十八座狗仔粉

營業中

休息中

態度10分唔好 嗌咗碗$37嘅鴨肉翅 再加個$18嘅魚皮餃走蔥 俾咗$60 正常找返$5 冇找到俾我 兩個女人企喺出面話 找咗俾你啦喎 都算數 返到去滿心歡喜打開 點知係狗仔粉 打電話落去 嗰個聽唔明廣東話嘅阿姐 都話我嗌既係鴨肉翅 仲要得大半碗唔好幫襯唔好幫襯唔好幫襯唔好幫襯態度唔好態度唔好態度唔好態度唔好 仲話叫我拎返碗嘢落佢哋度退返錢俾我 車錢都蝕埋俾你啦 嗰$37我當俾你哋買糖食💩💩💩

收工揼完骨輕鬆吓 一條友唔知食乜好經過路德圍 諗起好耐無食狗仔粉就入去十八座狗仔粉坐吓懷舊一下呢度嘅狗仔粉食咗咁多年味道都無咩點變啲粉煙靭又有彈性 加上佢啲菜莆簡直香味十足 食到尾再加少少佢招牌嘅辣菜莆刺激感瞬間提升另外再叫咗個黑白炸丸 不過我次次都係要淨黑 姐係炸貢丸即叫即炸 食落又唔會好油膩口感彈牙香脆 必試！作為香港懷舊小食今時今日都貴咗唔少懷舊一下可以嚟櫈吓腳不過職員就無服務可言嫁啦😂同埋可以環保小小 唔好堂食都用即棄餐具

自費用餐，只係叫左幾款食品。太太食魚肉湯發現懷疑有昆蟲，想叫店員取消左佢就算， 但個經理堅持不是昆蟲，不退不換狗仔粉 — 成碗個面都有一層油魚蓉燒賣— ＂小辣＂辣到我食唔到 （對比既就係， 佢個香辣魚旦我係覺得好小既辣,什至我智當唔辣)，經理又係死口話係咁。一係佢個魚蓉燒賣，一係佢個魚旦商品與說明不符金絲火鴨魚肉湯 - 唔知, 懷疑有昆蟲都有無食到服務一流(無)，全程普通話，去香港小食鋪以為自己返左內地都算好野（內地服務又好過佢十萬倍)，我都唔知自己係邊。懷疑有昆蟲又唔認更一流。我只係講我自己見到同遇到既。

對上一次食已經係多年前嘅佐敦分店。經過荃灣，見到諗住重温吓個味道同辣菜脯。諗住唔算啲咩技術含量好高嘅美食，就算差咗應該都唔會差好多。點知一望一食，令我驚訝不已，點解可以差到咁？味道同印象中完全唔一樣，曾經好喜歡嘅辣菜脯更加令到我大失所望。無論食物質素，味道，價錢，環境，服務，無一可取。仲有啲嘢飛來飛去。感覺只有廉價、廉價，與廉價。又貴又難食！不可一，不可再。相信有生之年，都唔會再食。只能夠懷念當年辣菜脯，味道應該已經消失，讓十八座狗仔粉在我記憶中。

第一次寫食評，因為真係好難頂。 一入到鋪頭冇人理，啲啊姐好得閒勁懶懶行又唔執枱。本身鋪內枱已經不多，仲要成2張大枱唔執。。其次，叫咗成5 6次落單，啲啊姐明明有sense到又唔過嚟落單，個個都等另一個樓面做，勁差。 個狗仔粉唔好食都尚可接 受，但真係毫無誠意煮得好難食（ 第一次食十八座咁淋咁難食，全無口感。辣菜脯同普通菜脯勉強，食咗一半燒賣好似食漿糊又係好淋，蒸咗好耐嘅一舊粉咁。個魚蛋又係無口感，又淋，最後加辣勉強食晒。。

同另外兩個朋友去玩完一日之後經過荃灣路德圍搵嘢食，見十八座狗仔粉有位就入去坐低了。店內環境比較細，枱都比較窄。我點了金絲火鴨魚肉湯，朋友就點了招牌火鴨翅同馳名狗仔粉。金絲火鴨魚肉湯好有火鴨味，魚肉就比較粉，湯底個人認為好重味精，另外可以任加菜甫，因個人好鍾意食菜甫，就加左唔少朋友就覺得馳名狗仔粉同招牌房鴨翅都好正，好啱佢哋口味。

