟米餅一齊食都好夾🥰 呢味餸雖然有芝士, 但整體感覺都好健康, 又有足夠嘅蔬菜同蛋白質, 好適合注重健康同減肥中嘅人😝 而且真係好好食咖, 係我最推薦嘅一樣嘢!!!🍳 北非焗蛋 ($88)北非焗蛋都好驚喜, 佢除咗蛋之外仲有超多材料, 有雜菌、鹹牛肉、粟米、芝士、薯仔粒等, 超豐富😝 食落感覺有啲似高級番茄肉醬, 但佢唔係肉醬而係牛肉粒😗 最驚喜嘅係, 切開焗蛋嘅中間, 有啲位置係會有流心蛋添咖! 究竟係點做到咖😱😍 呢個焗蛋仲配咗三片法包同沙律菜上, 可以不啲焗蛋上法包一齊

馬鈴薯糰 gnochhi 係我好喜歡食嘅其中一款主食，但唔係周圍都有，竟然喺小黃cafe DAWN見到佢蹤影，唔洗諗即刻叫嚟試！忌廉汁一定無伏，加埋粒粒磨菇仲有煙肉好香濃，gnochhi煮得好接近薯泥口感好正！而個雞胸好特別入面釀有磨菇，配有水波蛋同粟米煎餅，底下仲有疑似洋蔥嘅物體，整體係偏甜幾有趣！甜品方面，Oreo蛋糕好滑又唔太甜，仲有啖啖oreo餅碎！最驚喜係有我好鍾意但又勁少見嘅carrot cake！我自己本身好憎食紅蘿蔔但carrot cake只有甜味唔會有紅蘿蔔味，再加埋咸咸哋嘅cream cheese 簡直係一餐嘅完美句號。Dawn啲位可能會有少少迫，對話內容可能會比隔離枱聽到哂，但依舊支持！