十八座狗仔粉

營業中

休息中

仲有2個鐘先食Dinner係路德圍呢個咁多美食嘅地方個肚即刻打哂鼓🤤太多選擇花多眼亂😵‍💫最後入左去食「十八座狗仔粉」由於晏啲都要食晚餐所以叫咗個魚皮餃佢地隻秘製醬料配合惹味爽口嘅辣菜脯鹹辣甜幾種味道同時衝擊味蕾💥令到魚皮餃升華到唔同嘅層次😍不過佢個辣真係辣架‼️唔食得太辣嘅朋友就要注意下⚠️或者叫定飲品好啲🙌🏻呢間都多人堂食需要搭枱但會有隔板隔一隔🙌🏻另外魚皮餃即刻煮所以都等左15分鐘左右先有🙌🏻有個店員哥哥幾好人自動自覺幫我追咗幾次睇下整好未☺️附上點餐紙⬇️

今日同朋友黎荃灣，聽聞荃灣路德圍有好多好野食，所以我同朋友就去個處醫肚。去到附近果然好多美食，但朋友話想試十八座狗仔粉，咁岩我又未食過，所以就一齊試下。唔講原來唔知呢間野原來已經有好多分店。一到去坐，想點野食之際，就見到「每位最低消費二十蚊」，但其實每人叫碗狗仔粉就夠。我同朋友就唔係太餓，同埋想留肚食其他野，所以就叫左碗狗仔粉同燒賣魚皮餃唔洗多介紹，最出名的狗仔粉，配上辣菜脯。味道我覺得一般，唔會令我有想試一次既衝動。燒賣最有驚喜既魚皮餃，配上佢地自家既辣醬，我覺得好好味！！！！強烈推薦

好鍾意食粉仔，所以去年佐敦十八座入選為「米芝蓮街頭小食店」，就一直心思思想試。今日路經荃灣海壩街，本來想去雄記整碗春卷河，赫然發現旁邊有十八座，於是二話不說轉軚。膽梗係馳名狗仔粉，大碗$27，細碗$20，我叫咗大碗，朋友叫咗細碗，碗粉一到我就起筷，到朋友提我要影相，我已經食咗好幾啖，所以以下呢張相，係朋友嗰碗：講返轉頭，碗粉一到，我一望，就知它只是而家坊間好流行的烏冬扮粉仔，而唔係廣州傳統用粘米粉與米飯搓均，再用筲箕「瀨」入熱水煮的粉仔，質感根本完全不同！湯底比較深色，亦沒有傳統粉仔那股香味，衰啲講其實似車仔麵湯，複雜，鹹，但問我究竟係咩味，實在講唔出。聽見我開口埋口「傳統粉仔」，各位可能覺得我好煩，咁堅持傳統口味，自己整啦笨，返廣州食吖笨！我唔係唔接受新口味的食品，我只係覺得，你叫得自己做「狗仔粉」，顧客就有合理期望，等如你叫豉油皇炒麵，師傅用意大利粉加豉油炒碟麵出來，可能都唔難食，但怪囉，同你預期落差好大囉。細雜$23，有四味餸，點睛係個千味醬，有點沙茶味，又有點沙嗲味，入口香到撲鼻，但又唔會一味死辣，好正！唯一缺點是這味醬油份好重，之後追加的魚皮餃，油份掛晒上餃皮面，好誇張，好似