十八座狗仔粉相信係所有香港人都知嘅餐廳充滿童年回憶而佢嘅食物水準一直都係維持咁高冇變過時不時都想嚟一碗狗仔粉今次都係叫做招牌狗仔粉狗仔粉煙靭有彈性加埋蔥同菜莆 個香味真係一流最重要嘅係一定要加佢嘅辣菜甫絕對係成個狗仔粉嘅精髓另外叫咗佢哋嘅魚蛋燒賣燒賣係非常煙靭嘅質感呢種煙靭嘅燒賣唔係邊度都有得買配上蔥花同埋豉油真係宵夜嘅不二之選記得呢度都係有最低消費另外佢嘅碗仔翅同埋生菜魚肉都係非常出色碗仔翅係用鴨煮嘅同普通街邊嘅碗仔翅味道完全唔一樣不過今次太飽就食唔到啦下次一定會再嚟食

今日行開荃灣見到有好耐無食嘅狗仔粉叫咗個狗仔粉同細雜燴熱辣辣嘅狗仔粉再配埋佢地嘅菜脯食真係一流而細雜燴就有豬大腸 豬肚 豬皮同蘿蔔 面頭再淋上佢地嘅秘製醬 不過略嫌個醬鹹咗少少感覺味道同以前食好似都差唔多 雖然整體份量唔算好多 但間唔中口痕食下都ok

十八座狗仔粉其實都食咗好多年又去佐敦舖頭開始食起鴨翅嘅味道都冇變到依然能夠維持 但價錢就貴咗好多佢嘅菜譜真係冇得頂又冇樽裝外賣 不過服務就差d啲姐姐又惡根本都唔願做不過算啦，呢啲街頭小食你想佢比啲咩服務你呀😂😂

叫左個火鴨翅同上脾要大辣 同左職員confirm咗3次多菜脯 翻到屋企一打開一粒菜脯都無 啲翅係凍既同一嚿嚿啫喱狀 打落去同佢講佢漏野啊姐用勁惡態度話係噤嫁喇噤你想點 真係食到成肚氣

外賣返到屋企發現又係無魚肉，之前外賣魚肉翅經常都漏咗放魚肉，無魚肉碗翅份量又會少左，仲要變相貴左，我要食魚肉翅啊。其實已經停買左一段長時間，打算再俾多次機會佢地，點知又係魚肉翅無魚肉，好失望，咁嘅價錢唔會再有意慾想再幫襯。

經常路過荃灣路德圍但未曾試過，加上不知食咩好所以就試試看。入到店鋪時才發現不算太大，只是得幾張枱⋯但坐下來覺得有點兒迫，與後面只是背對背，若有幾個「古代美人」出現就會坐不下來。於是與友人決定試試狗仔粉/黑白相丸/魚肉燒賣/涼茶⋯食物快速到達，相當有效率，值得一讚👍味道方面就覺得麻麻地😞不算難吃但總算可以接受。餐具方面只能提供竹簽就連匙更都沒有叫小朋友怎樣食狗仔粉呢？價錢方面我覺得都不便宜，結賬時也要$1xx！🤬食完之後覺得不知道自己食左什麼東西～下次也要考慮是否再光顧！

和好朋友想在中环找12点后的宵夜发现这家开在兰桂坊的入口处毫不犹豫去落单香香的碗仔翅，满足喝酒后的胃还有港式云吞不愧是老字号，味道很足但如果说要排队的话应该也不会专门等位毕竟味道和街边卖同样小吃的区别不大

呢間係我唯一喺香港食過最難食嘅一間店….食過狗仔粉，同埋佢嘅火鴨絲碗仔翅….狗仔粉價錢都唔平好細碗都係其次…最緊要佢味道真係難食….跟住就係所謂嘅碗仔翅….一碗好似漿糊又冇咩味道嘅食物….真心希望其他人唔好嘥錢去嘗試…都唔明白佢可以有分店…點解咁嘅舖頭仲會有人去幫襯…..而家大環境經濟唔好其實店家真係可以用心一啲去做好間鋪同埋啲食物..定價又唔平..食物又唔好食..我都真係第一次寫咁嘅評論…希望佢哋以後會做得好啲….

呢間嘢最出名嘅原因應該都係因為狗仔粉同埋辣菜脯。個人覺得個狗仔粉本身都OK，不過份量都有啲細，唯一增色不少嘅就係個辣菜脯。所以其實佢又未去到真係好抵食，間中為辣菜脯可以試吓。