風流居酒屋 (已結業)

辛苦左一年，終於到出bonus嘅時候，當然要約埋朋友食餐好嘅，獎勵下自己啦~ 自己一直都好想試廚師發辦，朋友介紹左銅鑼灣風流居酒屋，呢度最正可以俾個budget廚師，咁就唔怕失左預算啦。海葡萄之前去過沖繩，一食就愛上了。入口咬開，爽脆嘅口感再散發出鹹鹹嘅味道。因為海葡萄保存期好短，所以係香港好少地方見到，呢度有得食好開心。三文魚子溫泉蛋滑捋捋嘅温泉蛋配上日本醬油同三文魚子。温泉蛋入口即化，三文魚子鮮味   兩種鮮味碰撞一齊，味道更上一層樓。日式蟹肉蒸蛋 滑滑嘅蒸蛋配上勁多鮮嫩蟹肉，蟹肉嘅鮮甜滲透係蛋中間，鮮味滿分。刺身：赤左蝦、金目鯛、油甘魚、深海池魚刺身非常新鮮，廚師切得厚厚，食落滿足感爆燈。赤左蝦肉質爽彈甘甜。金目鯛爽甜新鮮，肥美而不膩。油甘魚魚油份高，入口甘香肥美。深海池魚入口質感爽脆，魚味突出。燒南非鮑魚將燒好嘅鮑魚切成細件，方便客人食用。燒既同時加上香料提鮮，仲有少少黑椒粒點綴，彈牙好味。燒三文魚配汁煮蘿蔔汁煮方式可以保存三文魚香，大大件口感一流。蘿蔔吸收晒三文魚汁嘅鮮味，蘿蔔超腍又無渣，令到整碟餸菜無主客之分，蘿蔔都做到同樣出色。壽司海膽係我至愛~ 呢個海膽壽司好好食，海膽

黎到銅鑼灣搵食，大家可以留意下位於樓上舖既餐廳，分分鐘會有驚喜。今日我就黎到一間位於登龍街28號永光中心6樓既日式餐廳，叫做風流居酒屋，黎個廚師發辦。點餐既居酒屋就成日食，廚師發辦我都係第一次。呢度最正係可以俾個預算餐廳，廚師會跟你個預算，俾當日最靚既食材俾客人享用，今次體驗十分唔錯。小鉢有海葡萄同軟殼蟹沙律，我第一次食海葡萄，一早知佢係沖繩特產都已經好想試，今日餐廳有供應，終於試到，食落同食魚子感覺差唔多，營養又豐富，正呀。軟殼蟹沙律又係誠意之作，軟殼蟹岩岩炸起，香脆可口唔油膩，配埋沙律一冷一熱入口，可以刺激味蕾。煮物有日式蟹肉蒸蛋，蒸蛋非常嫰滑，蟹肉夠鮮味，加埋海苔一齊食，層次感增加。碳燒鮑魚，鮑魚選用南非出產既鮑魚，經廚師悉心處理，熟成度恰到好處，廚師既細心地將鮑魚切片，食落爽口。三文魚汁煮蘿白，厚切脆皮三文魚扒，三文魚皮燒到皮脆但魚肉仍然鮮嫩，蘿白入口即溶，配埋廚師特製三文魚汁，兩樣食材同樣出色。鹽燒和牛配野菜，我好喜歡食牛，所以特別期待啲款菜式，以廚師今晚既水準黎睇，當然不令我失望，牛肉本身肉味已經好濃，加上少少鹽已經令牛肉更加好味，再有埋牛舌野菜做陪襯，沒齒難忘。日式咖哩烏