圓方餃子粥麵

營業中

休息中

前一晚同媽咪包咗雲吞食，就諗起bookmark咗呢間圓方餃子粥麵好耐都未試過。呢日就嚟到深水埗試下呢間咁出名嘅餃子店！我哋為咗避開人流，冇中午時間嚟。三點嚟到，仍然高朋滿座，門口都係有條人龍，不過等咗差唔多五分鐘就入到喇～魚湯上海雲吞（$28）- 白菜豬肉餃魚湯好清甜，感覺冇咩味精，無魚腥味，同餃子一齊食好夾～餃子皮薄餡靚，粒粒由餐廳職員人手包，正！同埋28蚊有8粒都算抵！煎韭菜餃（$17）size好巨型，甫上碟就聞到陣陣香味。外邊有少少油，但都接受到～一咬落去熱辣辣，啲汁咇曬出嚟，韭菜餡裝到好滿。鮮豆漿（$7）豆漿甜甜地，少少豆味，幾好飲～新鮮生餃仲可以外賣～menu：

慕名而來到深水埗的圓方餃子，叫左魚湯上海雲吞（白菜豬肉餃）（$27/8隻）同魚湯韮菜餃（韮菜豬肉）（$27/8隻）。雲吞同餃子的分別在於皮，雲吞皮比餃子皮薄，形狀為方形，而餃子皮較厚身，形狀為圓形。不過老實說，圓方的雲吞同餃子皮都造得好薄，單論外皮，分別不大。上海雲吞同韮菜餃，魚湯鮮甜，兩者都做到皮薄餡靚，餡料的肉汁仍可保留，可以根據個人口味選擇白菜或韮菜作為餡料。韮菜屬五辛之一，食落始終較為香口，即使係煮餃，依然不覺清淡。

星期六出開深水埗當然要去合益泰食下腸粉牛肉啦，去到關了門裝修十分失望，點算好呢！一於去食豆腐花和煎豆腐去到又是裝修，發生咩事呀全部都裝修，在十分無助之際發現這間「圓方餃子粥麵」門口有雜誌的報導，而且望入店裏座無虛席，當下決定入去試一試。魚湯上海雲吞 - 新鮮魚湯配上上海雲吞魚湯的鮮味豐富了雲吞裏豬肉的味道實在妙，而且雲呑的份量也不小有八大隻實在正煎韮菜餃 - 煎韮菜餃味道一流，外皮香脆一口咬下充滿肉汁而且餡料十足蜜汁叉燒腸 - 這個蜜汁叉燒腸令人十分失望皮厚叉燒切得十分細粒全無叉燒味，實在不應在這間買餃子的舖頭裏出現時菜 - 時菜新鮮食落爽脆只是比較細碟而已這間以餃子為名的店舖，餃子造得出色值得再來，以後去深水埗又多一個選擇了😄

我個人都幾鍾意食餃子有時候冇乜胃口又想食平啲啲嘅時候去食餃子係一個唔錯嘅選擇之前見到有網站討論區講話深水埗有間食餃子好正叫做圓方餃子粥麵 於是特登去咗食鋪頭唔算話好細平日夜晚八點左右 已經坐滿九成半餃子類別有韭菜餃西洋菜餃同埋上海雲吞三款除此之外亦都有粥品腸粉可以選擇我地叫咗一碗魚湯韭菜餃同埋魚湯上海雲吞米粉魚湯比我想像中淡味D而且冇乜魚味至於韭菜餃同埋上海雲吞就幾好味皮薄 餡料不錯價錢黎講20幾蚊一碗性價比都OK整體都算抵食食平D系列之選環境氣氛： ★★★☆☆食物質素： ★★★☆☆服務態度： ★★★☆☆